Manchuk mi muʼyuk jamal chal ta Vivlia li tajimol ta takʼine, oy onoʼox beiltaseletik yichʼoj ti jamal chal ti jaʼ mulil chil li Diose (Efesios 5:17). a

•   Kʼalal chijtajin ta takʼine, oy kʼusi te mukul ta yut koʼontontik ti spʼajoj li Jeovae: jaʼ li xpichʼetel oʼontonale (1 Korintios 6:9, 10; Efesios 5:3, 5). Li jun jtajimole oy ta yoʼonton chichʼbe stakʼin li buchʼutik chchʼayike, pe li Vivliae jamal chal ti mu jpichʼ oʼontabetik li kʼusi x˗ayan yuʼun jchiʼiltike (Eksodo 20:17; Romanos 7:7; 13:9, 10).

•   Akʼo mi mu toj masuk ep takʼin ti kʼu yelan chijtajin˗oe, pe xuʼ xlik ayanuk ta koʼontontik skʼanel mas (1 Timoteo 6:9, 10).

•   Jutuk mu skotoluk li buchʼutik chtajinike xchʼunojik li metsʼtaele xchiʼuk li suertee. Pe li Diose xkoʼolaj kʼuchaʼal chkichʼtik ta mukʼ yan dios chil mi jech ta jpastike (Isaias 65:11).

•   Li Vivliae muʼyuk tstij koʼontontik sventa xijtajin yoʼ kʼun jpastik kanal, yuʼun chalbutik ti skʼan tsots xij˗abteje (Eklesiastes 2:24; Efesios 4:28). Li buchʼutik chchʼunik kʼusi chal Vivliae akʼo veʼikuk ta skoj ti tspasik kanale (2 Tesalonisenses 3:10, 12).

•   Kʼalal chijtajin ta takʼine, ta jtsal jbatik xchiʼuk li yantike. Pe li Vivliae chal ti chopole (Galatas 5:26).