LI JKUXLEJALTIKE

Koltao li krixchanoetik ti chʼabal srelijionike

CHICHʼ TIJEL TA

¿Mi oy muʼyuk acholojbe mantal ti buchʼu chʼabal srelijion ta skoj ti la anop ti muʼyuk chchikintabote? Mi jeche, teuk me ta ajol ti jaʼik xa stestigotak Jeova avi li buchʼutik chʼabal toʼox srelijionik o ti muʼyuk toʼox xchʼunojik mi oy Diose. Junantike jaʼ noʼox tskʼanik koltael sventa snaʼik ti oy ta melel li Diose (Ro 1:20; 10:14).

MI LA AKʼELIK LI VIDEO VULESO TA AJOL: XUʼ X-AYAN XCHʼUNEL YOʼONTONIK LI KRIXCHANOETIKE: LI BUCHʼUTIK CHʼABAL SRELIJIONIKE, TAKʼIK LI SJAKʼOBIL LIʼE:

Li kʼusi kʼot ta stojolal Tommasoe, ¿kʼuxi tstij koʼontontik ta xcholbel mantal li buchʼutik chʼabal srelijionike?

Tsʼibao li stakʼobile

Kʼuxi ta pasel

Mi la ata jun krixchano ti muʼyuk xchʼunoj Diose, ta slekiluk avoʼonton xakʼopon xchiʼuk chikintao li kʼusi tsnope xchiʼuk ti kʼu yelan chaʼi sbae (2Ti 2:24). Jaʼ albo skʼoplal li kʼusi xuʼ xkʼot ta yoʼontone. ¿Mi tskʼan chaʼibe srasonaltak ti kʼu yuʼun la xchʼun yantik ti oy jun Jpasvaneje? Mi jeche, tuneso li vunetik xchiʼuk videoetik ti jaʼ sventa li buchʼutik muʼyuk xchʼunojik Diose. Te oy li foyeto Voʼob sjakʼobil ta sventa ti kʼuxi lik talel li kuxlejale ti te ta jtatik li ta abtejebaletik sventa xijchanubtasvane.

Mi la acholbe mantal li buchʼu muʼyuk xchʼunoj Diose, xuʼ van chaxiʼo. Mi jeche, ¿kʼu yuʼun mu xakʼanbe koltael junuk jcholmantal ti mas xa xtojobe? Teuk ta ajol liʼe: Li Jeovae xuʼ skoltaot sventa xkʼot ta yoʼonton avuʼun mantal «li buchʼutik oy lek ta yoʼontonik stael li kuxlejal sbatel osile» akʼo mi muʼyuk to xchʼunojik mi oy Dios (Ech 13:48).

PROGRAMA XCHIʼUK BU CHIJTSʼIBAJ