Ay svulaʼanik Betel ta México li jchanunetik ta universidade
Kʼalal ay svulaʼanik Betel xchiʼuk li imprenta yuʼun stestigotak Jeova li jchanunetike, te la yakʼik venta ti mu jechuk li kʼusi chopol tsnopike, jaʼ jech chal jun letrero ta xchanob vunik ti gaceta sbie.
Jkʼeltik kʼusi laj yalik li jchanunetike:
«Labal tajek laj kilkutik ti lek stalelalike [...:] lek stsakvanik ta venta, lek xchʼamvanik, mu tʼujbiluk yajval buchʼu tskʼoponik [xchiʼuk] lek sak xchiʼuk lek chʼubabil ti bu ch-abtejike.»
«Ti kʼu yelan jmoj ch-abtejike laj yakʼ jchankutik ti jmojuk xi-abtejkutik eke.»
«Laj kakʼkutik venta ti yakʼoj ta yoʼontonik li yabtelike xchiʼuk ti stseʼet noʼox li satike.»
«Labal tajek laj kilkutik ti lek chapalike.»
Li jchanunetik taje te chchanunajik ta Escuela Nacional de Biblioteconomía xchiʼuk ta Archivonomía ta México.
Mas ta sien lumetik li stestigotak Jeovae chakʼbeik yojtikin ofisinaetik xchiʼuk imprentaetik ta Betel li krixchanoetike. Ti mi oy junuk maestro ti tskʼan chikʼ batel yajchanuntak sventa xbat svulaʼan Betele akʼo skʼel ta jpajinakutik jayib ora xuʼ svulaʼanik xchiʼuk bu xkom yoʼ bu chal «JKʼOPLALKUTIK» laje ti bu chal «SVENTA CHAVOJTIKIN BETELETIK». Lek chʼambil chkʼot skotol krixchanoetik akʼo mi ep chbatik o mi jun noʼox.
Xuʼ van chakʼupin skʼelel xtok liʼe
KʼU YELAN LI BETELE
Laj yichʼ bajel junantik Beteletik yuʼun stestigotak Jeova
Kʼelbo avil skʼoplal ti kʼu yuʼun laj yichʼ bajel jtob Beteletike.