Ta slokʼibal te mukʼul lum Sydney te ay ta Australia, jtul j-aʼtelpatan yuʼun ajwalil bajtʼ ta yilel te bitʼil pasbil te sNail Tsoblej sok la yal «te jaʼ jun aʼtelil te kʼax lek pasbil te bayalix kʼajkʼal maʼyuk jich yiloj-ae».

Te j-il-aʼtel jich la stsʼibay: «Te na kʼax lek pasbil [...], maʼyuk yabakul sok lek chajpanbil, sok kʼax lek pasbil te yochibale sok slokʼibale, te kableetike kʼaxem ta yutil lum sok tenbil ta gancho te pasbil ta plastiko sok te stuʼpjibal kʼajkʼ ya xjuʼ ta tuuntesel [...]. Te machʼatik yakik ta aʼtel tey-ae najtʼ skʼab te skʼuike, sok swexik yuʼun aʼtel, skaskoik sok slenteik yuʼun ma staik wokolil [...]. Ta spisilik leknax yoʼtanik».

«Te Testigoonkotik yuʼun Jehová bayal skʼoplal ta koʼtankotik te ya jkanantay te jkuxlejalkotike, jich la yal te Victor Otter, te swentainej te aʼtelile. Te kʼalal ya jkanantay jbatik te kʼalal ya x-aʼtejonkotike ya kakʼkotik ta ilel te jich ya kil te kuxlejalkotik te bitʼil ya yil te Diose sok junax koʼtankotik ya x-aʼtejonkotik sok tseʼelnax koʼtankotik. Te kʼalal ya xlaj koʼtankotik ta tulan aʼtel te jujun kʼajkʼale, tseʼelnax koʼtankotik ya sujtotik ta na.»

Te sNail Tsoblej ini te yichʼoj 127 naktijibaletike, juʼ ta pasel ta abril yuʼun 2012.