Stalel onoʼox ti chkat koʼontontik bakʼintike, pe taje maʼuk skʼan xal ti muʼyuk lek oyutik ta mantale (Je 6:​5, 6). Pe ¿kʼusi xuʼ jpastik mi toj echʼ xa noʼox chkat koʼontontike xchiʼuk ti mi mu xa xpaj-oe?

Kʼanbo koltael Jeova. Li Jeovae oy ta yoʼonton ti kʼu yelan chkaʼi jbatike. Yuʼun snaʼoj bakʼin chkat koʼontontik o xijmuyubaj. Jech xtok, xaʼibe smelolal ti kʼu yuʼun jech chkaʼi jbatike (Sl 7:9 xchaʼvokʼal). Li kʼusi mas tsots skʼoplale jaʼ ti oyutik ta yoʼontone, yuʼun xuʼ yuʼun tskoltautik kʼalal chkat tajek koʼontontike (Sl 34:18).

Chabio li anopbene. Kʼalal muʼyuk kʼusi lek chtal ta jnopbentike, muʼyuk xa xijmuyubaj yuʼun xchiʼuk xuʼ van muʼyuk xa lek chkil-o jbatik xchiʼuk li Jeovae. Jaʼ yuʼun, toj tsots skʼoplal ti jchabi li koʼontontike, ti te skʼoplal li jnopbentike xchiʼuk ti kʼu yelan chkaʼi jbatike (Pr 4:23).

MI LA AKʼELIK LI VIDEO JUN NOʼOX YOʼONTON LI KERMANOTAKTIK AKʼO MI IPIK TA AT-OʼONTON, TAKʼIK LI SJAKʼOBILTAK LIʼE:

• ¿Kʼusi la spas Nikki sventa xkuch batel yuʼun li xchamel ta at-oʼontone?

  Tsʼibao li stakʼobile

• ¿Kʼuxi laj yakʼ venta Nikki ti skʼan xbat ta doktore? (Mt 9:12).

  Tsʼibao li stakʼobile

• ¿Kʼusi la spas Nikki sventa xkoltaat yuʼun li Jeovae?

  Tsʼibao li stakʼobile