Jtul winik te jaʼ slumal te Eritrea, kʼot ta Noruega ta 2011. Kʼalal kʼoponot yuʼun chaʼoxtul testigoetik yuʼun Jehová, la yaltiklanbey te la snaʼbey sba te Testigoetik ta slumal sok la scholbey yaʼiyik te kʼalal ay ta aʼtel ta soldado la yil bitʼil la yichʼik chukel ta skaj te bin schʼuunejik. Manchukme ya yichʼik utsʼinel sok majel, maba la skʼan ochik ta soldado.

 Te winik ini ay och ta chukel ta carsel. Tey la snaʼbey sba oxtul testigoetik yuʼun Jehová, jaʼik te Paulos Eyasu, Negede Teklemariam sok Isaac Mogos, la yichʼik otsesel ta carsel ta jaʼbil 1994 ta skaj te schʼuunel yoʼtanik.

 Kʼalal ay ta carsel-a te winike, la yil bitʼil te Testigoetik ya spasik te bin ya yakʼik ta nopel sok te ya yalik te bin smelelil. Chajpnax la yil te ya skʼebanbeyik jtebuk sweʼelik yantik jchukeletik. Spisil-ora ya snopik te Biblia sok ya spasik inbitar te yantik yuʼun ya xjokinotik. Te Testigoetik ya xjuʼ ya xlokʼik ta carsel teme ya spasik firmar te jun te banti ya yalik te ya yijkitayik te sreligionik sok te schʼuunel yoʼtanike, pero maba la spasik.

 Te winik ini kʼax la smulan te bin la yile. Jaʼ yuʼun te kʼalal kʼot ta Noruega la skʼan la snaʼ bin yuʼun te Testigoetik kʼax tulan te schʼuunel yoʼtanik. Kʼalal taot yuʼun te Testigoetik, kaj snop te Biblia sok kaj ta bael ta tsoblejetik.

 Och ta testigo yuʼun Jehová ta septiembre 2018. Ta ora ini ya spas tulan yuʼun ya schol skʼop Dios sok ya sjapbey nojptesel yuʼun Biblia te ants winiketik ta Eritrea sok Sudán swenta ay schʼuunel yoʼtanik ta stojol te Dios.