Ep buchʼutik chopol kʼusi tsnopik ta stojolal li buchʼutik yichʼoj tsots yabtelike. Ti jech tsnopike jaʼ ta skoj ti oy buchʼutik ti yichʼoj yabtelike jaʼ noʼox tspas li kʼusi tskʼan stukike. Taje jech kilojtik talel (Mik 7:3). Pe mu jechuk li ta steklumal Jeovae, yuʼun xchanubtasoj moletik ta tsobobbail sventa skoltaik li ermanoetike (Est 10:3; Mt 20:​25, 26).

Li moletik ta tsobobbaile mu xkoʼolajik kʼuchaʼal li buchʼutik oy yabtelik ta sba balumile. Yuʼun li abtelal tspasike jaʼ ta skoj ti skʼanojik Jeova xchiʼuk li yermanotakike (Jn 21:16; 1Pe 5:​1-3). Li moletik ta tsobobbaile beiltasbilik yuʼun Jesus xchiʼuk tskoltaik ermanoetik sventa junuk yoʼonton xaʼi sbaik li ta tsobobbaile xchiʼuk ti masuk to xnopajik ta stojolal Jeovae. Jech xtok, te noʼox satik sventa skoltaik li ermanoetike. Kʼalal ch-ipajik o chtal nikel, nojelal ta voʼ o yan kʼusi tsnuptanike, chkoltavanik ta anil. Mi chakʼan koltaele, ta sjunuluk avoʼonton xavalbe li mol ta atsobobbaile (Snt 5:14).

MI LA AKʼELIK LI VIDEO LEK CHCHABIIK LI CHIJETIKE, TAKʼIK LI SJAKʼOBILTAK LIʼE:

• ¿Kʼusi sbalil la stabe Mariana ti koltaat yuʼun li moletik ta tsobobbaile?

  Tsʼibao li stakʼobile

• ¿Kʼusi sbalil la stabe Elías ti koltaat yuʼun li moletik ta tsobobbaile?

  Tsʼibao li stakʼobile

• Jech kʼuchaʼal laj avil li ta videoe, ¿kʼu yelan chavil li abtelal tspasik li moletik ta tsobobbaile?

  Tsʼibao li stakʼobile