Yaʼyejal slivroaltak Vivlia
Li ta videoetik liʼe, chalbe skʼoplal li sbaliltak chichʼ tabel li kʼusitik kʼotemik ta pasele xchiʼuk li kʼusitik chal jujulik slivroal Vivliae. Tuneso sventa xakʼupin xchanel li Avivliae.
Yaʼyejal li Vivliae
Li ta jujun livro ta Vivliae te chavakʼ venta ti oy ta yoʼonton Jeova: ti xichʼ chʼultajesbel li sbi kʼalal mi lik spas mantal li Ajvalilal yuʼun ti jaʼ ch˗ajvalilaj li Jesukristoe
Yaʼyejal slivroal Jenesis
Li slivroal Jenesise chalbe skʼoplal kʼu yelan lik talel xkuxlejal li krixchanoetike, li vokolil xchiʼuk lajelale.
Yaʼyejal slivroal Eksodo
Li Jeovae la skolta lokʼel ta mosoinel ta j˗ejipto li j˗israeletike xchiʼuk kʼotik ta steklumal.
Yaʼyejal slivroal Levitiko
Li ta slivroal Levitikoe chalbe skʼoplal ti chʼul li Diose xchiʼuk chal kʼu yuʼun tsots skʼoplal ti skʼan chʼulukutik eke.
Yaʼyejal slivroal Numeros
Jkʼeltik kʼu yuʼun toj tsots skʼoplal ti jchʼunbetik smantal Jeovae xchiʼuk ti xkichʼtik ta mukʼ li buchʼutik svaʼanoj sventa sbeiltasutike.
Yaʼyejal slivroal Deuteronomio
Li mantaletik laj yakʼbe j˗israeletik li Jeovae chakʼ ta ilel ti skʼanoj tajek steklumal li Jeovae.
Yaʼyejal slivroal Josue
Kʼelo kʼu yelan och ta skʼobik xchiʼuk la xchʼakbe sbaik li osil akʼbatik yuʼun Dios li j˗israeletike.
Yaʼyejal slivroal Jueses
Li livro liʼe jech la sbiin, yuʼun jaʼ chalbe skʼoplal li jchapanvanejetik ta Israel ti tsotsik tajeke xchiʼuk tunesatik yuʼun Dios yoʼ spoj li steklumale.
Yaʼyejal slivroal Rut
Li slivroal Rute chalbe skʼoplal jun ants ti chamem smalale, li ants taje la xkʼuxubin smeʼalib ti chamem smalal eke, vaʼun akʼbatik bendision yuʼun Jeova.
Yaʼyejal slivroal 1 Samuel
Kʼelo kʼu toʼox yelan li jteklum Israel kʼalal oy toʼox jchapanvanejetik xchiʼuk kʼuxi jel kʼalal vaʼi li ajvaliletike.
Yaʼyejal slivroal 2 Samuel
Kʼalal bikʼit laj yakʼ sba xchiʼuk oy xchʼunel yoʼonton li Davide, jaʼ koltaat˗o sventa lekuk ojtikinbil li ta Vivliae xchiʼuk ti kʼanbile.
Yaʼyejal slivroal Esdras
Li Jeovae kʼot ta pasel yuʼun ti la skolta lokʼel li yajtuneltak ta Babiloniae xchiʼuk la sta yav yan velta li melel yichʼel ta mukʼ Dios ta Jerusalene.
Yaʼyejal slivroal Nehemías
Li ta slivroal Nehemiase, ep kʼusitik xuʼ xchanik li melel yajtuneltak Dios avie.
Yaʼyejal slivroal Ester
Li kʼusi labalik sba kʼot ta pasel li ta skʼakʼalil Estere tstsatsubtas xchʼunel koʼontontik ta stojolal Dios ti xuʼ spoj li steklumal kʼalal tsnuptan vokoliletike.
Yaʼyejal slivroal Job
Ta me xichʼik akʼel ta preva li buchʼutik skʼanojik Jeovae. Li sloʼilal xkuxlejal Jobe chakʼ kiltik ti xuʼ tukʼ xkakʼ jbatike xchiʼuk ti jpakbetik skʼoplal ti kʼu yelan tspas mantal li Jeovae.
Yaʼyejal slivroal Salmos
Li slivroal Salmose tstoybe skʼoplal li smukʼul pasmantal Jeovae, tskolta li buchʼu skʼanoj Diose xchiʼuk chal kʼusi tspas li Ajvalilal yuʼun Diose.
