XCHAʼVOKʼAL
Xcholbel skʼoplal Ajvalilal. Chichʼ cholel lekil aʼyejetik ta spʼejel Balumil
JUN sob kʼalal jaʼo chakux ta abtele chachapan aba sventa chalokʼ ta cholmantal. Xachibet jutuk mi chalokʼ, yuʼun lubemot jutuk chavaʼi. ¡Jaʼ xa chakʼan yaʼel ti xkom akux li ta sobe! Pe chapas orasion, vaʼun chabat. Koʼol chlokʼ achol mantal xchiʼuk jun ermana ti oy xa sjabilal ti tukʼ yakʼoj sbae, vaʼun chkʼot ta avoʼonton ti kuchem yuʼune xchiʼuk ti oy slekil yoʼontone. Kʼalal yakal xa chachol mantal ta jujupʼej nae chanopbe skʼoplal ti oy ermanoetik xchiʼuk ermanaetik ta spʼejel Balumil ti jech yakal chcholik mantal eke, ti jaʼ onoʼox tstunesik li vunetik chatunese xchiʼuk ti jech chichʼik tojobtasel kʼuchaʼal voʼote. Xkuxet xa chavaʼi kʼalal chasut batel ta anae. ¡Xamuyubaj tajek ti lalokʼ ta cholmantale!
Li avie, li yabtel mas tsots skʼoplal tspas li Ajvalilal yuʼun Diose jaʼ li cholmantale. Laj onoʼox yal Jesus ti ch-epaj tajek cholmantal li ta slajebal kʼakʼale (Mat. 24:14). ¿Kʼu yelan kʼotem ta pasel li albil kʼop taje? Li ta jvokʼ liʼe, ta jchanbetik skʼoplal jayibuk kʼusitik toj tsots skʼoplal sventa chichʼ pasel li abtelale. Ta jkʼeltik buchʼutik yakal chcholik mantal, kʼutik yelan xchiʼuk li kʼusitik tstunesike. Skotol taje skoltaoj ta smiyonal noʼox krixchanoetik sventa meleluk xilik li Ajvalilal yuʼun Diose.
Ta jvokʼ liʼe
KAPITULO 6
Li buchʼutik chcholik mantale: Ta yutsil yoʼonton tspasik
¿Kʼu yuʼun xchʼunoj ta melel Jesus ti oy buchʼutik ta sjunul yoʼonton chkoltavanik li ta slajebal kʼakʼale? ¿Kʼu yelan chavakʼ ta ilel ti baʼyel chasaʼ li Ajvalilale?
KAPITULO 7
Kʼutik yelan chichʼ cholel mantal: Ep kʼutik yelan chichʼ cholbel mantal li krixchanoetike
Chanbo skʼoplal kʼuxitik sjelojan kʼusi tstunes steklumal Dios sventa chcholbe mantal krixchanoetik ti bu kʼalal xuʼ yuʼunik yoʼ to mu xtal li slajebale.
KAPITULO 8
Kʼusitik chichʼ tunesel ta cholmantal: Spasel vunetik xchiʼuk yan kʼusitik sventa spʼejel Balumil
¿Kʼuxi chakʼ ta ilel ti tskoltautik Ajvalil li kabteltik ta sjelubtasel vunetike? ¿Kʼusitik kʼotem ta pasel yuʼun li vunetik jpasojtik ti chakʼbot avil ti oy ta melel li Ajvalilale?
KAPITULO 9
Kʼusitik kʼotem ta pasel ta cholmantal: «Li osiltike [...] sakubem xa ta takijel li kʼusitik tsʼunbile, yorail xa chichʼ tsobbel sat»
Li Jesuse chaʼtos kʼusi tsots skʼoplal laj yakʼ ta chanel ta sventa li stsobbel sat kʼusitik ti muʼyuk bu jech ilbil-oe. ¿Kʼu yelan chkaʼitik avi li chaʼtos kʼusi taje?
