Li ta sob ta 10 yuʼun avril ta 2018, li buchʼutik tsabeik skʼoplal kʼusitik chkʼot ta pasel xchiʼuk li polisiaetik ti tsots yichʼoj yabtelike (Fuerzas de Intervención Especial) ochik ta sna jayibuk stestigotak Jeova li ta jteklum Ufá ti jaʼ skapitalil li Baskortostane (Rusia). Junantik polisiaetike xpixoj batel satik xchiʼuk yichʼanoj batel stukʼik. La stsakik batel ta chukel li ermano Anatoli (Tolia) Vilitkeviche, te-o tikʼil li avie. Li chanib ermanaetik liʼe xchiʼuk li Aliona ti jaʼ yajnil ermano Toliae chalik kaʼitik kʼu yelan kʼot ta pasel.