1 ¿Jaʼbal smul Dios te ya xkʼax jwokoltike?
¿Bin yuʼun mukʼ skʼoplal te ya jnaʼbeytik te sujtibe?
Bayal ants winiketik ma skʼan ya snaʼbeyik sba te Diose, melel ya skuyik te jaʼ smul te ay wokolile.
Nopa awaʼiy ta swenta ini
Bayal jwolwanejetik yuʼun te relijionetik ya yakʼik ta nopel te jaʼ smul Dios te jwokoltike. Jun ejemplo, ay chaʼoxtul jich ya yalik te...
-
... kʼalal ya xkʼax tulan jaʼal, nijkel o yantikxan, jaʼlaj kastigo yuʼun Dios.
-
... kʼalal ya xlaj jtul alal yuʼunlaj ya skʼanxan chʼul-abatetik ta chʼulchan te Diose.
-
... yalaj xkoltaywan ta guerraetik te Diose.
Pero, ¿smelelilbal te bintik ya yalik te jwolwanejetik yuʼun te relijionetik ta swenta te Diose? ¿Jaxan teme ma lekuk ya yil Dios te jich ya yalike?
TEME YA AKʼAN YA ANAʼBEYXAN SKʼOPLAL
Ochan ta www.pr418.com/tzh sok ilawil te bideo, ¿Bin yuʼun ya skʼan ya jnoptik te Bibliae?
Te bin ya yal te Biblia
Te Diose ma jaʼuk smul te jwokoltike
Te yakuk yakʼbey swokol te ants winiketike, jaʼnix ya skontrain sba ta stukel, melel te Biblia jich ya yal ta stojol te Diose:
«Toj spisil te behetic yuʼune. [...] Stalel jun yoʼtan soc mayuc schopolil» (DEUTERONOMIO 32:4).
«¡Te Diose, jcʼaxel mayuc mulil ta scuenta, te Machʼa spisil ya xhuʼ yuʼun ma ba ya spas te bin ma stojiluc!» (JOB 34:10).
«Te Machʼa spisil ya xhuʼ yuʼun ma ba ya sjin te bin toj ta pasel» (JOB 34:12).
Te Dios ya spʼaj te relijionetik te ya yakʼik lotil nojptesele
Jaʼnix jich ya spʼaj te relijionetik te ya xnojpteswanik te jaʼ ya yakʼbotik jwokoltik te Diose sok te machʼatik ya xkoltaywanik ta guerra soknix te j-utsʼinwanejetike.
«Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jcʼoponej. Ha ya yalbeyex lotil nahalsitil [...] soc loʼloywanej te ay ta yoʼtanique» (JEREMÍAS 14:14).
Te Jesús la spʼaj ta jkʼaxel te jchebal-oʼtan relijionetik
«Ma spisiluc te machʼatic ya yalbonic: Cajwal, Cajwal, xchihic, te ya xʼochic te banti ay te cuentahinel yuʼun te chʼulchan, ha nax te machʼatic ya spasbeyic te bin ya scʼan yoʼtan te Jtat ay ta chʼulchan. Ta hich ora ay me tsobol machʼatic hich ya yalbonic: Cajwal, Cajwal, ¿yuʼun bal ma ba la jpucbatcotic ta halel acʼop ta scuenta abihil, soc ta scuenta abihil la jloqʼueslancotic pucujetic, soc ta scuenta abihil la jpasticlancotic jchahp aʼteliletic? xchihic me ta jtojol. Pero jamal ya calbeyic: Mayuc bin ora la jnaʼbeyex abahic. Locʼanic ta jtojol, haʼex te chopol awaʼtelique, ya me cutic» (MATEO 7:21-23).
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Jaʼbal smul Dios te wokolile?
Maʼyuk machʼa te ma xkʼax swokol, manchukme ya x-abatin ta stojol Dios. ¿Bin yuʼun?
JOJKʼOYELETIK TA SWENTA TE BIBLIA
¿Bin yuʼun maʼyuk bin la spas te Jehová yuʼun ma xkʼot ta pasel te Holocaustoe?
Bayal ya sjojkʼoybey sbaik bin te Dios la yakʼ te kʼax bayal wokolil. Ya atabey sujtib ta Biblia.
TE J-ILKʼINAL TA TOYOL
Te wokolile: ¿Jaʼbal castigo yuʼun Dios?
¿Yabal stuuntes Dios te chamel sok te bintik ya xkʼax te bayal bintik ya sjin jilel swenta ya yakʼbey castigo-a te ants winiketike?
