Ti kʼu yelan xvinaj echʼel li tsʼantsʼan voʼ ta Sterling Forest (Blue Lake) ta snorteal xchiʼuk ta suroesteale. Li baʼyel slokʼole xvinaj ti yakal ch-abtejik li ta yut balumile, ti jaʼ sventa li Residencia D. Li ta nopol stiʼil voʼe, yakal chakʼbeik meskla yoʼ bu tsmeltsanik li Residencia C.

Jlom j-abteletik yakal tstsʼakik jun vanyo sventa li residensiaetike. Ti kʼu yelan meltsanbil li vanyoe yichʼoj xa tal sistema de ventilación, atinajebal, stuvoaltak xchiʼuk stsʼakojbeik xa skavlealtak lus. Jaʼ to tstsuts smeltsanel lek mi bat xchotanik ta kuartoetike.

Jlom j-abteletik (plomeros) ti yakal tstsʼakik tuvoetik ta yut balumil. Li na liʼe ta to xichʼ tunesel sventa bu xuʼ xveʼik 500 j-abteletik jaʼ to ti kʼuxi stsuts li abtelale. Ta to xichʼ tunesel yan ti bu xuʼ to xveʼik 300 krixchanoetik ti te onoʼox li ta jpʼej na taje. Kʼalal mi poʼot xaʼox stsuts li abtelale muʼyuk xa ta xichʼ tunesel kʼuchaʼal veʼebal, yuʼun jaʼ xa ta xichʼ tunesel kʼuchaʼal snail ti bu tsmeltsanik karoetike.

Jlom j-abteletik ti yakal tsjiʼik lum ta sba na sventa stsʼunik tsʼiʼleletik sventa mu sok mas li kʼusitik kuxajtik tee xchiʼuk tstabeik sbalil ta yan kʼusitik. Kʼalal ta xakʼ voʼe li tsʼiʼleletike chtun sventa tstsʼutsʼ xchiʼuk chchij lokʼel li voʼe.

Li jpʼej mukʼta na liʼe ta oxchʼak pasbil ti 42,000 metro kuadrado smukʼule. Li ta slokʼole xvinaj jlom j-abteletik yuʼun jun empresa ti yakal chakʼbeik svariyailtak sventa lek tsots li yoyaltake.

J-abteletik ti oy kʼusi tspakʼik ta kʼokʼ ta jol nae (tela asfáltica). Oy kʼusi xchukoj-o sbaik ta skoj ti xuʼ van stsʼuj o xpʼajike.

Yakalik ta stsʼakel kʼusitik sventa calefacción, ventilación xchiʼuk aire acondicionado. Oy 35% li j-abteletik tee jaʼ antsetik.

Li na liʼe laj yichʼ manel ta fevrero ta 2014, ta xichʼ tunesel kʼuchaʼal yavil kʼusitik xchiʼuk sventa oy kʼusitik tstsʼakik tey. Li smukʼule jaʼ 20,000 metro kuadrado. Li kʼusitik sak xvinaj ta yutil toe jaʼ li vanyoetik ti tsutsem xa stsʼakel xchiʼuk ti xuʼ xa xichʼ takel batel ta kuartoetike.

Liʼe jaʼ snoresteal li Residencia C. Li liʼe te chnakiik 200 jbetelitaetik. Li smukʼtikil jlom kuartoe jaʼ 30 metro kuadrado, li yane 55 metro kuadrado. Ti oy skosinail chkome, svanyoal, atinajebal xchiʼuk jun ventana ti bu xuʼ xlokʼ skʼelik osile.

Yakal chchapanbeik yavil sventa chichʼ meltsanel. Li ta yutile xvinaj echʼel jun makina ti yakal chvochʼ ton ti jaʼ ta xichʼ tunesel sventa xichʼ meltsanel li naetike. Kʼalal mi tsuts li abtele, yichʼoj xaʼox jokʼel lokʼel 260,000 metros cúbicos li lume. Ta jujun kʼakʼale ta xichʼ tunesel te van 23 mukʼtik volteoetik.

Yakal tstsʼunik tsʼiʼleletik ta jol na.

Ti kʼu yelan xvinaj yalel ta suroesteale laj yichʼ lokʼtael ta skʼob jun mukʼta grúa. Li ta tsʼetkʼobe xvinaj echʼel jutuk li kotleb karo sventa jvulaʼaletike, pe avie jujun kʼakʼal chnoj ta skaro j-abteletik. Jlom j-abteletike chanavik lajcheb ora ta karo sventa chbat abtejikuk oxib o chanibuk noʼox kʼakʼal tey.

Poʼot xa stsuts spasel li veʼebal ti bu ta xichʼ tunesel kʼuk sjalile. Koliyal ti oy vosinaetik xchiʼuk televisionetik teye li j-abteletike xuʼ skʼelik li xchanel teksto sventa jujun kʼakʼale xchiʼuk li mantaletik chjelav ta Betel ta Estados Unidose.

Yakal chakʼik meskla li ta baʼyel pisoe. Li ta batsʼikʼobe chvinaj jun j-abtel ti yakal tstunes jun makina sventa lek tsiniluk xkom li mesklae xchiʼuk ti mu pujajtik ta yut xkome.

Stuvoaltak kavleetik ti mukul chkom ta lum ta oʼlol ti bu oy li mukʼta nae.

Poʼot xa stsuts li baʼyel pisoe. Yichʼoj xa akʼel meskla 540 metros cúbicos, jaʼ to noʼox stuk ti mas ep yichʼoj tunesel meskla li ta abtelal liʼe. Li mesklae laj yichʼ kapel ta skapobil ti te noʼox yoʼ bu yakal li abtelale xchiʼuk laj yichʼ tunesel vaxakot karo skapobil meskla, pe oy chaʼkot xtok ti jaʼ tun sventa stokʼobil meskla ti jaʼ tsmuyes ta jol nae. Skotol taje laj yichʼ pasel ta voʼob noʼox ora xchiʼuk oʼlol. Li ta oʼlole chvinaj jun torre ti jaʼ te oy li eskalerae.

Jlom j-abteletik yakal tsmeltsanik jun bikʼit muro ta jol na. Xvinaj to echʼel xtok ti oy kʼusi yakal tsmeltsanik ta yut balumil ti jaʼ te chkom li Residencia A.

Yakal chichʼ tunesel jun grúa sventa tsmuyes ta yoxibal piso li vanyo ti meltsanbil xae. Ep li kʼusitik ta xichʼ tunesel ta Warwicke meltsanbil xa chvul. Taje chkoltavan sventa mu xnoj tajek ta j-abteletik li tee xchiʼuk noxtok mas anil ta stsuts-o li abtelale.

Jlom j-abteletik ta jun empresa yakalik ta spakʼel spat xokon na ti meltsanbilik xa onoʼox ta mesklae, ti jaʼ sventa mu xlaj ta anil li nae. Li spakʼe mu epuk takʼin tslajes, yuʼun mu persauk xichʼ bonel ta skoj ti oy xa onoʼox skoloral yichʼoj pasele. Ta skoj ti naka xa noʼox chichʼ pakʼele chkoltavan sventa stsuts noʼox ta yorail li abtelale.

Ti kʼu yelan xvinaj ta suroestee. Li baʼyel slokʼole chvinaj ti kʼu yelan meltsanbil xa sventa xichʼ akʼbel meskla ta jun spisoal li Residencia D. Li ta spate xvinaj echʼel li Residencia C ti poʼot xa stsutse.