¿Mi ta van xlaj li jvokoltike?
¿Mi ta van xaval...
-
... tana?
-
... moʼoj?
-
... yikʼaluk van?
LI KʼUSI CHAL LI VIVLIAE
«Li Diose ta scusbe loqʼuel scotol yaʼlel satic, jech muʼyuc xa bochʼo chcham, muʼyuc xa bochʼo chat yoʼnton, muʼyuc xa bochʼo ch-ocʼ, muʼyuc xa bochʼo cʼusi cʼux chaʼay.» (Apocalipsis 21:3, 4, Scʼop Dios ta Chenalhó.)
TI KʼUXI TA JTABETIK SBALIL KʼALAL TA JNAʼTIKE
Ta jnaʼtik ta melel ti maʼuk chakʼ jvokoltik li Diose (Santiago 1:13).
Tspat koʼontontik kʼalal ta jnaʼtik ti kʼux chaʼi jvokoltik li Diose (Zacarías 2:8, 9).
Ta jta spatobil koʼontontik ti muʼyuk xa kʼusi chakʼ jvokoltik li ta jelavele (Salmo 37:9-11).
¿MI OY SRASONALTAK SVENTA JCHʼUNTIK TA MELEL LI KʼUSI CHAL VIVLIAE?
Oy, oy chib srasonaltak:
-
Li Diose spʼajoj li vokoliletike xchiʼuk li kʼusitik muʼyuk tukʼike. ¿Kʼu van yelan laj yaʼi sba Jeova kʼalal tsots laj yil svokol slumal ta voʼnee? Li Vivliae chal ti chopol laj yaʼi kʼalal laj yil ti ch-utsʼintabat slumal yuʼun li yan jteklumetike (Jueces 2:18).
Li Diose muʼyuk lek chil li buchʼutik chakʼbe svokol li yantike. Jech kʼuchaʼal liʼe, li Vivliae chal ti chopol chil «li bochʼo tsmil xchiʼil ti muʼyuc smule» (Proverbios 6:16, 17).
-
Li Diose oy ta yoʼonton ta jujuntal li krixchanoetike. Li Jeovae chalbutik ti akʼo xkakʼbetik sventain li jvokoltike, «yuʼun oy ta yoʼnton tscʼan [tskoltautik]» (1 Pedro 5:7).
Koliyal li Ajvalilal yuʼun Diose, poʼot xa tslajesbe svokol ta jujuntal li krixchanoetike (Mateo 6:9, 10). Pe kʼalal mu to chkʼot ta pasel taje, skotol li buchʼutik ta sjunul yoʼonton tsaʼik li Diose, chpatbat yoʼontonik (Hechos 17:27; 2 Corintios 1:3, 4).
JAKʼBO ABA
¿Kʼu yuʼun yakʼoj to Dios ti chkil jvokoltike?
Chatabe stakʼobil ta ROMANOS 5:12 xchiʼuk ta 2 PEDRO 3:9.
Xuʼ van chakʼupin skʼelel xtok liʼe
LI KʼUSI BAʼYEL SKʼAN JCHANTIK TA VIVLIAE
¿Kʼu yuʼun yakʼoj to oyuk vokolil li Diose?
Epal krixchanoetik tsjakʼbe sbaik kʼu yuʼun ti toj ep vokolil li ta balumile. Li ta Vivliae tspat koʼontontik kʼalal chal ti kʼu yuʼun oy vokolile.
¡VIK'ILUK ME JSATIK!
¿Mi jaʼ ta smul Dios ti chkil jvokoltike?
Epal krixchanoetik lajemik ta loʼlael ta skoj li kʼusi chalik ta sventa Diose. ¿Kʼusi jaʼ li melel ta stojolal Diose?
¡VIK'ILUK ME JSATIK!
Tspat koʼontontik li chanubtasel chakʼ Diose
Kʼelo junantik li kʼusi labalik sba yaloj tspas Dios ta jelavele.
JKʼOPLALKUTIK
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
