SVUKVOKʼAL
¿Buchʼu jaʼ li Jesuse?
Li Jeovae la stak tal ta balumil li Jesuse (1 Juan 4:9).
Mi ta jkʼantik lek chilutik li Jeovae, oy to buchʼu yan skʼan jchikintabetik, yuʼun tsots skʼoplal li stuk eke. Kʼalal jal toʼox tajek skʼan xichʼ pasel li Adane, li Jeovae la spas jun anjel ti ep sjuʼele.
Ta tsʼakale, li Jeovae la stak tal ta balumil sventa xvokʼ kʼuchaʼal jun olol. Oy jun tojol tseb ti nakal ta Belen ti jaʼ la svokʼese, Maria sbi. Jesus laj yakʼbeik sbi li olole (Juan 6:38).
Kʼalal ay ta balumil li Jesuse, laj yakʼ ta ilel slekil yoʼonton xchiʼuk kʼanvan kʼuchaʼal tspas li Jeovae. Jech oxal, li krixchanoetike nopajik ta stojolal. Jech xtok, muʼyuk xiʼ kʼalal laj yakʼ ta chanel li kʼusi melel ta sventa Jeovae.
Akʼo mi lek kʼusitik la spas li Jesuse, laj yichʼ pʼajel (1 Pedro 2:21-24).
Li jnitvanejetik ta relijione la spʼajik li Jesuse, yuʼun jamal laj yal li jecheʼ chanubtasel chakʼike xchiʼuk li smanyailike.
Jech xtok, li Jesuse la xpoxta li buchʼutik ipike xchiʼuk la xchaʼkuxes jlom animaetik.
Li jnitvanejetik ta relijione laj yakʼik ta majel xchiʼuk ta milel li Jesuse. Jaʼ majvanik xchiʼuk milvanik li jromaetike.
Xuʼ van chakʼupin skʼelel xtok liʼe
LI VIVLIAE, ¿KʼUSITIK CHALBE SKʼOPLAL?
Chvul ta lokʼel li Mesiase
¿Kʼuxi la stunes Jeova li anjeletik xchiʼuk li Juan J-akʼvanej ta voʼ sventa xakʼ ta ilel ti jaʼ Mesías li Jesuse? ¿Kʼuxi jamal laj yakʼ ta ilel ti jaʼ Mesías li Xnichʼone?
LI VIVLIAE, ¿KʼUSITIK CHALBE SKʼOPLAL?
Li Jesuse chcholbe skʼoplal li Ajvalilal yuʼun Diose
¿Kʼusi mas laj yalbe skʼoplal ta cholmantal li Jesuse? ¿Kʼuxi laj yakʼ ta ilel ti tukʼ xchiʼuk ti ta kʼanelal ch-ajvalilaje?
