Kʼopona Génesis 37:​23-28; 39:​17-23 yuʼun ya awil te bintik ma stojiluk la yichʼ pasbeyel te José.

Lea información ta swenta te bin ya yale. ¿Bin yuʼun te ay bin ma stojiluk la yichʼ pasbeyel te José? (Gén. 37:​3-11; 39:​1, 6-10). ¿Jayeb tiempo kujch yuʼun te swokole? (Gén. 37:2; 41:46). Te jayeb tiempo la yil swokol, ¿bin la spas te Jehová ta stojol te José sok bin-a te ma la spase? (Gén. 39:​2, 21; w23.01 pág. 17, párr. 13).

Ilbeyaxan skʼoplal. Te Biblia maba ya yal teme la skoltay sba ta kʼop te José ta swenta te lotiletik la yal te yinam te Potifar. ¿Binwan yuʼun te maba la skoltay sba ta kʼope? (Paja sok Proverbios 20:2 sok Hech. 21:37). ¿Bin yuʼun te ma spisiluk ya yal te Biblia te bin kʼot ta pasel ta jun relato? (Paja sok Juan 21:25). ¿Bin taleliletik koltayot te José yuʼun ya xkujch yuʼun te bintik ma stojiluk la yichʼ pasbeyele? (Miq. 7:7; Luc. 14:11; Sant. 1:​2, 3).

Ilawil te bintik ya yakʼbat anop. Jojkʼoybeya aba:

• «¿Bintik-a te ma stojiluk ya xjuʼ ya kichʼ pasbeyel ta swenta te jnopojelon yuʼun te Cristoe?» (Luc. 21:​12, 16, 17; Heb. 10:​33, 34).

• «¿Bin ya xjuʼ ya skoltayon yuʼun chapalon ta sitintayel te bin ma stojiluk ya xjuʼ ya kichʼ pasbeyel?» (Sal. 62:​7, 8; 105:​17-19; w19.07 pág. 2-7).