Ta smilal xa xchanojik skʼelel xchiʼuk stsʼibael vun
Li stestigotak Jeovae la skoltaik mas ta 5,700 krixchanoetik ta 2011 sventa xchanik lek skʼelel vun.
Ghana:
Mas xa ta balunmil krixchanoetik jkoltaojkutik sventa xchanik skʼelel xchiʼuk stsʼibael vun li echʼem tal 25 jabile.
Zambia:
Jutuk xa mu lajchaʼmiluk ta voʼ krixchanoetik jkoltaojkutik sventa xtojobik ta skʼelel vun ti leʼ xa slikel tal ta 2002. Xi chal Agnes ti oy xa 82 sjabilale: «Ximuyubaj bat jtsak jbi kʼalal laj yalik ta tsobobbail ti chlik yakʼik chanune. Ximuyubaj tajek kʼalal ta sba velta noʼox chanun la jchan stsʼibael jbie».
Perú:
Xi laj yal jun jchanun ti 55 sjabilale: «Kaloj mi jech xa xicham xilaj-o ti muʼyuk ta jchan vune, yuʼun muʼyuk onoʼox skʼan stikʼikun ta chanun li jtot jmeʼe».
Mozambique:
Mas xa ta balunlajunmil xchanojik skʼelel vun ti oy xa ta voʼlajuneb jabil slikel tale. Xi chal jun jchanun ti Felizarda sbie: «Solel ximuyubaj tajek ti xitojob xa ta saʼel li tekstoetik sventa ta jkʼelbe li krixchanoetike. Batsʼi mu toʼox xitojob ta jyalel».
Islas Salomón:
Xi chal li Betel tee: «Toj ep krixchanoetik ti muʼyuk bu xuʼ xchanunajik ta voʼne ta skoj ti nom nakajtike. Jech xtok, jutuk toʼox tajek tsebetik ti xuʼ xbatik ta chanune. Jaʼ yuʼun ep buchʼutik staojbeik sbalil li chanun chkakʼkutike. Vaʼun mas xa jun yoʼonton chaʼi sbaik kʼalal tstsuts yuʼunik li chanune».
Xuʼ van chakʼupin skʼelel xtok liʼe
KʼUSITIK KʼOT TA PASEL TA VOʼNE
Chichʼik chanubtasel li buchʼutik mu snaʼik vune
Li j-abteletik ta mukʼtik lumetike yilojik ti ep sbalil ti chchanubtasvanik ta tsʼib xchiʼuk ta skʼelel vun li stestigotak Jeovae.