KAPITULO 13
¿Mi lek chil Dios skotol li kʼinetike?
«Jechuk-o me xavakʼik batel venta li kʼusi lek chil Kajvaltike» (EFESIOS 5:10).
1. ¿Kʼusi skʼan xkakʼ ta koʼontontik spasel li yajtsʼaklomutik Kristoe, xchiʼuk kʼu yuʼun?
XI LAJ yal li Jesuse: «Jaʼ xa yorail ti chichʼik ta mukʼ Totil ta chʼul espiritu xchiʼuk ta melel li buchʼutik chichʼik ta mukʼ Dios ta melele, yuʼun li Totile jaʼ tsaʼ li buchʼutik jech tspasik sventa x-ichʼat ta mukʼe» (Juan 4:23; 6:44). Skotol li yajtsʼaklomutik Kristoe skʼan jkʼeltik ti jaʼuk jpastik «li kʼusi lek chil Kajvaltike» (Efesios 5:10). Mu kʼunuk ta pasel taje, yuʼun li Satanase oy tajek ta yoʼonton tsloʼlautik sventa mu jpastik li kʼusi tskʼan Jeovae (Apokalipsis 12:9).
2. Albo skʼoplal kʼusi kʼot ta pasel ta stsʼel vits Sinai.
2 ¿Kʼuxi tskʼan tsloʼlautik li Satanase? Jtos kʼusi tspase jaʼ ti lekuk xa chkiltik li kʼusitik chopole. Jnopbetik skʼoplal li kʼusi kʼot ta stojolalik j-israeletik kʼalal te toʼox spasoj skarpanaik ta stsʼel li vits Sinaie. Li Moisese muy batel ta vits, yan li j-israeletike te komik ta stenlejaltik, pe chʼajubik ta smalael li Moisese xchiʼuk lik spasik jkot chʼiom tot vakax sventa xkʼot ta sdiosik. Vaʼun, lik spasik kʼin, akʼotajik ta sjoyobal li chʼiom tot vakaxe xchiʼuk lik yichʼik ta mukʼ. Xi la snopike: «Ta jpastik jun kʼin Eksodo 32:1-6, 10, 28). Taje jamal chakʼbutik ta ilel ti skʼan mu xijlaj ta loʼlaele, xi chalbutik li Jeovae: «Mu xapikik li kʼusi toj ibal sbae». Taje chakʼ ta ilel ti skʼan mu jkap jbatik jsetʼuk xchiʼuk li jecheʼ relijione. Skʼan xkakʼ jbatik ta chanubtasel yuʼun Jeova sventa jnaʼtik kʼusi lek xchiʼuk kʼusi chopol (Isaias 52:11; Esekiel 44:23; Galatas 5:9).
ta stojolal Jeova li okʼome». Pe taje maʼuk skʼan xal ti lek li kʼusi la spasike, yuʼun ta sat Jeovae yakal chichʼik ta mukʼ jecheʼ dios. Jaʼ yuʼun, ep buchʼutik chamik (3, 4. ¿Kʼu yuʼun tsots skʼoplal ti jkʼeltik bu likem tal li kʼinetik ti ojtikinbilik tajeke?
