Te testigoonkotik yuʼun Jehová jaʼ ya jtʼunkotik te bin ya yal te tsitsel ini: «Ichʼahic ta mucʼ spisil yantic» (1 Pedro 2:17). Ta melel ya kichʼkotik ta mukʼ te yantike, manchukme yanyantik-a te srelijionike. Manchukme ay bayal ta mil testigoetik yuʼun Jehová ta yantik nacionetik maʼyuk bin jpasojkotik yuʼun ya jchajp jkʼopkotik sok te politicoetik sok te machʼatik ya spasik leyetik yuʼun ya smakbeyik sbe te yantik relijionetike. Jaʼnix jich maʼyuk ya jachkotik kʼop yuʼun yakuk yichʼ pasel leyetik yuʼun jaʼ ya yichʼ ichʼel ta mukʼ te bin ya jkʼankotik ta jtukelkotik sok te bintik ya jchʼuunkotik ta jrelijionkotike. Ya kalkotik wokol yuʼun te ya yichʼonkotik ta mukʼ te yantike, jaʼ yuʼun ya jpaskotik tulan yuʼun ya kichʼkotik ta mukʼ te yantik-euke (Mateo 7:12).