J-abteletik yakal tstsʼakik takʼinetik sventa jol na ta sventa Residencia C.

Te xvinaj li tsʼantsʼan voʼ Sterling Forest (Blue Lake), ta sural ti bu yakal abtelale. Jmoj yichʼoj tunesel oxlajunkot grúa ta jun noʼox velta. Li ta yelovale te xvinaj chalal variyaetik ti tsʼakbilik xa sventa snojesik ta meskla ti bu chichʼ meltsanel li Residencia B.

Oyetik xchiʼuk tsʼamteʼetik ti pasbil ta takʼin ti chapal xa sventa xichʼ tunesele. Ti kʼu yelan chichʼ pasele mas jamal chkom xchiʼuk mas anil xuʼ stsuts li abtelale.

Yakal ch-abtejik sventa tspasbeik sjol residencia C, li sjole chakʼbeik lamina xchiʼuk ta xakʼbeik jtos pokʼ sventa mu x-och li voʼe. Li ta spate te xvinaj ti laj xa slikesik spasel yan jol nae.

J-abteletik yakal chakʼik tsʼamteʼetik ti ta takʼin pasbil ta s-eskinail ta suroesteal edificio. Jaʼ te chkom li kosinae, li veʼebale, ti bu chchukʼik kʼuʼiletike xchiʼuk li yan departamentoetike.

Oy buchʼu ch-akʼbat jun eskova li buchʼu yakal ch-abtej ta stikʼel li stuvoaltak drenajee.

Li spakʼbal na liʼe laj yichʼ pasel sventa xvinaj kʼusi kolor yichʼojan tal li mesklae xchiʼuk sventa xichʼ ilel kʼu yelan chkom li ladriyoe. Laj yichʼ tunesel xtok sventa xichʼik-o chanubtasel li j-alvaniletik ti jaʼ to chkʼotike. Li ta fotoe te xvinaj jun j-abtel ti yakal ta svokʼ li pakʼbal nae, yuʼun chʼabal xa kʼusi chtun-o.

Jkot grúa yakal ta stoy muyel j-oʼlol li jol nae. Li jol na ti kotkot pasbile jaʼ sventa mas kʼupil sba xvinaj li ta nome.

Ta xichʼ akʼel jun tanke sventa kas ti 95 mil litro yichʼoje, li kase jaʼ sventa li mukʼtik boilere.

Ti kʼu yelan xvinaj ta sur li residenciae. Li ta tsʼetkʼobe te xvinaj li tsʼantsʼan voʼe. Ti jeltos kʼuxitik laj yichʼ pasel xchiʼuk ti jeltos skoloraltak li naetike mas to kʼupil sba xvinaj-o.

Jun nupultsʼakal snaʼik plomería, yakal tstikʼik ochel tuvoetik sventa bu chlokʼ voʼ yoʼ to muʼyuk tstikʼbeik li spisoal ta sementoe.

J-abteletik ti yakal tslokʼesik taiv ta jol nae.

Yakal tskʼelik jun plano sventa spasik li abtelaletik ta plomería li jun nupultsʼakale.

Akʼo mi yakal chakʼ taiv, yakalik-o sjokʼel lum xchiʼuk smeltsanel li nae, mi laje tsnojesik ta meskla. Li foto chvinaj ta tsʼetkʼobe te chvinaj jpʼej na ti pixbil ta sakil lonae. Taje jaʼ sventa mu xtakij ta ora noʼox ta yorail siktik li semento mi laj yichʼ malele xchiʼuk muʼyuk kʼusi chkʼot ta pasel mi la xkʼixnaike, yuʼun li kʼusitik chichʼ tunesele mu xakʼ ti sikub-o yuʼun o ti xkʼakʼub mase.

J-abteletik ti chpixik yoyaltak na ti pasbil ta sementoe xchiʼuk li stiʼiltake, taje jaʼ sventa mu x-och li voʼe.

Ti kʼu yelan xvinaj ta toyol ta s-oesteal li Warwicke. Li ta slajebal xa fotoe te chvinaj li naetik ti bu ta xnaki li jbetelitaetike. Li sakil na te xvinaj ta oʼlole jaʼ li Edificio sventa ofisinaetik xchiʼuk snail kʼusitik chtun yuʼun li jbetelitaetike. 100 ektaria yichʼoj li yosilal Betele. Pe kʼajomal noʼox 20% laj yichʼ tunesel sventa xichʼ meltsanel li naetike. Jaʼ yuʼun 80% chʼabal laj yichʼ tunesel li osile.

Ti kʼu yelan xvinaj ta toyol ta s-esteal li Warwicke. Li ta slikebal li fotoe te xvinaj li residencia C xchiʼuk D. Li ta residencia C oy j-abteletik ti yakalik ta stikʼel li laminaetike sventa stsuts yuʼunik li jol na ti kotkot pasbile.

Jun karpintero yakal tstikʼbe spisoal ti pasbil ta teʼ ta jun kuarto sventa xvinaj ti kʼu yelan ta xkome. Chantos kʼusitik chichʼ akʼbel li kuartoetike. Ta xichʼ pintura, alfombra, piso, asulejo xchiʼuk kajanametik (encimeras).

Li piso ta sementoe ta xichʼ tsutsesel ta kʼabal sventa oyuk lek sbe li voʼe.

Jun j-abtel ti 77 sjabilale yakal ta stikʼan kavle sventa Internet (fibra óptica). Mi tsuts stsʼakel skotole mas xaʼox me ta 30 kilometro laj yichʼ akʼel li kavle taje.