«Ya me xpuhc ta halel ta swohlol bahlumilal scʼoblal te lec yachʼil cʼop»

«Ya me xpuhc ta halel ta swohlol bahlumilal scʼoblal te lec yachʼil cʼop yuʼun te cuentahinel yuʼun Dios, scuenta testigo-cʼop ta stojol spisil nacionetic, ha to me ya xtal a te slajibal cʼahcʼale» (MATEO 24:14).

¿Bin ya skʼan ya yalbey skʼoplal-a te Jesuse? Jich bitʼil la yal te sjun Lucas, te Jesús «hahch yocliylan bahel te pueblohetic soc te tut pueblohetic, yac ta yalel te lec yachʼil cʼop scuenta te cuentahinel yuʼun Dios» (Lucas 8:1). «Ya scʼan te ya jpuc ta halel ta yantic pueblohetic te lec yachʼil cʼop scʼoblal te cuentahinel yuʼun Dios, como ha scuentahil te ticombilon tal» (Lucas 4:43). Ta sjajchibal te Jesús la yalbey ta mantal te jnopojeletik yuʼun yakuk spukik ta alel te lek yachʼil kʼop ta lumetik ta puebloetik te nopol ayike pero ta patil jich la yalbey: «Testigo ya xcʼohex cuʼun [...] cʼalal ta stiʼil bahlumilal» (Hechos 1:8; Lucas 10:1).

Te ejemplo yuʼun te sbabial jchʼuunjeletik yuʼun Cristo: Ta oranax te jnopojeletik yuʼun te Jesús jajchik ta aʼtel. Ta Hechos 5:42, jich ya yal: «Jujun cʼahcʼal, ta Templo soc ta nahnatic, mayuc la scom sbahic ta pʼijubteswanej soc ta yalbeyel scʼoblal te Jesucristo». Te aʼtelil ini maba tsabilnax te machʼa la spase. Jich bitʼil ya yal te Historiador August Neander «te Celso, te jaʼ te machʼa ya slaban te jchʼunjeletike, ya yal te bitʼil te ants winiketik ini, maʼyuk lek spʼijilik sok maʼyuk baemik ta escuelaetik, te jaʼnax ya x-aʼtejik sok stsotsil tuminchijetik, jpas xanabiletik sok yantikxan aʼteliletik te ya spasik, sok te ya scholik-euk te skʼop Diose». Te Jean Bernardi te jaʼ la spas te libro Les premiers siècles de LʼÉglise (Los primeros siglos de la Iglesia), jich ya schol: «Te jchʼuunjeletik ya skʼan ya xkʼopojik sok spisil te ants winiketik chikan ban ayik-a. Ta beetik, ta mukʼul lumetik, ta nanatik o ta plazaetik. Chikanuk-a te bin ya xkʼax ta skuxlejalik». Jich bitʼil ya yal ta patilxan bael te Jean Bernardi ya skʼan ya scholik «cʼalal ta stiʼil te bahlumilal».

¿Machʼatik jich ya spasik-euk ta kʼajkʼal ini? Te párroco anglicano David Watson ya yal te bin yuʼun te maʼyuk machʼa lek schʼuunejix Dios ta ora ini: «Jaʼ yuʼun te iglesiae maʼyuk skʼoplal ta yoʼtan te ya xnojpteswan sok te ya schol te skʼop Diose». Ta libro ¿Por qué se van los católicos? te José Luis Pérez Guadalupe ya yal te testigoetik yuʼun Jehová «ya xbajtik ta nanatik» te ma jichuk ya spasik stukel te evangelicoetik, te adventistaetik sok te yantikxan religionetik.

Jaʼnix jich te Jonathan Turley la yakʼ ta naʼel ta jun informe yuʼun te Cato Supreme Court Review, 2001-2002: «Tikʼnax-a te ya kalbeytik skʼoplal te testigoetik yuʼun Jehová yuʼun ya xtal ta yoʼtanik te ants winiketik te jaʼik jchol kʼopetik te ya stijik te puertaetik te kʼalal makal-a te ants winiketike. Jaʼ yuʼun te kʼalal ya xbajtik ta nanatike ma yuʼunuk jaʼnax te ya yakʼik ta naʼel-a te bin schʼuunejike, jich ya yakʼik ta ilel te schʼuunel yoʼtanike».

[Recuadro]

¿Labal anaʼix machʼatik-a?

Te ta yantik articuloetik la kilbeytik skʼoplal bin-utʼil ya jnaʼtik te machʼa-a te smelelil jchʼuunjeletik jich bitʼil ya yal te Biblia. ¿Yabal xjuʼ ya anaʼix machʼatik-a? Melelnix-a te ay bayal ta mil grupoetik sok religionetik te yanyantik sbiilik-ae te ya yalik te schʼuunejik-euk te Cristo, pero juluk ta awoʼtan te bin la yalbey Jesús te jnopojeletik yuʼune: «Ma spisiluc te machʼatic ya yalbonic: Cajwal, Cajwal, xchihic, te ya xʼochic te banti ay te cuentahinel yuʼun te chʼulchan, ha nax te machʼatic ya spasbeyic te bin ya scʼan yoʼtan te Jtat ay ta chʼulchan» (Mateo 7:21). Jaʼ yuʼun swenta ya jmulantik-a te bendicionetik ya yichʼ tal te Wentainel yuʼun Dios ya skʼan ya jnaʼtik machʼatik-a te ya spasbeyik te skʼanojel yoʼtan te Tatil o te smelelil jchʼuunjeletik yuʼun Cristo, sok ya skʼan ya jokin jbatik sok. ¿Yabal amulan ya anopbeyxan skʼoplal te Wentainel sok te bendicionetik ya yichʼ tale? (Lucas 4:43). Ya xjuʼ ya xkʼopojat sok te machʼa la yakʼbat te revista ini, te jaʼ te testigoetik yuʼun Jehová.