KʼUSITIK KʼUPIL SBA TA VIVLIA | SALMO 119
Jchʼunbetik li smantaltak Jeovae
Ti ta jchʼuntik li smantaltak Jeovae, jaʼ skʼan xal ti mu sujbiluk ta jchʼuntik li beiltaseletik yuʼune. Li Vivliae chal ti ep yajtuneltak Dios la xchʼunbeik smantal li Jeovae xchiʼuk ti la spat yoʼontonik ta stojolale, jech kʼuchaʼal la spas li jtsʼibajom yuʼun salmoe.
Sventa xijmuyubaj ta melele, skʼan jchʼunbetik smantal li Jeovae
Li Josuee la spat lek yoʼonton li ta beiltaseletik yuʼun Jeovae. Yuʼun snaʼoj ti sventa xmuyubaje xchiʼuk sventa lekuk xkʼot ta lokʼel yuʼun li kʼusi tspase, skʼan spat lek yoʼonton ta stojolal Jeova.
Li Skʼop Diose chakʼ stsatsal koʼontontik sventa xkuch kuʼuntik li vokoliletik ta jnuptantik ta jkuxlejaltike
Lek tsots yoʼonton echʼ li Jeremiase xchiʼuk la spat yoʼonton ta stojolal Jeova kʼalal la snuptan tsots svokole. Lek noʼox sba li xkuxlejale xchiʼuk la spas li kʼusi kʼanbat yuʼun Jeovae.
Kʼalal xkojtikintik lek li Skʼop Diose chakʼbutik jun oʼontonal kʼalal ta jcholtik mantale
Li Pabloe mu snaʼ xiʼ yuʼun buchʼuuk noʼox la xcholbe mantal. Ta sjunul yoʼonton la xcholbe mantal li ajvalil Felikse, yuʼun xchʼunoj lek ti chkoltaat yuʼun li Jeova.
¿Butik xuʼ xkakʼ ta ilel stsatsal koʼonton kʼalal ta jcholmantale?
-
Eskuela
-
Kabtel
-
Kutsʼ kalal
-
Buyuk noʼox
