Li ta enero ta 2013 li revista ¡Despertad! xchiʼuk li revista Li Jkʼel osil ta toyole, ti jaʼ sventa skotol krixchanoetike jaʼ xa noʼox 16 pajina chichʼ tal, maʼuk xa 32 pajina.

Kʼalal mas xa jutuk spajinaile jaʼ chkoltavan sventa masuk xichʼ jelubtasel ta yan kʼopetik. Li avie ta xichʼ lokʼesel ta 84 jeltos kʼopetik li revista ¡Despertad!, yan li revista Li Jkʼel osil ta toyole ta 195 jeltos kʼopetik.

Pe li revista sventa chichʼ chanel Li Jkʼel osil ta toyole, jech-o ta 32 spajinail chlokʼ.

Li kʼusitik jel ta jrevistatike oy chaʼtos sbalil ta jtatik li ta jpajinatik ta Internet ta jw.org.

1. Jlom mantaletik li ta revistae jaʼ xa noʼox te chlokʼ li ta jw.org. Jech kʼuchaʼal liʼe: «Sventa kerem tsebetik», «Kʼusitik chlik jchan ta Vivlia» xchiʼuk li yaʼyejal kʼalal chnel yuʼunik li chanun ta Galaade (ti jaʼ li ta revista Li Jkʼel osil ta toyole, ti jaʼ sventa skotol krixchanoetike) xchiʼuk «Actividades para la familia» xchiʼuk «Los jóvenes preguntan» (li ta revista ¡Despertad!).

2. Li revista ¡Despertad! xchiʼuk Li Jkʼel osil ta toyole ti ta onoʼox xichʼ akʼel ta formato PDF li ta jw.org, ta xa me xichʼ akʼel ta formato HTML xtok. Li avie xuʼ xa me te xichʼ kʼelel ta komputadora, ta junuk selular o ta yan kʼusitik. Jech noxtok jaʼ me tskoltautik sventa jkʼeltik li yan vunetik lokʼemike, ti te oy ta Internet ta mas ta 400 jeltos kʼopetike.