Li jteklum Sydney ta Australiae, xi laj yal jun yaj-abtel ajvalil kʼalal ay skʼel kʼu yelan tsvaʼanik li Salon sventa Tsobobbaile: «Jaʼ li abtelal ti toj lek chkile, muʼyuk bu jech xkil-o».

Xi laj yal li yaj-abtel ajvalile: «Toj lek tajek chapal [...], lek chʼubabil, lek oy ta yavil li kʼusitike, lek jamal ti bu ch-ochike xchiʼuk ti bu chlokʼike; li kavleetike muʼyuk kilajtik ta balumil xchiʼuk li stupʼobil kʼokʼe lek chapal sventa stunesik [...]. Li buchʼutik te ch-abtejike lek nat li skʼob skʼuʼike xchiʼuk lek nat li yok xvexike, oy skaskoik xchiʼuk oy slenteik sventa abtelal [...]. Toj lek yoʼonton skotolik xtok».

Xi laj yal li Victor Otter, ti jaʼ sbainoj li abtelale: «Li stestigounkutik Jeovae toj tsots skʼoplal chkilkutik ti mu kʼusi chopol jnuptankutike.Kʼalal jech ta jpaskutike, te chkakʼkutik ta ilel ti jech chkilkutik li jkuxlejalkutik kʼuchaʼal chil li Diose, jaʼ yuʼun lek jmoj chi-abtejkutik xchiʼuk ximuyubajkutik noʼox. Kʼalal jnaʼoj ti lek li-abtej echʼ kʼakʼale solel ximuyubaj chisut batel ta jna».

Tsuts ta avril ta 2012 li Salon sventa Tsobobbaile, x-och yuʼun 127 krixchanoetik.