Yak, ya jkʼankotik poxtayel ta swenta doctoretik sok ya xjuʼ ya jtuuntestik poxiletik. Manchukme ya jkanantaykotik ta lek ta jkuxlejalkotike, aynix ya jkʼankotik poxtayel yuʼun te doctoretik (Lucas 5:31). Jichnix bitʼil te Lucas te jpoxtaywanej sok jchʼuunjel yuʼun Cristo ta sbabial siglo, ay chaʼoxtul testigoetik yuʼun Jehová te ya x-aʼtejik ta doctor (Colosenses 4:14).

 Jaʼukmeto maba ya jkʼankotik poxiletik teme jaʼ ya jkʼaxuntaytik-a te mantaliletik yuʼun te Bibliae. Te Biblia ya yal te maba lek te ya jtuuntestik te chʼichʼe, ta swenta-abi maba ya jkʼankotik chʼichʼ te kʼalal ya jkankotik poxtayele (Hechos 15:20). Jaʼnix jich ya yal te Biblia te ma lekuk te ya kichʼtik poxiletik te jaʼ snitoj sba sok te chopol espirituetike (Galatas 5:​19-21).

 Jamal chikan te jteb ma spisiluk te poxiletik ya yakʼ te doctoretike maba skontrainej te bin ya yal te Bibliae, jaʼ yuʼun te stestigotak te Jehová tulutul ya staik ta nopel te bin poxil ya skʼanike. Jaʼ yuʼun ayniwan ay chaʼoxtul ya staik ta nopel te ya skʼanik jun poxil sok ay yantik ya staik ta nopel te ma skʼanike (Gálatas 6:5).