TEMA TA SBABIAL PÁGINA | TE LOTIL TE YA YICHʼ ALEL TA STOJOL TE DIOSE
Te lotil yichʼoj alel te maba naʼbil sba yuʼun te Diose
TE BIN YA YAL TE ANTS WINIKETIKE
TeDiccionario Akal crítico de Teología, jich ya yal: «Te bin ya xkʼot ta yoʼtanike, jaʼ te ay jun Dios te oxeb aye, te Tatil, te Nichʼanil sok te Chʼul Espíritue». Sok te Diccionario abreviado del cristianismo, jich ya yal: «Catolicoetik, ortodoxoetik sok yantikxan religionetik jich schʼuunejik-euk».
TE BIN YA YAL TE BIBLIA
Te Jesús te jaʼ snichʼan te Diose, maʼyuk bin-ora la yal te pajal sok te sTate, melel jich la yal: «Ya xbohon ta banti ay te Jtate, como ha toyol cuʼun te Jtate» (Juan 14:28). Jaʼnix jich jich la yalbey jtul jnopojel yuʼun: «Ya xmohonix bahel ta banti ay te Jtat soc te Tatil awuʼunic, te Dios cuʼun soc te Dios awuʼunic» (Juan 20:17).
Te chʼul espíritu ma jaʼuk jtul ants winik. Te sbabial jchʼuunjeletik «noj ta yoʼtanic te Chʼul Espíritu» sok jich la yal te Jehová: «Ya jmal te Espíritu cuʼun ta stojol spisil ants-winiquetic» (Hechos 2:1-4, 17). Te chʼul espíritu ma jaʼuk jun dios te oxeb ayike, jaʼ te yuʼel te Diose.
TE BIN YUʼUN YA SKʼAN YA ANAʼ INI
Jich bitʼil ya yalik te biblista catolicoetik Karl Rahner sok Herbert Vorgrimler, ta swenta te oxeb diosetik te jun-nax ayik «ma xjuʼ ta naʼbeyel swentail teme ma xyichʼ akʼel ta ilel sok manchuk ya yichʼ akʼel ta ilel mananix jnaʼbeytik swentail ta lek-a». Jich yuʼun, ¿yabal xjuʼ kʼux ta koʼtantik te machʼa ma jnaʼbeytik sba ta leke? Maʼuk. Jaʼ yuʼun te nojptesel yuʼun te oxeb dios te jun-nax ayike ya smakotik yuʼun kʼux ya kaʼiytik te Diose.
Te Marco te la kalbeytik skʼoplal te sbabial artículo, jich ya yaʼiy te nojptesel yuʼun te oxeb dios te jun-nax ayike ya xmakot ta snaʼbeyel sba te Diose, jich ya xchol: «Jnopoj-a te Diose ma skʼan te ya jnaʼbeytik sba sok jich ya kaʼiy te ma xjuʼ ya jnaʼtik machʼa-ae sok te ma xjuʼ ya xnoptsajotik ta stojole. Pero «Te Dios ma haʼuc Dios yuʼun te bin mayuc scuentahil» (1 Corintios 14:33). Te Dios ma jaʼuk te ma xyakʼ ta naʼel machʼa-ae, melel ya schol kaʼiytik. Jich la yal te Jesuse: «Yan te hoʼotcotic ha ya quichʼcotic ta mucʼ te machʼa ya jnaʼbecotic sba» (Juan 4:22).
Te Marco jich la yalxan: «Kʼalal kʼot ta koʼtan te ma jaʼuk jun Dios te oxeb ayik te Diose, jich juʼ la kamigoin ta lek». Teme ya kiltik te Jehová jich bitʼil jtul ants winik te ma jichuk ya kiltik te bitʼil machʼa ma jnaʼbeytik sbae, jaʼme ya skoltayotik yuʼun kʼux ya kaʼiytik. Te Biblia jich ya yal: «Yan te machʼa ma snaʼ cʼuxultaywanej, ma snaʼbe sba te Diose, como jcʼuxultaywanej stuquel te Diose» (1 Juan 4:8).