Yaʼyejal slivroal Proverbios
Te chata tojobtaseletik yuʼun Dios ta sventa li jkuxlejaltik jujun kʼakʼale, li kabteltike xchiʼuk ta sventa li kutsʼ kalaltike.
Yaʼyejal slivroal Eclesiastés
Li Ajvalil Salomone chal kʼusi ti jtunelik kuʼuntik ta melele xchiʼuk chakʼ kiltik li kʼusi mu lekuk chil Diose.
Yaʼyejal slivroal El Cantar de los Cantares
Li kʼanelal chaʼiik li jchabichij xchiʼuk li jsulem tsebe jaʼ jech kʼuchaʼal «tsanal acʼal ti mu xtube». ¿Kʼu yuʼun ti jaʼ jech chichʼ albel skʼoplale?
Yaʼyejal slivroal Isaías
Li slivroal Isaiase chal albil kʼopetik ti tstsatsubtas xchʼunel koʼontontik ta stojol Jeova ti chkʼot ta pasel li kʼusi chale xchiʼuk ti tspoj li yajtuneltake.
Yaʼyejal slivroal Jeremías
Akʼo mi la snuptan vokolil li Jeremiase lek la spas li abtelal akʼbate. Kʼelo kʼu yuʼun jaʼ jun slekil kʼelobil ta stojolal li yajtuneltak Jeova avie.
Yaʼyejal slivroal Lamentaciones
Li Jeremiase jaʼ la stsʼiba li Lamentacionese. Kʼux laj yaʼi ti chichʼ lajesel li Jerusalene xchiʼuk chal ti chkʼuxubinvan Jeova mi la sutes yoʼontonike.
Yaʼyejal slivroal Ezequiel
Li Esekiele bikʼit yakʼoj sba xchiʼuk tsots lek yoʼonton laj yakʼ ta ilel, la spas skotol li kʼusi albat yuʼun Diose akʼo mi jaʼo xibalik sba kʼusitik kʼot ta pasel. Ep tajek kʼusi jchanbetik.
Yaʼyejal slivroal Daniel
Li Daniel xchiʼuk xchiʼiltake tukʼ-o echʼik akʼo mi ep kʼusi la snuptanik. Ta jtabetik tajek sbalil li slekil talelalike xchiʼuk ta jbalintik li albil kʼop chkʼotanuk xa ta pasel li ta slajeb kʼakʼal avie.
Yaʼyejal slivroal Oseas
Li slivroal Osease chal albil kʼopetik ti chakʼ ta ilel ti chkʼuxubaj ta yoʼonton Dios li buchʼutik tsutes yoʼontonike xchiʼuk chakʼ kiltik ti kʼu yelan skʼan xkichʼtik ta mukʼe.
Yaʼyejal slivroal Joel
Li j-alkʼop Joele laj yalbe skʼoplal li skʼakʼalil Jeova ti toj xibal sbae xchiʼuk laj yal kʼusi xuʼ jpastik yoʼ xijkole. Mas to skʼan jtsaktik ta mukʼ avi li albil kʼop taje.
Yaʼyejal slivroal Amos
Li Amos ti bikʼit yakʼoj sbae akʼbat jtos yabtel yuʼun Jeova ti toj tsots skʼoplale. ¿Kʼusi van xuʼ jchanbetik li Amose?
Yaʼyejal slivroal Abdías
Li slivro Abdiase jaʼ mas komkom li ta Tsʼibetik ta evreo kʼope. Chakʼ spatobil koʼontontik xchiʼuk chal ti tspakbe skʼoplal Jeova li mukʼul pasmantal yuʼune.
Yaʼyejal slivroal Jonas
Li j-alkʼop Jonase la xchʼam tukʼibtasel, tukʼ la spas li yabtele xchiʼuk chal ti ep kʼusi la xchan ta sventa li tukʼil kʼanelal yuʼun Diose xchiʼuk li xkʼuxul yoʼontone. Tstij tajek koʼontontik li kʼusitik la snuptane.
Yaʼyejal slivroal Miqueas
Li albil kʼop liʼe chakʼ jchʼuntik ti lek xchiʼuk ti oy srasonal skotol li kʼusi tskʼan akʼo jpastik li Jeovae.
Yaʼyejal slivroal Naum
Li albil kʼop yuʼun Naume chakʼ jchʼuntik ti persa onoʼox chkʼot ta pasel li kʼusi chal Jeovae xchiʼuk tspatbe yoʼonton li buchʼutik tskʼanik li jun oʼontonal xchiʼuk li kolebal chakʼ li ajvalil svaʼanoj Diose.