3 Kʼalal ay ta balumil li Jesuse, la xchanubtas yajtakboltak sventa xakʼik ta ilel ti chʼul skʼan ichʼel ta mukʼ li Diose. Kʼalal chamem xa ox li Jesuse, li jtakboletike jech-o laj yakʼbeik xchan achʼ jchankʼopetik li beiltaseletik yuʼun Jeovae. Pe kʼalal cham li jtakboletike, lik lokʼuk tal jecheʼ jchanubtasvanejetik ti maʼuk melelik li kʼusi chakʼik ta chanel ta tsobobbaile, lik spasik li kʼusi jecheʼ nopem xaʼiik spasele xchiʼuk lik spukbeik skʼoplal kʼinetik ti jaʼ slikesoj li buchʼutik muʼyuk chtunik ta stojolal Diose. Jech xtok, la sjelbeik sbi junantik kʼinetik sventa mu xvinaj mi ta jecheʼ relijion lokʼem talel (2 Tesalonisenses 2:7, 10; 2 Juan 6, 7). Junantik kʼinetik taje jech-o chichʼ pasel li avie, tspukbeik skʼoplal jecheʼ chanubtaseletik ti snitojbe sba skʼoplal xchiʼuk pukujetike (Apokalipsis 18:2-4, 23). *
4 Ta spʼejel balumile, stalel xa noʼox yilel ti tspasik kʼinetik li krixchanoetike. Pe kʼalal chavojtikin batel
kʼusi tsnop li Jeovae, ta xavakʼ venta ti skʼan jeleluk xavil li kʼinetik tspasike. Mu kʼunuk ta pasel taje, pe jaʼ tskoltaot li Jeovae. Sventa jnaʼtik kʼusi tsnop Jeova ta sventa junantik kʼinetik ti ojtikinbilike, jkʼeltik batel bu likem talel.BU LIK TALEL LI NAVIDADE
5. ¿Kʼuxi jnaʼojtik ti maʼuk ta 25 yuʼun disiembre vokʼ li Jesuse?
5 Ta epal lumetike, tspasik li Navidad o Svokʼel Ninyo ta 25 yuʼun disiembre xchiʼuk ep xchʼunojik ti jaʼo jech ora vokʼ li Jesuse. Li Vivliae muʼyuk chal kʼusi ora vokʼ li Jesuse mi jaʼuk chal kʼusi ual vokʼ, pe chalbutik kʼu toʼox yelan li vaʼ ora kʼalal vokʼe. Li jtsʼibajom Lukase laj yal ti te vokʼ ta Belen li Jesuse xchiʼuk ti te nakalik ta osiltik li jchabichijetike, yuʼun jaʼo tskʼel xchijik li vaʼ orae (Lukas 2:8-11). Sik tajek li ta Belene, chakʼ voʼ xchiʼuk bateltike, chakʼ taiv li ta disiembree, jaʼ yuʼun muʼyuk jchabichijetik ta osiltik. Taje jamal chakʼ ta ilel ti maʼuk ta disiembre vokʼ li Jesuse, yuʼun jaʼo vokʼ ta yorail kʼepelaltik. Oy sprevail ta Vivlia xchiʼuk ta yan kʼusitik ti chakʼ ta ilel ti vokʼ ta septiembre o ta oktuvre li Jesuse.
6, 7. 1) ¿Bu lik talel li Navidade? 2) ¿Kʼu yuʼun oy slekil koʼontontik li yajtunelutik Jeovae?
6 Pe ¿bu lik talel li Navidade? Jaʼ la slikesik li buchʼutik muʼyuk chtunik ta stojolal Diose, jtos kʼine jaʼ li skʼinal Saturno ti jaʼ dios ta Roma sventa tsʼunolajele. Jlik ensiklopediae chal ti ta oʼloltik bal disiembre tspasik li kʼin taje, stunesik «kantelaetik xchiʼuk teʼ ti tsanbil skʼakʼale, chveʼik, ch-uchʼbolajik xchiʼuk chakʼbe sba smotonik» (Gran Referencia Anaya). Jech noxtok, ta xal ti ta tsʼakale, laj yichʼ ojtikinel ta Navidad. Maʼuk noʼox,
yuʼun li ta 25 yuʼun disiembree, tspasbeik skumpleanyo li Mitra ti jaʼ li dios sventa kʼakʼal yuʼun jpersiaetike.7 Li epal krixchanoetik ti tspasik li Navidad avie muʼyuk tsnopbeik skʼoplal ti jaʼ slikesojik li buchʼutik muʼyuk chtunik ta stojolal Diose. Yuʼun tsnopik ti jaʼ sventa jmojuk oyik xchiʼuk li yutsʼ yalalike, ti chveʼike xchiʼuk ti chakʼbe sba smotonike. Li yajtunelutik Jeovae jkʼanojtik kutsʼ kalaltik, kamigotik xchiʼuk oy ta yoʼonton Jeova ti oyuk slekil koʼontontike. Xi chal ta 2 Korintios 9:7: «Kʼanbil yuʼun Dios li buchʼu xkuxet noʼox yoʼonton chakʼe», pe li Jeovae maʼuk noʼox oy ta yoʼonton ti jun noʼox kʼakʼal xkakʼtik ta ilel slekil koʼontontike. Li yajtunelutik Jeovae ta jkʼupintik ti te jchiʼuk li kamigotike, li kutsʼ kalaltike xchiʼuk ta jkʼupintik yakʼbel smotonik ta kʼusuk noʼox ora ta jabil akʼo mi muʼyuk kʼusi chkichʼtik akʼbel. Oy slekil koʼontontik, yuʼun jkʼanojtik li yantike (Lukas 14:12-14).
