Li Jtsop Jbeiltasvaneje laj yalbe junantik Beteletik ti stʼujik jayibuk tsobobbailetik yoʼ spasik preva ti x˗echʼ tsobajeletik ta junantik Salone. Pe jaʼ tstʼujik ti bu jutukajem xa li chamele xchiʼuk ti yichʼojik xa vacuna jutuk mu skotoluk li krixchanoetike. Mi lik stsob sbaik une, skʼan stsakik ta venta li mantaletik yaloj ajvalile. Li aʼyej liʼe, laj yichʼ alel ta Beteletik ta spʼejel balumil ta viernes 15 yuʼun oktuvre ta 2022.

Jech xtok, laj yichʼ alel ti muʼyuk to chijlokʼ ta cholmantal ta naetik xchiʼuk muʼyuk to chichʼ pasel yan abtelaletik kʼalal to ta 1 yuʼun enero ta 2021. Ti jech chichʼ pasel preva ti chlik echʼuk tsobajeletik ta salonetik ta junantik lumetike, jaʼ te chvinaj mi xuʼ xa xlik stsob sbaik ta salonetik li ta yantik lum eke.

Ta jtojbetik tajek ta vokol li Jtsop Jbeiltasvanej ti lek chchabi li ermanoetik ta spʼejel balumile xchiʼuk ti tsnop lek kʼuxi xuʼ xlik jpastik yan velta li kabteltik ta stojolal Jeovae. Jechuk˗o jkʼanbetik Jeova ti akʼo xakʼbe bendision li kʼusi laj yichʼ nopel chichʼ pasele (Proverbios 14:16).