¿Buchʼu sventainoj ta melel li balumile?
¿Mi ta van xaval...
-
... ti jaʼ li Diose?
-
... ti jaʼ li krixchanoetike?
-
... ti jaʼ jun juʼelal ti mu xkojtikintike?
LI KʼUSI CHAL LI VIVLIAE
«Oyic ta scʼob pucuj scotol li yan cristianoetic liʼ ta banamile.» (1 Juan 5:19, Scʼop Dios ta Chenalhó.)
«Jaʼ yuʼun ital ta banamil li Xnichʼon Diose, jaʼ tal slajesbe stsatsal yabtel li pucuje.» (1 Juan 3:8.)
TI KʼUXI TA JTABETIK SBALIL KʼALAL TA JNAʼTIKE
Ta jnaʼtik bu chlik talel svokol li krixchanoetike (Apocalipsis 12:12).
Ta jtabetik srasonaltak sventa jmalatik jun lekil balumil (1 Juan 2:17).
¿MI OY SRASONALTAK SVENTA JCHʼUNTIK TA MELEL LI KʼUSI CHAL VIVLIAE?
Oy, oy oxib srasonaltak:
-
Oy noʼox spajeb albil chventainvan li Satanase. Li Jeovae jpʼel yoʼonton chakʼbe slajeb li ventainel tspas Satanás ta stojolal li krixchanoetike. Li Jeovae chal ti «[t]slajesbe o stsatsal [...] li pucuje» xchiʼuk tsmeltsan skotol li kʼusitik chopol spasojane (Hebreos 2:14).
-
Li Diose jaʼ stʼujoj Jesucristo sventa ch-och ta ajvalil. Li Jesuse solel mu xkoʼolaj xchiʼuk li jun ajvalil ti toj chopol xchiʼuk ti jaʼ noʼox tsaʼ li kʼusitik tskʼan yoʼonton ti jaʼ oy ta skʼob li balumil avie. Yuʼun li Diose xi chal ta stojolal li ajvalilal tspas Cristoe: «Jaʼ chcʼuxubin li bochʼotic toj biqʼuit ch-ilatique [...]. Tscolta noxtoc ta sventa svocolic xchiʼuc ta sventa utsʼintael, yuʼun toj tsots scʼoplal chaʼibe li xcuxlejalique» (Salmo 72:13, 14).
-
Li Diose mu snaʼ sjut kʼop. Li Vivliae jamal chal ti «persa chcʼot ta pasel» li kʼusi chal Diose (Hebreos 6:18). Jaʼ yuʼun kʼalal oy kʼusi chal Jeova ti tspase, skʼan jchʼuntik (Isaías 55:10, 11). Li kʼusi yaloj tspase jaʼ ti tsjip «loqʼuel li banquilal jpasmantal liʼ ta banamile» (Juan 12:31).
JAKʼBO ABA
¿Kʼu van yelan li balumil kʼalal mi chʼabal xaʼox chventainvan li Satanase?
Chatabe stakʼobil ta SALMO 37:10, 11 xchiʼuk ta APOCALIPSIS 21:3, 4.
Xuʼ van chakʼupin skʼelel xtok liʼe
LI KʼUSI BAʼYEL SKʼAN JCHANTIK TA VIVLIAE
¿Kʼu yuʼun yakʼoj to oyuk vokolil li Diose?
Epal krixchanoetik tsjakʼbe sbaik kʼu yuʼun ti toj ep vokolil li ta balumile. Li ta Vivliae tspat koʼontontik kʼalal chal ti kʼu yuʼun oy vokolile.
KʼUSITIK TSJAKʼIK TA SVENTA VIVLIA
¿Mi oy ta melel li Diabloe?
¿Mi oy ta melel li Diabloe o mi jaʼ noʼox li kʼusi chopol oy ta koʼontontike?
LI JKʼEL˗OSIL TA TOYOLE
¿Mi sta-o jxiʼtatik li Satanase?
SPECIAL CAMPAIGN
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