Sventa jnaʼtik mi ta jpastik junuk kʼine, skʼan jkʼeltik bu likem talel.
8. Li jkʼelkʼanaletike, ¿mi laj yichʼbeik batel smoton Jesus kʼalal naka toʼox vokʼe? Albo smelolal.
8 Epal krixchanoetik chalik ti kʼot yakʼbeik smoton Jesus oxvoʼ reyes magos kʼalal jaʼ toʼox svokʼele. Ti jech chalike jaʼ sventa jechuk-o chichʼ pasel avi ti chakʼbe sba smotonik ta Navidade. Melel onoʼox ti kʼot skʼelik Jesus junantik viniketik xchiʼuk ti laj yakʼbeik smotone. Li ta voʼnee, stalel onoʼox ti chakʼbeik smoton li buchʼutik tsotsik skʼoplale (1 Reyes 10:1, 2, 10, 13). Pe ¿mi anaʼoj ti chal Vivlia ti jaʼ jkʼelkʼanaletik li viniketik taje? Jaʼ xkaltik, ¿ti jaʼik krixchanoetik ti tstunesik majia xchiʼuk ti muʼyuk chichʼik ta mukʼ Jeovae? Jech noxtok, muʼyuk ay kʼelatuk Jesus kʼalal naka toʼox vokʼ li ta snail chonbolome, yuʼun te xa ox oy ta sna kʼalal ay kʼelatuke. Li jkʼelkʼanaletike xuʼ van epal u laj yichʼ yuʼunik sventa xkʼotik ti bu oy li Jesuse, yuʼun ta Slokʼeb Kʼakʼal likemik talel. Jaʼ yuʼun, kʼalal kʼotik ti bu oy li Jesuse, maʼuk xa ox jun jvokʼel olol (Mateo 2:1, 2, 11).
¿KʼUSI CHAL VIVLIA TA SVENTA LI KUMPLEANYOE?
9. ¿Kʼusitik kʼinetik sventa kumpleanyo chalbe skʼoplal li Vivliae?
9 Chijmuyubaj tajek kʼalal chvokʼ jun uni neneʼ (Salmo 127:3). Pe taje maʼuk skʼan xal ti ta jpasbetik skumpleanyoike. Nopbo skʼoplal liʼe. Li Vivliae kʼajomal chalbe skʼoplal chib kumpleanyoetik: yuʼun faraon xchiʼuk li ajvalil Erodes Antipase (kʼelo Jenesis 40:20-22; Markos 6:21-29). Li chaʼvoʼ ajvaliletik taje muʼyuk chichʼik ta mukʼ Jeova. Jech xtok, li Vivliae muʼyuk chal ti la spasik kumpleanyo li yajtuneltak Diose.
10. ¿Kʼusi xchʼunojik li baʼyel yajtsʼaklomtak Kristo ta sventa li kumpleanyoe?
10 Jlik vun chal ti baʼyel yajtsʼaklomtak Kristoe «xchʼunojik ti jaʼ la slikesik li buchʼutik muʼyuk chtunik ta stojolal Dios» li kumpleanyoe (Las cosas nuestras de cada día). Taje lokʼem talel li ta jecheʼ chanubtaseletike. Li jgresiaetik ta voʼnee xchʼunojik ti oy la jun espiritu te xchiʼuk li buchʼu jaʼ to chvokʼe sventa xchabiat, xchʼunojik xtok ti jaʼo jech ora vokʼ jun diose. Jech noxtok, li kumpleanyoe te tsakal skʼoplal xchiʼuk li skʼelbel skʼoplal kʼanaletik sventa xalik li kʼusi chkʼot ta pasel ta tsʼakal ti nitil skʼoplal xchiʼuk pukujetike.
