Te Jesús la yalbey mantal te jnopojeletik yuʼun te akʼa yotsesik «ta jnopojel spisil te nacionetic» (Mateo 28:19, 20). Te kʼalal la stikun te jnopojeletik ta scholel te skʼop Diose, la yal te ya skʼan ya xbajtʼik ta sna te ants winiketike (Mateo 10:7, 11-13). Te kʼalal lajemix-a te Jesuse, te jchʼuunjeletik ta sbabial siglo la scholik te skʼop Dios «ta comonsitil soc ta jujun na» (Hechos 5:42; 20:20). Ta kʼajkʼal ini jaʼ ya jkʼayinbeytik stalel te sbabial jchʼuunjeletik yuʼun Cristo sok kilojkotik te kʼalal ya kulaʼtaykotik ta snaik te ants winiketike ya smulanik yaʼiyel te skʼop Diose.