Li foyeto Chikintao kʼusi chal Dios jaʼ sventa chijchanubtasvan-o, yuʼun xuʼ skoltautik li lokʼoletike, yichʼoj talel tekstoetik ti tsotsik skʼoplal sventa li buchʼutik mu snaʼik lek skʼelel vune. Li ta jujun xchanobile chib pajina smakoj xchiʼuk yichʼoj lokʼoletik ti lek nopbil skʼoplale, te chal ti bu junukal lokʼol skʼan jkʼeltik batele.

Li foyeto Chikintao kʼusi chal Dios sventa chakuxi sbatel osil, koʼol li lokʼoletik yichʼoj xchiʼuk li foyeto Chikintao kʼusi chal Dios, li kʼusi noʼox jelel-oe jaʼ ti mas ep sletrailtake. Li buchʼutik mas xtojobik skʼelel vune, jaʼ xuʼ stunesik li foyeto taje. Jech noxtok, jaʼ li kʼusi mas tstunesik li jcholmantaletik kʼalal chakʼik estudioe, akʼo mi jaʼ tstunes li foyeto Chikintao kʼusi chal Dios li buchʼu chichʼ estudioe. Junantik pajinae yichʼoj talel rekuadroetik ti chal to yan aʼyejetike, taje jaʼ sventa jkʼelbetik skʼoplal xchiʼuk li buchʼu chkakʼbetik estudio mi sta-o chkiltike.

Li foyetoetik liʼe, xuʼ xavakʼ manchuk mi maʼuk chichʼ akʼel li ta u taje. Kʼalal chavakʼ chanubtasel ta Vivliae, tuneso li lokʼoletik sventa xavalbe smelolal li kʼusi chal Vivliae. Oyuk kʼusi xajakʼbe li buchʼu chavakʼbe estudio sventa xakʼel mi yakal chaʼibe smelolal li kʼusi chchane. Kʼelo xchiʼuk albo smelolal li kʼusi chal li tekstoetik ta slajeb pajinae. Mi tsuts li foyetoe, chanik li livro ¿Kʼusi chchanubtasvan ta melel li Vivliae? sventa xakolta li buchʼu chavakʼbe estudio yoʼ xchʼi batel ta mantal xchiʼuk ti xichʼ voʼ ta tsʼakale.