11. ¿Kʼusi ora tskʼan Jeova ti xkakʼtik ta ilel slekil koʼontontike?
11 Li krixchanoetik ti chichʼ pasbel skumpleanyoike tsnopik ti jaʼ la sventa ch-akʼbatik ta ilel ti kʼuxubinbilike xchiʼuk ti kʼanbilike. Pe li Jeovae tskʼan ti ta skotoluk ora oyuk slekil koʼontontike. Jech oxal, xuʼ kʼusiuk ora xkakʼbetik ta ilel kutsʼ kalaltik xchiʼuk kamigotaktik ti jkʼanojtike, maʼuk noʼox jun kʼakʼal ta jabil (kʼelo Echos 20:35). Skotol kʼakʼal ta jtojbetik ta vokol Jeova ti yakʼoj jkuxlejaltike, maʼuk noʼox ta jujun kumpleanyo (Salmo 8:3, 4; 36:9).
Oy slekil koʼontontik, yuʼun jkʼanojtik li yantike.
12. ¿Kʼusi smelolal ti jaʼ mas lek li skʼakʼalil chijcham kʼuchaʼal li skʼakʼalil chijvokʼe?
12 Xi chal Eklesiastes 7:1: «Jaʼ mas lek mi lek jkʼoplaltike, jaʼ mu sta li lekil aseitee. Jech xtok, jaʼ mas lek ti kʼusi kʼakʼalil chijchame, jaʼ mu sta ti kʼusi kʼakʼalil chijvokʼe». ¿Kʼusi smelolal kʼalal chal ti jaʼ mas lek ti kʼusi kʼakʼalil chijchame ti jaʼ mu sta ti kʼusi kʼakʼalil chijvokʼe? Kʼalal chijvokʼe, muʼyuk kʼusi lek o chopol jpasoj ta jkuxlejaltik. Pe kʼalal ta jtunes jkuxlejaltik sventa chijtun ta stojolal Jeova xchiʼuk ti jkoltatik li yantike, lek jkʼoplaltik ta sat Jeova xchiʼuk muʼyuk chchʼayutik ta snopben akʼo mi xijcham (Job 14:14, 15). Li yajtunelutik Jeovae muʼyuk ta jpas jkumpleanyotik mi jaʼuk li skumpleanyo Jesuse. Jech noxtok, li Jesuse jaʼ noʼox laj yal ti skʼan jvules ta joltik li slajele (Lukas 22:17-20; Ebreos 1:3, 4).
¿BU LIK TALEL LI KʼIN KUXELE?
13, 14. ¿Kʼusi nitil-o skʼoplal li kʼin kuxele?
13 Ep buchʼutik tspasik li kʼin kuxele, jaʼ xkaltik, ti tsvules ta sjolik li xchaʼkuxesel Jesuse. Pe li kʼin taje te likem tal ta jecheʼ relijion. Li ta kʼin taje, xcholet chanavik ta bebetik (procesión) xchiʼuk chalik ti mu stakʼ stiʼik bekʼet li vaʼ orae. Pe ¿bu lik talel li kʼin taje? Li Vivliae chal ti skʼan spasbeik snaʼobil slajel Jesus li yajtsʼaklomtak Kristoe, pe muʼyuk chal ti jech skʼan spasik sjunul xemanae. Jech xtok, li kʼusitik nopem xaʼiik spasel li ta kʼin taje skontrainoj li kʼusi chchanubtasvan li Vivliae.
14 ¿Mi lek van chil Jeova ti koʼoluk jpastik li snaʼobil slajel Xnichʼon xchiʼuk jun kʼin ti slikesoj li buchʼutik muʼyuk chtunik ta stojolale? Muʼyuk (2 Korintios 6:17, 18). Yuʼun li Jeovae muʼyuk laj yal ti skʼan jvules ta joltik li xchaʼkuxesel Jesuse.