Yaʼyejal slivroal Habacuc
Xuʼ jchʼuntik ta melel ti jaʼ snaʼoj stuk Jeova kʼusi ora xchiʼuk kʼu yelan tskolta li steklumale.
Yaʼyejal slivroal Sofonías
¿Kʼu yuʼun mu lekuk ti jnoptik ti muʼyuk onoʼox bu chvul ta lokʼel li skʼakʼalil chchapanvan Jeovae?
Yaʼyejal slivroal Hageo
Li slivro Ageoe chal ti skʼan jaʼuk mas tsots skʼoplal xkiltik li yichʼel ta mukʼ Diose.
Yaʼyejal slivroal Zacarías
Li Diose ep kʼusi laj yakʼbe yil Sakarias sventa spatbe yoʼonton li yajtuneltak ta voʼnee. Li kʼusi akʼbat yil li Sakariase chakʼ kiltik ti jech-o tskoltautik li Diose.
Yaʼyejal slivroal Malaquías
Li albil kʼop liʼe chakʼ ta ilel ti muʼyuk bu chjel-o li beiltaseletik yuʼun Jeovae, ti echʼ noʼox xkʼanvan xchiʼuk ti kʼuxutik ta yoʼontone. Jtunel-o tajek kuʼuntik li albil kʼop taje.
Yaʼyejal slivroal Mateo
Ojtikino li kʼusitik mas tsotsik skʼoplal li ta slivroal Mateoe, ti jaʼ baʼyuk li ta xchanibal Evanjelioe.
Yaʼyejal slivroal Markos
Li slivroal Markose jaʼ li mas bikʼit ta xchanibal Evanjelioe xchiʼuk chal li kʼusi tspas Jesus kʼalal mi kʼot ta Ajvalil li ta Ajvalilal yuʼun Diose.
Yaʼyejal slivroal Lukas
¿Kʼusitik jaʼ noʼox te chalbe skʼoplal li ta slivroal Lukase?
Yaʼyejal slivroal Juan
Li slivroal Juane chalbe skʼoplal kʼu to yepal skʼanoj krixchanoetik li Jesuse, chal ti toj bikʼit laj yakʼ sbae xchiʼuk chal ti jaʼ li Mesiase: li buchʼu ch-ajvalilaj ta tsʼakale
Yaʼyejal slivroal Echos
Li baʼyel yajtsʼaklomtak Kristoe laj yakʼik persa xcholbel mantal krixchanoetik ti buyuk noʼox likemik tale. Mi la jkʼeltik li slivroal Echose, tstij koʼontontik yoʼ xijmuyubaj noʼox jcholtik mantal.
Yaʼyejal slivroal Romanos
Li karta liʼe, ti akʼbil ta naʼel yuʼun Diose chakʼ ta ilel ti mu snaʼ xtʼujvan li Jeovae xchiʼuk ti tsots skʼoplal ti oyuk xchʼunel koʼontontik ta stojolal li Jesukristoe.
Yaʼyejal slivroal 1 Korintios
Li skarta Pablo ti akʼbat ta naʼel yuʼun Diose yichʼoj tojobtaseletik sventa jmojuk oyutik, ti sakuk jtalelaltik, ti xijkʼanvane xchiʼuk ta sventa li chaʼkuxesele.
Yaʼyejal slivroal 2 Korintios
Li Jeova ti jaʼ «li Totil ti kʼuxutik tajek ta yoʼontone» stsatsubtasbe yoʼonton xchiʼuk tskolta li yajtuneltake.
Yaʼyejal slivroal Galatas
Li karta la stsʼibabe batel jgalasiaetik li Pabloe jtunel-o tajek kuʼuntik li avie. Xuʼ skoltautik jkotoltik li yajtunelutik Dios sventa tukʼ xkakʼ jbatike.
Yaʼyejal slivroal Efesios
Li karta liʼe, ti akʼbil ta naʼel yuʼun Diose chal ti oy ta yoʼonton Dios ti akʼo oyuk jun oʼontonale xchiʼuk ti jmojuk oyikuk ta stojolal Jesukristoe.
Yaʼyejal slivroal Filipenses
Mi tukʼ chkakʼ jbatik kʼalal ta jnuptantik prevaetike, xuʼ jech jtijbetik yoʼonton yantik sventa tukʼuk xakʼ sbaike.
Yaʼyejal slivroal Kolosenses
Sventa lek xilutik li Jeovae skʼan xkakʼ ta jkuxlejaltik li kʼusi ta jchantike, ti xkakʼtik pertone xchiʼuk kakʼtik venta ti tsots yabtel yichʼoj li Jesuse.
