Muʼyuk. Li Diose muʼyuk chopol chil kʼalal yan˗o stsʼunbalik li ants xchiʼuk li vinik ti chnupunike. Xi chal li Vivliae: «Muc tʼujbiluc bochʼo chcʼuxubin li Diose. Buyuc noʼox banamilal oy li cristianoetique lec ta xʼilatic yuʼun Dios» (Echos 10:​34, 35, Xchʼul Cʼop Jtotic Dios, ta skʼop Chenalhó).

 Jkʼeltik batel junchibuk beiltasel ta Vivlia ta sventa li buchʼutik jelel stsʼunbalik chnupunike.

 Skotol li krixchanoetike te likemik talel li ta Adan xchiʼuk Evae. Li Vivliae chal ti «ta jun noʼox vinik la spas krixchanoetik ta skotol lumetik» li Diose (Echos 17:26). Jech xtok, chal kʼalal laj yichʼ pasel li Evae jaʼ «meʼil chkʼot yuʼunik skotol li buchʼutik chkuxiike» (Jenesis 3:20). Jaʼ yuʼun, jkotoltik jaʼ kutsʼ kalal jbatik, mu ventauk kʼusi jtsʼunbaltik. Pe ¿kʼusi xuʼ spasik li buchʼutik te nakal ta lumetik ti muʼyuk lek chilik li buchʼutik yan˗o stsʼunbalike?

 Manchuk mi muʼyuk chopol chil Dios ti jelel stsʼunbalik li buchʼutik chnupunike, ep krixchanoetik ti kontra chilike (Isaias 55:​8, 9). Li buchʼu snopoj chnupun xchiʼuk ti yan˗o stsʼunbale jaʼ mas lek ti sloʼiltaik li kʼusitik liʼe:

•   ¿Kʼuxi xuʼ stsal yuʼunik mi chopol ch˗ilatik yuʼun li yutsʼ yalalike o li krixchanoetik ti bu nakalike?

•   ¿Kʼuxi chchapan yalab xnichʼnabik sventa stsal yuʼunik kʼalal chopol ch˗ilatik yuʼun li buchʼutik yan˗o stsʼunbalike?

 «Li buchʼutik tsaʼik tojobtasele» xuʼ jaʼ mas xmuyubajik li ta snupunelike (Proverbios 13:10; 21:5).