Li ta enero ta 2013, Li Jkʼel osil ta toyole tsʼaki 40 jabil ti lik lokʼuk ta groenlandés kʼope. Li groenlandese jaʼ skʼopik li stsʼunbal inuit ti jaʼ noʼox 57,000 jech chk0ʼopojike.

Li ta Groelandiae jaʼ noʼox oy 150 stestigotak Jeova, pe li revista Napasuliaq Alapernaarsuiffik (ti jaʼ jech sbi ta groenlandés Li Jkʼel osil ta toyole) chichʼ lokʼesel 2,300 ta lik. Taje jaʼ chakʼ ta ilel ti buchʼu mas tskʼelik li revistae maʼuk stestigotak Jeova.

Kʼalal tsʼaki ti 40 xaʼox jabil chichʼ lokʼesele, jun reportero ta television bat li bu chichʼ jelubtasel li revista ta jun lum ti Nuuk sbie sventa oy kʼusitik tsjakʼ. Li buchʼu yichʼoj ta venta li bu chichʼ jelubtasel li revistae, xi laj yale: «Epal krixchanoetik li ta Groenlandiae lek chaʼiik li kʼusi chal li Vivliae, jaʼ yuʼun lek chaʼiik skʼelel li revistae».

Jun ti kʼusi la sjakʼ li reportero jaʼ «¿Kʼusi ti mas lek chabil-o li revistae?», jun jelubtasej kʼop li ta kʼop taje, xi laj stakʼe: «Jaʼ ti xuʼ xkakʼ ta jkuxlejaltike. Li voʼone ep skoltaojun. Jech kʼuchaʼal liʼe: Xchanubtasojun ti lekuk xbat li jkuxlejale xchiʼuk ti mu masuk xi-ipaje. Voʼone toʼoxe toj ep toʼox ta jbutsʼ sikʼolal, akʼo mi jnaʼoj ti xuʼ xij-ipaj-o yuʼune. Pe li ta Vivliae te la jchan ti mi ta jkʼan ti lekutik noʼoxe, skʼan sakukutik li ta jbekʼtaltike».

Laj yichʼ alel ta television xtok ti oy xa onoʼox stestigotak Jeova ta Groenlandia li ta oʼloltik bal 1940 xchiʼuk li s-organisasione slokʼesoj epal livroetik, foyetoetik li ta groenlandes kʼope. Li buchʼutik tsjelubtasik li ta kʼop taje likemik talel ta Dinamarca xchiʼuk ta Groenlandia, li kʼusi tskʼanike jaʼ ti lekuk xichʼ aʼiel ti kʼu yelan jelubtasbile.

Jun stestigo Jeova ti te xa van 25 jabil yakal chcholbe mantal li krixchanoetik ta Groenlandiae xi laj yale: «Kiloj ti toj tsots skʼoplal ti xkichʼbetik batel vunetik ta skʼop stukik li krixchanoetike. Ta junantik bikʼtal lumetik ti nom oyike, ti jaʼ noʼox xuʼ xijkʼot ta varko ta jayibuk noʼox u ta jabile, oy krixchanoetik toj lek chaʼiik skʼelel li jrevistatike. Jaʼ yuʼun kʼalal ep ta velta ta jvulaʼankutike ta jtsʼibabekutik batel xchiʼuk ta jtakbekutik batel li jvuntike».

Lik onoʼox tal ta enero ta 2013, li buchʼutik nakalik ta Groenlandiae, oy yuʼunik Li Jkʼel osil ta toyole ti jaʼ sventa chichʼ chanele xchiʼuk oy xa yuʼunik xtok ti jaʼ sventa skotol