Koltayel te ya yakʼ tseʼel oʼtanil
«Ya jmel koʼtan yuʼun te kʼalal ya kil ya xkʼax te guerraetik, te pobreil, te chameletik sok te kʼalal ya yichʼ utsʼinel te alaletike. Pero ta ora ini ayix bin ya yakʼbon smukʼul koʼtan» (RANI). *
Te Rani la sta stseʼelil yoʼtan kʼalal la sta ta ilel te ya xjuʼ ya skoltayotik te Jpaswanej kuʼuntik. Te kʼalal ya akʼopon te revistae, ilawil te bin-utʼil ya skoltayat ta swenta ini:
Te ayuk tseʼel oʼtanil ta familia.
Te ayuk lamalkʼinal sok te yantik.
Te ayuk stseʼelil koʼtantik sok te bin ay kuʼuntik.
Te yakuk jnaʼtik bin yuʼun ya xkʼax jwokoltik sok te ya xlajotik.
Te ayuk smukʼul koʼtantik ta swenta te bin yato xkʼot ta pasel.
Te yakuk jnaʼbeytik sba ta lek te Dios sok te yakuk xnoptsajotik ta stojol.
Jaʼnix jich ya xbajt anop te ma chaʼoxtuluknax ya sta slekilik yuʼun te spʼijil te Jpaswanej kuʼuntik, jaʼnix jich te machʼatik ya xleot yuʼune.
^ parr. 2 La yichʼ jelel te biililetike.
