Ya xjuʼ ya ata lekil nojptesel
«Spisil te bila tsʼibubil ta Sjun te Diose, loqʼuem tel ta yoʼtan te Diose» (2 Timoteo 3:16, TZOXCH). Te kʼalal ya yal loqʼuem tel ta yoʼtan ya skʼan ya yal te Dios la stuuntes winiketik yuʼun la stsʼibayik te Biblia.
Te Dios ya skʼan te ya ata lekilal yuʼun te nojptesel ya yakʼe
«Hoʼon Jehovahon, [...], te ya caʼbat anop te bin lec ya xcʼohat yuʼun, te ya jtojobtesat ta be te banti ya scʼan yac atʼun bahele. ¡Te lajuc awichʼ ta cuenta te mandariletic cuʼun, hich cʼoht te lamal qʼuinal awuʼun te bin utʼil mucʼul-haʼ, soc te bin toj ta pasel awuʼun hich cʼoht te bin utʼil ya xbehen yip te mar te hichuque!» (ISAÍAS 48:17, 18).
Ta swenta te texto ini jich kʼoem te jaʼ yak yalbelat te Diose, melel ya skʼan te lamaluk kʼinal ya awaʼiy sok te ayuk stseʼelil awoʼtan ta sbajtelkʼinal sok ya xjuʼ ya skoltayat ta stael.
Ya xjuʼ ya ata te lekil nojptesel yuʼun Dios
«Ya yichʼ halel te lec yachʼil cʼop ta spisil nacionetic» (MARCOS 13:10).
Te «lec yachʼil cʼop» ini ya yalbey skʼoplal te nopolix ya xbajt slajin Jehová spisil te wokoliletik, ya skʼatpʼun ta nichimal kʼinal te Balumilal sok ya chaʼkuxajtes te machʼatik lajemikix kuʼuntik. Te testigoetik yuʼun Jehová yakik ta scholel skʼop Dios ta swolol Balumilal.
Yaniwan amulan-euk sk'oponel ini
TE J-ILKʼINAL TA TOYOL
Smelelil te bin ya yal te Biblia
Ya xjuʼ ya schʼuun awoʼtan te yuʼun-nix smelelil-a te bin ya yal te Bibliae.
