¿Mi atuk chavaʼi aba? Xuʼ van jech chavaʼi aba kʼuchaʼal li jtsʼibajom yuʼun salmo ti xi laj yale: «Xikoʼolaj kʼuchaʼal jkot mut ti stuktuk bu luchul ta jol nae» (Salmo 102:7). Li tojobtasel chal Vivliae xuʼ me skoltaot sventa xkuch batel avuʼun li vokoliletik chakʼ ta skoj ti te noʼox oyot ta anae.

•  Nopajan mas ta stojolal li Diose

•  Kʼelo versikuloetik ta Vivlia ti tspatbot avoʼontone

•  Sabo skʼoplal kʼu yuʼun chkʼot ta pasel li kʼusitik chopole

•  Mu me xavul tajek avoʼonton

•  Saʼo alekil amigotak

•  Baxbolukot me

Mi anaʼoj ti chtun avuʼun «li beiltasel chakʼ Diose» xchiʼuk mi chachan batel mase, xuʼ me xamuyubaj akʼo mi mu xuʼ xalokʼ ta ana (Mateo 5:3, 6). ¿Kʼu yuʼun mu xakʼel li jaytos koltaeletik oy liʼe?

• Kʼelo li Vivlia ti oy ta Internet ti kʼun ta kʼelel xchiʼuk ti kʼun ta aʼibel smelolale.

• Bikʼtal videoetik ti chalbe skʼoplal li chanubtaseletik mas tsots skʼoplal chal Vivliae.

• Li jvokʼ ti bu chal: «Kʼusitik tsjakʼik ta sventa Vivlia» xie, tstakbe krixchanoetik ta sventa li kʼusi tsjakʼbe sbaike.

• Li jvokʼ ti bu chal: «Jchanbetik li xchʼunel yoʼontonike» chalbe sloʼil xkuxlejal vinik antsetik ta Vivlia ti tukʼ laj yakʼ sbaik ta stojolal Diose.

• Li jvokʼ ti bu chal: «¿Mi oy van buchʼu la spas?» xie, chakʼ ta ilel ti kʼupil sba xchiʼuk ti lek tajek pasbil li kʼusitik kuxajtike.

 Li versikuloetik liʼe spatojbe yoʼonton epal krixchanoetik. Mu ta aniluk xakʼel, yoʼ to te noʼox oyot ta anae, nopbo lek skʼoplal li jujun versikuloe xchiʼuk paso orasion (Markos 1:35).

• Salmo 23:1-6

• Salmo 34:1-22

• Salmo 46:1-11

• Salmo 63:6-8

• Salmo 91:1-6

• Mateo 6:25-34

• 2 Korintios 1:3, 4

• Filipenses 4:6, 7

• 1 Pedro 5:6, 7

 Mas me k’un chavaʼi ti xkuch batel avokol mi xanaʼ kʼu yuʼun ti chkʼot ta pasel kʼusitik chopole xchiʼuk mi xanaʼ kʼuxi chakʼbe slajeb li Diose (Isaias 65:17).

• ¿Kʼu yuʼun yakʼoj to oyuk vokolil li Diose?

• ¿Kʼusi chal Vivlia ta sventa li chameletike xchiʼuk ti kʼu yelan skʼan jkʼel jbatike?

• ¿Kʼuxi jnaʼojtik ti ta slajebal xa kʼakʼal kuxulutike?

• ¿Kʼusi skʼoplal li jkajlejetik ta kaʼ chal Apokalipsise?

• ¿Kʼusitik tspas li Ajvalilal yuʼun Diose?

 Tsots me skʼoplal ti mu xavul tajek avoʼonton ta skoj li vokoliletik chakʼ ti te noʼox bajalot ta anae (Mateo 6:25).

• ¿Kʼusi xuʼ jpastik yoʼ mu jvul tajek koʼontontike?

• Junuk noʼox koʼontontik.

• Vul oʼonton ta sventa li kʼusitik xibal sba xuʼ jnuptantike.

• Vul oʼonton ta sventa takʼin.

• Li vul oʼonton tsnuptan kerem tsebetike.

 Kʼalal oy kamigotaktike, tskoltautik sventa masuk lek kʼusi jnoptik xchiʼuk ti masuk xijmuyubaje. Mi mu xuʼ xalokʼ li ta anae, kʼopono batel ta telefono o ta videoconferencia li avamigotake. Mi jech chapase, mas me nopol oyot ta stojolalik xchiʼuk xuʼ van chata yan avamigotak. Li mantaletik liʼe tskoltaot sventa xata alekil amigotak xchiʼuk ti xakʼot ta lekil amigoile (Proverbios 17:17).

• ¿Kʼu yelan li jun melel amigoile?

• ¿Mi skʼan van jsaʼ yan kamigotak?

• ¿Mi chʼabal avamigotak chavaʼi?

• Li lekil amigoiletike chakʼ li kʼusi oy yuʼunike.

• Li lekil amigoiletike snaʼ stojik ta vokol.

 Li Vivliae chal ti «oy onoʼox sbalil kʼalal ta jpastik ejersisioe» (1 Timoteo 4:8). Mi jech la jpastike, tskoltautik sventa lekuk kʼusi jnoptik xchiʼuk sventa masuk to xijmuyubaj ta skoj ti mu stakʼ xijlokʼ ta jnatike. Akʼo mi mu stakʼ xalokʼ li ta anae, oy onoʼox kʼusitik xuʼ xapas sventa baxbolukot ta spasel kʼusitik.

• ● ¿Mi xuʼ xlekub yuʼun akuxlejal li Vivliae?: Sventa lekuk noʼox oyutike.

• ¿Kʼuxi xuʼ xkuch batel kuʼun jvokoltik xchiʼuk ti lekuk kʼusi jnoptike?