4 ¿Labal spasotik Dios yuʼun ya xkʼax jwokoltik?
¿Bin yuʼun mukʼ skʼoplal te ya jnaʼbeytik te sujtibe?
Melel jaʼ ya skoltayotik ta snaʼel bin yilel te kuxlejalil.
Nopa awaʼiy ta swenta ini
¿Aybal swentail te la spas tʼujbil Balumilal te Dios, pero te ya yakʼbotik jun kuxlejalil te nojel ta wokolile?
Ay ants winiketik te maʼyuk srelijionik ya yalik, bin yuʼun la spasotik Dios teme ya yakʼ xkʼax jwokoltik o ay ya yalik te malaj ayuk Jpaswanej kuʼuntik. Ya yalik te ay oxchajp swentail bin yuʼun te ay wokolile 1) te Dios malaj xjuʼ yuʼun slajinel, 2) te maba ya skʼan ya slajin o 3) te malaj ayuk te Diose.
Pero, ¿aybal yan swentail?
TEME YA AKʼAN YA ANAʼBEYXAN SKʼOPLAL
Ochan ta www.pr418.com/tzh sok ilawil te bideo, ¿Bin yuʼun ya smukʼulin koʼtantik te yuʼun-nix jaʼ smelelil-a te bin ya yal te Bibliae?
Te bin ya yal te Biblia
Te Dios maba la spasotik yuʼun ya xkʼax jwokoltik
Jaʼ ya skʼan te yakuk jmulantik te kuxlejalil.
«Jnaʼoj te mayuc yan bin lec ya spas te ants-winic, ha nax te tseʼeluc yoʼtan soc te lecuc bin ya spas ta scuxlejal; soc te ha mahtanil yuʼun Dios te spisilic ya xweʼic ya xʼuchʼic, soc te ya smulanic spisil bintic ya spasique» (ECLESIASTÉS 3:12, 13).
Toj spisil-a te kʼalal la yichʼik pasel yuʼun Dios te Adán sok te Eva
Te Dios ma la skʼan te ya xkʼax swokolik soknix-euk te stsʼumbalik.
«Dios la yacʼticlambe bendición, hich la yalbe: Sitinan soc pʼohla abahic, nojesahic ta swohlol te bahlumilal, soc tuhunahic te qʼuinale» (GÉNESIS 1:28).
Te Adán sok te Eva la skʼaxuntaybeyik smantal te Dios
Te bitʼil la skʼaxuntayik mantale, la staik bayal wokolil soknix-euk te stsʼumbalike.
«Ha yuʼun hich te bin utʼil och mulil ta bahlumilal ta scuenta jtuhl winic soc te och lajel ta scuenta mulil, hich cʼoht lajel ta stojol spisil ants-winiquetic ta scaj te spisilic stahoj smulic» (ROMANOS 5:12). *
Maba la spasotik te Dios yuʼun ya jtukeltay jbatik
Jich bitʼil te maba la kichʼtik pasel yuʼun ya kuxinotik ta yutil jaʼ, jaʼnix jich maba kichʼojtik pasel yuʼun ya jwentain jbatik ta jtukeltik.
«Te ants-winic ma haʼuc scuentahinej te be yuʼune, ma haʼuc yuʼun te ya yal banti ya xbehen» (JEREMÍAS 10:23).
Te Dios ma skʼan te ya xkʼax jwokoltike
Ya yakʼbotik tojobtesel swenta ya xjuʼ ya jsitintaytik te wokoliletike.
«¡Te lajuc awichʼ ta cuenta te mandariletic cuʼun[!], hich cʼoht te lamal qʼuinal awuʼun te bin utʼil mucʼul-haʼ» (ISAÍAS 48:18).
^ parr. 17 Kʼalal te Biblia ya stuuntes te kʼopil mulil, ma jaʼuknax ya yalbey skʼoplal te bin ma lek ya jpastike, jaʼnix jich te bitʼil te jmulawil ants winikotik, melel jpisiltik kichʼojtik jilel te mulile.
Yaniwan amulan-euk sk'oponel ini
TE J-ILKʼINAL TA TOYOL
¿Bin yilel ya yil Dios te wokolil ay ta Balumilale?
Te textoetik ini ya xjuʼ ya skoltayat yuʼun ya xkʼot ta awoʼtan te bin yilel ya yil Dios te wokolile.