Yaʼyejal slivroal 1 Tesalonisenses
Skʼan julavemukutik ta mantal, ti jkʼelbetik lek skʼoplal li kʼusi ta jchantike, ti jpastik orasione xchiʼuk ti akʼo tal bat jtsatsubtasbe jba koʼontontike.
Yaʼyejal slivroal 2 Tesalonisenses
Li Pabloe la stukʼibtas ti kʼu toʼox yelan xchʼunojik li yajtsʼaklomtak Kristo ta Tesalonika ta sventa li skʼakʼalil Jeovae xchiʼuk la stijbe yoʼontonik ti akʼo jechuk-o tsotsuk xchʼunel yoʼontonike.
Yaʼyejal slivroal 1 Timoteo
Jaʼ la stsʼiba Pablo li 1 Timoteo sventa kʼusi skʼan pasel yoʼ lek chapal li tsobobbaile, ti skʼel sbaik li ta jecheʼ chanubtasele xchiʼuk li skʼanel takʼine.
Yaʼyejal slivroal 2 Timoteo
Li Pabloe la skʼanbe vokol Timoteo ti akʼo spas lek li yabtel ta cholmantale.
Yaʼyejal slivroal Tito
Li Pabloe te van ta sjabilaltik 61 o ta 64 la stsʼiba li karta sventa Titoe, te chalbe skʼoplal li stalelalik ta tsobobbail Kretae xchiʼuk chal kʼusi talelal chkʼanbat li jun mol ta tsobobbaile.
Yaʼyejal slivroal Filemon
Akʼo mi muʼyuk ep kʼusi chal, pe yichʼoj labal sba tojobtaseletik sventa bikʼituk xkakʼ jbatik, oyuk xkʼuxul koʼontontik xchiʼuk ti xij˗akʼvan ta pertone.
Yaʼyejal slivroal Ebreos
Li yajtsʼaklomutik Kristoe jelel ti kʼu yelan ta xkichʼtik ta mukʼ li Diose, yuʼun muʼyuk ta jtunestik mukʼtik temploetik o ta jmiltik chonbolometik sventa xkichʼtik ta mukʼe.
Yaʼyejal slivroal Santiago
Li Santiagoe la stunes labalik sba skʼelobiltak sventa xalbe skʼoplal kʼu yelan skʼan xkuxlejal li jun yajtsʼaklom Kristoe.
Yaʼyejal slivroal 1 Pedro
Li baʼyel skarta Pedroe tstij koʼontontik yoʼ xijtun ta sjunul koʼontontik ta stojolal Jeova xchiʼuk xkakʼbetik sbain li kʼusi ta jvul-o koʼontontike.
Yaʼyejal slivroal 2 Pedro
Li ta xchibal skarta Pedroe tstij koʼontontik sventa tukʼuk-o jmalatik li «achʼ vinajel xchiʼuk jun achʼ [balumile]».
Yaʼyejal slivroal 1 Juan
Li ta skarta liʼe, jaʼ chalbe skʼoplal sventa li yajkontra Kristoe xchiʼuk chal li kʼusi skʼan jkʼantike.
Yaʼyejal slivroal 2 Juan
Li ta karta liʼe, tsvules ta joltik ti skʼan te oyukutik˗o li ta kʼusi melele xchiʼuk ti jkʼel jbatik ta stojolal li jloʼlavanejetike.
Yaʼyejal slivroal 3 Juan
Li yoxibal skarta Juane toj kʼupil sba kʼu yelan chchanubtasutik ti skʼan lekuk xijchʼamvane.
Yaʼyejal slivroal Judas
Li Judase chal kʼu yelan stalelalik li buchʼutik chloʼlavanik xchiʼuk ti tsokesik li melel yajtsʼaklomtak Kristoe.
Yaʼyejal slivroal Apokalipsis
Li kʼusi labalik sba chal li ta slivroal Apokalipsis ti chakʼ kʼotuk ta pasel Dios ta stojolal li Ajvalilal yuʼun ta sventa li kʼusi oy ta yoʼonton liʼ ta balumil xchiʼuk ta stojolal li krixchanoetike.
Xuʼ van chakʼupin skʼelel xtok liʼe
LIVROETIK XCHIʼUK FOYETOETIK
Li Vivliae, ¿kʼusitik chalbe skʼoplal?
¿Kʼusi ti mas tsots skʼoplal chal li Vivliae?