¡WIKʼAME ASIT! Número 2, 2020 | Joʼchajp jojkʼoyel ta swenta te wokolil ilbeya sujtib
Snaʼel te bin ya yal te Biblia ya xjuʼ ya yakʼbat smukʼul awoʼtan kʼalal ya xkʼaxat ta wokol.
Te bin ya schʼuunik chaʼoxtul ants winiketik
Pajbeya skʼoplal sok te bintik ya yalik yantik relijionetik ta swenta te wokolile.
1 ¿Jaʼbal smul Dios te ya xkʼax jwokoltike?
Bayal ants winiketik yichʼojik loʼlayel ta swenta te lotiletik ya yalik ta stojol te Diose. ¿Binwan-a te smelelile?
2 ¿Jaʼbal jmultik te ya xkʼax jwokoltike?
Teme joʼotik jmultik te ya xkʼax jwokoltike, yabal xjuʼ kuʼuntik skomel.
3 ¿Bin yuʼun ya xkʼax swokolik te machʼatik lek yoʼtanike?
Te Biblia ya skoltayotik ta snaʼbeyel swentail te sujtibe.
4 ¿Labal spasotik Dios yuʼun ya xkʼax jwokoltik?
¿Aybal swentail te la spas tʼujbil Balumilal te Dios, pero te ya yakʼbotik jun kuxlejalil te nojel ta wokolile? ¿Bin yuʼun-nix-a te ya xkʼax jwokoltike?
5 ¿Aybal bin-ora ya xlaj skʼoplal te jwokoltike?
Te Biblia ya xcholbotik bin-utʼil te Dios ya xbajt slajin te wokolile
Te banti ya xjuʼ ya jtatik koltayel
Manchukme maʼyuk schajpajibal yilel te jwokoltike, ayme banti ya xjuʼ ya jtatik smukʼul koʼtantik.