SKʼINAL ANIMAETIK
15. ¿Kʼu yuʼun mu stakʼ jpastik li skʼinal animaetike?
15 Oy epal kʼinetik ti nitil skʼoplal xchiʼuk li animaetike, jech kʼuchaʼal li skʼinal animaetik ti chlik ta slajebtik yuilal oktuvre xchiʼuk ti tstsuts ta 2 yuʼun noviembree. Li vaʼ orae, chlechanik veʼlil, chakʼik pox, nichimetik xchiʼuk yan kʼusitik li ta mukinal xchiʼuk li ta sna animae. Ti jech tspasike, jaʼ ta skoj ti xchʼunojik ti chtal xchʼulel li anima sventa chtal skʼel yutsʼ yalale. Yan kʼin ti ojtikinbil ta yantik lumetike jaʼ li Halloween. Li kʼin taje jaʼ la slikes li voʼneal relijion yuʼun jseltaetike, yuʼun xchʼunojik ti jkoj ta jabil tsut tal ta balumil xchʼulel
li animaetike. Jaʼ yuʼun, chlechanbeik sveʼelik xchiʼuk pox sventa mu kʼusi chopol spasbatik. Skotol li kʼinetik ti nitil skʼoplal xchiʼuk animaetike muʼyuk lek chil li Jeovae.SKʼINAL NUPUNEL TI LEK CHIL JEOVAE
16, 17. ¿Kʼusi skʼan snopbeik skʼoplal li buchʼutik tsnop chnupunike?
16 Xijmuyubaj tajek li ta kʼin nupunele xchiʼuk oy jeltos kʼu yelan chichʼ pasel ta spʼejel balumil. Li krixchanoetike muʼyuk tsnopbeik skʼoplal bu likem talel li kʼusitik nopem xaʼiik spasel ta junantik kʼin nupunele, pe junantike te likemik tal ta jecheʼ relijion. Jaʼ yuʼun, li melel yajtsʼaklomtak Kristo ti snopoj chnupunike skʼan skʼelik ti jaʼuk jech tspasik li skʼinal snupunelik jech kʼuchaʼal oy ta yoʼonton li Jeovae. Mi snaʼojik bu likem tal li kʼusitik tspasik ta junantik kʼinetike, lek kʼusi chkʼot ta nopel yuʼunik (Markos 10:6-9).
17 Junantik krixchanoetike oy kʼusitik nopem xaʼiik spasel li ta skʼinal nupunel sventa lekuk xbat xkuxlejalik li jnupuneletike (Isaias 65:11). Ta junantik lumetike, nopem xaʼiik ti svijbeik aros li achʼ jnupuneletike o yan kʼusitik, yuʼun tsnopik ti jaʼ sventa xil yalab xnichʼnabik, ti xmuyubajikuke, ti jal xkuxiike o ti muʼyuk kʼusi chopol snuptanike. Li melel yajtsʼaklomtak Kristoe muʼyuk tspasik li kʼusitik nitil skʼoplal xchiʼuk li jecheʼ relijione (kʼelo 2 Korintios 6:14-18).
18. ¿Kʼusi beiltasel ta Vivlia xuʼ stsakik ta venta li buchʼutik chchapan snupunelike?
18 Li buchʼutik chnupunike oy ta yoʼontonik ti lekuk xjelav yuʼunik xchiʼuk ti xichʼuk kʼupinel li skʼinal snupunelike. Jaʼ yuʼun, muʼyuk lek ti chopol kʼusi chlik yalik li buchʼutik chkʼotike, ti xalbeik skʼoplal li chiʼinejbail Proverbios 26:18, 19; Lukas 6:31; 10:27). Jech noxtok, kʼalal chnupun li yajtsʼaklomtak Kristoe, maʼuk sventa xakʼik ta ilel ti ep kʼusi x-ayan yuʼunike (1 Juan 2:16). Jaʼ yuʼun, mi yakal chakʼelbe skʼoplal anupunele, kʼelo lek kʼusi chapas sventa xamuyubaj kʼalal chavules ta ajol ta tsʼakale (kʼelo nota 28, skʼinal nupunel).
ta vayele o ti mu xichʼik ta mukʼ li achʼ nupultsʼakale o li buchʼutik te oyike (¿BU LIK TALEL LI STʼIJEL PʼIS O BRINDISE?
