¿Mi xuʼ to van xkuxiik yan velta li buchʼutik chamemike?
¿Mi ta van xaval...
-
... tana?
-
... moʼoj?
-
... yikʼaluk van?
LI KʼUSI CHAL LI VIVLIAE
«Ta xchaʼcuxiic.» (Hechos 24:15, Sc’op Dios ta Chenalhó.)
TI KʼUXI TA JTABETIK SBALIL KʼALAL TA JNAʼTIKE
Ta jta spatobil koʼontontik kʼalaluk mi oy buchʼu cham kuʼuntike (2 Corintios 1:3, 4).
Muʼyuk xa chijxiʼ tajek yuʼun li lajelale (Hebreos 2:15).
Ta jta lek spatobil koʼontontik sventa jkʼeltik yan velta li buchʼutik chamemik kuʼuntike (Juan 5:28, 29).
¿MI OY SRASONALTAK SVENTA JCHʼUNTIK TA MELEL LI KʼUSI CHAL VIVLIAE?
Oy, oy oxib srasonaltak:
-
Li Diose jaʼ Yakʼoj li jkuxlejaltike. Li ta Vivliae chal ti jaʼ «nioʼ sventa [kuxlejal]» li Jeovae (Salmo 36:9; Hechos 17:24, 25). Mi laj yakʼbe xkuxlejal skotol li kʼusitik x-ayane, ta melel oy sjuʼel sventa xakʼbe xkuxlejal yan velta li buchʼu chameme.
-
Li Diose xchaʼkuxesojan xa onoʼox krixchanoetik. Li ta Vivliae chalbe skʼoplal vaxakib krixchanoetik ti laj yichʼik chaʼkuxesele —vinik antsetik xchiʼuk ti yalel toyol sjabilalike— xchiʼuk ti kuxiik yan velta liʼ ta Balumile. Li junantike jaʼtik toʼox chamik, pe li jun vinike, oy xaʼox ta chanib kʼakʼal slajel (Juan 11:39-44).
-
Li Diose oy ta yoʼonton chakʼbe xkuxlejal yan velta li buchʼutik chamemike. Li Jeovae spʼajoj li lajele yuʼun jaʼ jech chil kʼuchaʼal jun yajkontra (1 Corintios 15:26). Li Diose tskʼan chakʼbe slajeb li yajkontra taje xchiʼuk chkʼot ta pasel yuʼun ti jaʼ koliyal li chaʼkuxesele. Yuʼun oy ta yoʼonton ti akʼo xkuxiik yan velta liʼ ta Balumil li buchʼutik te oy ta snopbene (Job 14:14, 15).
JAKʼBO ABA
¿Kʼu yuʼun chijmalubutik xchiʼuk chijchamutik?
Chatabe stakʼobil ta GÉNESIS 3:17-19 xchiʼuk ta ROMANOS 5:12.
Xuʼ van chakʼupin skʼelel xtok liʼe
LI KʼUSI BAʼYEL SKʼAN JCHANTIK TA VIVLIAE
¿Kʼu yelan oy li animaetike?
Li Vivliae chal ti chkʼot yorail chchaʼkuxi li krixchanoetike, jech kʼuchaʼal chaʼkuxi voʼne li Lasaroe.
KʼUSITIK TSJAKʼIK TA SVENTA VIVLIA
¿Kʼusi jaʼ li chaʼkuxesele?
Labal van chavaʼi li buchʼutik chchaʼkuxiik tale.
LI JKʼEL˗OSIL TA TOYOLE
Li chaʼkuxesele. ¿Mi oy srasonal sventa jchʼuntik ti chkʼot ta pasele?
Li ta Vivliae oy chib srasonal sventa jchʼuntik ta sventa taje.
JKʼOPLALKUTIK
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
