KʼUSITIK KʼUPIL SBA TA VIVLIA | JEREMÍAS 12-16
Li j-israeletike la xchʼay ta sjolik li Jeovae
Li Jeremiase akʼbat sbain jun tsatsal abtel ti jaʼ chakʼ ta ilel li kʼusi tsnop tspas Jeova sventa tslajesbe skʼoplal li stoybailik xchiʼuk ti pimik ta mantal li judaetik xchiʼuk Jerusalene.
Li Jeremiase la sman jlik chukil ta lino no
-
Ti la xchukin li lino noe jaʼ chakʼ ta ilel ti kʼu toʼox yelan lek laj yil sbaik li Jeova xchiʼuk li steklumale.
Li Jeremiase laj yichʼ batel ta ukʼum Éufrates li chukile
-
Te la snakʼ ta kʼal tontik, vaʼun sut batel ta Jerusalen.
Li Jeremiase sut batel ta Éufrates sventa xichʼ sutel tal li chukile
-
Kʼaʼem xa li chukile, muʼyuk xa kʼusi xtun-o.
Kʼalal tsuts yabtel li Jeremiase, albat yuʼun Jeova ti kʼusi smelolal li kʼusi akʼbat sbaine
-
Ta skoj ti ta sjunul yoʼonton la spas li j-alkʼop li kʼusi mu tsotsuk skʼoplal yileluke, taje tun sventa xkʼot ta yoʼonton krixchanoetik li kʼusi chakʼ ta chanel Jeovae.
