«Toj kʼupil sba kʼusi chtal ta jolkutik kʼalal li-aykutik ta Betele, batsʼi mu xchʼay ta jolkutik.» Jaʼ jech laj yalik jun nupultsʼakal ti likemik ta isla de Vanuatu kʼalal ay svulaʼanik li Betel ta Estados Unidose. Jaʼ jech chaʼi sbaik ek li mas ta 70 mil krixchanoetik ti chkʼotik jujun jabile.

¿Mi oy ayemot ta vulaʼal li ta Betel ta Estados Unidose? Mi muʼyuke, oy ta koʼontonkutik ti xatal ta vulaʼale.

Smeʼ nail abtelal, Brooklyn ta Nueva York. Laʼ ojtikino avil, kʼelavil kʼuxi chapanbil xchiʼuk kʼuxi chichʼ kʼelel lek li abtelal sventa xichʼ cholel li lekil aʼyej ta spʼejel Balumile. Jech xtok oy kʼusi chaʼtos xuʼ xakʼel atuk. June jaʼ sbi: «Jun jteklum ti yichʼojbe sbi li Jeovae». Jaʼ chalbe skʼoplal li stestigotak Jeova ti leʼ xa slikel tal ta baʼyel siglo kʼalal to ta jkʼakʼaliltike. Li yane jaʼ sbi: «Li Vivliae xchiʼuk li sbi Diose». Jaʼ chalbe skʼoplal ti ep Vivliaetik chalbe skʼoplal li sbi Dios ti stuk noʼox jeche.

Chichʼ akʼel chanubtasel ta sventa Dios ta Patterson, Nueva York. Te chavojtikin ti bu ch-echʼ chanunetike, jech kʼuchaʼal li Chanob vun sventa Vivlia ta Galaad yuʼun Watchtower xchiʼuk li Chanob vun sventa Buchʼutik Sbainojik Betel xchiʼuk Yajnilike. Te chakʼik avil video xtok ta sventa ti kʼuxi tspasik gravasionetik, videoetik, kʼuxi tspasik lokʼol, divujoetik, Departamento sventa cholmantal xchiʼuk Departamento de Asuntos Legales.

Li ta Wallkill, Nueva Yorke te chichʼ pasel imprimir vunetik xchiʼuk chichʼ takel batel. Te chavil kʼuxi tspasik imprimir xchiʼuk tspasik ta livroetik li Vivliaetik xchiʼuk li vunetik lokʼem ta Vivliae. Te chavil xtok kʼuxi chchapanik sventa tstakik batel ta skotol tsobobbailetik ta Estados Unidos, ta El Caribe xchiʼuk ta yan lumetik ta spʼejel Balumil.

Te van junuk ora li ta Brooklyne, te van chibuk ora li ta Pattersone xchiʼuk te van jujun ora xchiʼuk oʼlol li ta Wallkille.

Jaʼik li buchʼutik te ch-abtejik ta jeltos departamentoetik ta Betele. Yuʼun toj tsots skʼoplal chilik xtok ta sventa li chanubtasel yakal chichʼ pasel ta spʼejel Balumile. Li ta mayo ta 2014 oy 5,000 ermanoetik ch-abtejik li ta yoxibal Betele xchiʼuk laj yichʼik chanubtasel mas ta 3,600 ermanoetik sventa xakʼik ta ojtikinel. Ta mas ta 40 jeltos kʼopetik chichʼ akʼel ta ojtikinel li Betele.

Muʼyuk tojbil, ta moton.

Mu persauk. Yuʼun ep buchʼutik ti chkʼotike maʼuk stestigotak Jeova. Buchʼuuk noʼox xuʼ xbat sventa xil kʼuxi chapanbil sventa xcholik lekil aʼyej ta spʼejel Balumil li stestigotak Jeovae.

Ay ta Patterson jun jmusulman ants ti likem ta Indiae. Xi laj yal kʼalal laj xaʼox yojtikin li Betele: «Ta jkʼan chi-och li ta organisasion liʼ eke. Kolavalik tajek ti laj avichʼikun ta mukʼe».

Xuʼ kʼuxi un. Yuʼun toj jtunel yuʼunik kʼalal naka to chchʼiik tale. Xi laj yal jun jvulaʼal ta Estados Unidose: «Solel mu xa xlaj yal ololetik ti kʼu yelan laj yilik Betel kʼalal likʼotkutik ta nae. Kʼalal mu toʼox xojtikinik Betele mu snaʼik kʼusi ti chichʼ pasel tee, pe li avi une tskʼan chbat tunikuk te ek».

Xuʼ. Xuʼ xbat avojtikin ti bu chakʼane. Sventa xanaʼ bu xkom ti bu chakʼan chabate ochan ta jpajinakutik ta Internet ti bu chal Sventa chavojtikinik Beteletik. Laʼ ojtikino avil junuk Betel ti tstunes li stestigotak Jeovae.