Nameyix te libroe, pero yato xtuun kuʼuntik
Bayal ta tul ants winiketik ya yichʼik ta mukʼ te Bibliae, melel jich ya yilik bitʼil jun chʼul libro. Pero ma jaʼuknax ya yalbey skʼoplal te Diose, jaʼnix jich tey ya xjuʼ ya jtatik tsitseletik te ya xtuun kuʼuntik ta jujun kʼajkʼale.
Kiltik te bin yalojik chaʼoxtul ants winiketik ta swenta te bin-utʼil koltaybilik yuʼun te ya skʼoponik te Biblia sok te ya spas ta skuxlejalik te tsitseletik ya yakʼe.
Te Fiona, jich la yal: «Lekuben ta bayal te jkuxlejale, jaʼnix jich lekuben te bin ya jpas pensar sok te bin-utʼil ya kaʼiy jbae. Jaʼ yuʼun ay stseʼelil koʼtan ta ora ini».
Te Gnitko, jich la yal: «Jaʼ la yakʼbey swentail jkuxlejal te skʼoponel te Bibliae».
Te Andrew, jich la yal: «Ta ora ini jaʼ kʼax lek ayix te jkuxlejale, melel ma bayal tiempo ya x-aʼtejonix yuʼun jich jaʼ bayalxan tiempo ya jokin-a te jfamiliae».
Ma jaʼukiknax te jich yaʼiyoj sbaike, ay bayal ants winiketik ta swolol Balumilal staojik ta ilel te koltaybilik yuʼun te tsitseletik ya yakʼ te Bibliae.
Pero, ¿binwan-utʼil ya skoltayotik te Biblia ta swenta ini?
Yuʼun ma stsakotik chamel
Yuʼun lekuk kʼinal ya kaʼiytik
Yuʼun lekuk ayotik sok te jfamiliatik soknix te kamigotaktike
Yuʼun ya jtuuntestik ta lek te jtakʼintike
Yuʼun ya jnaʼbeytik sba te Diose
Ta yantik artikuloetik ya kiltik te ma jaʼuknax jun chʼul libro te Bibliae, te jaʼ jun libro te ya xjuʼ ya skoltayotik ta jujun kʼajkʼale.