19, 20. ¿Bu lik talel li stʼijel pʼis o brindise?
19 Li ta skʼinal nupunel xchiʼuk li ta yantik tsobajel tspasik li krixchanoetike, nopem xaʼiik stʼijel spʼisik o brindis. Kʼalal jech tspasike, oy junukal yuʼunik chal li kʼusi oy ta yoʼonton ta stojolal yantike, vaʼun li yantike jmoj tstoy muyel li skopaike. Pe ¿mi jech van skʼan spasik ek li yajtsʼaklomtak Kristoe?
20 Jlik livro chal ti jaʼ jech nopem xaʼiik spasel ta voʼne li buchʼutik muʼyuk chichʼik ta mukʼ Diose xchiʼuk ti jaʼo chakʼbeik vino o chʼichʼ li diosetike. Kʼalal jech tspasike, jaʼ sventa oyuk kʼusi skʼanik xchiʼuk xi chalik ta slajebe: «¡Sventa jaluk xakuxi!» o «¡Sventa lekuk oyot!». Li ta voʼnee, nopem xaʼiik ti tstoy muyel li skopaik o svasoik sventa skʼanbeik bendision li sdiosike. Pe li Vivliae chal ti mu jechuk ta kʼanbel bendision li Jeovae (Juan 14:6; 16:23).
LI BUCHʼU SKʼANOJIK JEOVAE TSPʼAJIK LI KʼUSI CHOPOLE
21. ¿Kʼusi yan kʼin muʼyuk lek ti jpastike?
21 Kʼalal muʼyuk to chkʼot ta nopel avuʼun mi chabat ta junuk kʼine, skʼan xanop kʼu yelan tspas stalelalik o Salmo 1:1, 2; 97:10; 119:37).
ti kʼusi tspukbeik skʼoplal li ta kʼine. Kalbetik skʼoplal li kʼin tajimol (carnaval) o li yan kʼinetike. Li ta kʼin tajimole, li krixchanoetike muʼyuk xa smelol kʼu yelan ch-akʼotajik, muʼyuk spʼisol chuchʼik pox xchiʼuk chmulivajik. Bateltik xtoke, li kʼinetik taje tspukbeik skʼoplal ti muʼyuk chopol li buchʼu lek chil xchiʼil ta vinikal o ta antsile o ti stoybe skʼoplal slumalike. Ati teuk xijkapet ta spasel li kʼin taje, ¿mi yakal van ta jpʼajtik li kʼusitik spʼajoj Jeovae? (22. ¿Kʼusi skʼan jtsaktik ta venta mi ta jtikʼ jbatik ta spasel junuk kʼine?
22 Li yajtsʼaklomtak Kristoe skʼan mu skap sbaik ta spasel li kʼinetik ti spʼajoj Diose. Xi laj yal li jtakbol Pabloe: «Mi chaveʼik, mi cha-uchʼbolajik o kʼusiuk noʼox ti chapasike, jaʼuk me sventa xichʼ mukʼibtasbel skʼoplal Dios skotol li kʼusitik chapasike» (1 Korintios 10:31; kʼelo nota 29, tsnop lek). Pe mu skotoluk kʼinetik likem tal ta jecheʼ relijion o tspukbeik skʼoplal mulivajel o tstoybeik skʼoplal junuk lum. Jaʼ yuʼun, li jun yajtsʼaklom Kristoe skʼan snop stuk mi chbat ta junuk kʼin mi chakʼ venta ti muʼyuk tskontrain li beiltaseletik ta Vivliae. Pe skʼan jtsaktik ta venta noxtok kʼu yelan chaʼi sba yantik ta sventa li kʼusi chkʼot ta nopel kuʼuntike.
LI KʼUSI CHAPAS XCHIʼUK CHAVALE JAʼUK SVENTA YICHʼEL TA MUKʼ JEOVA
23, 24. ¿Kʼuxi xuʼ xkalbetik kutsʼ kalaltik kʼu yuʼun ti muʼyuk ta jpastik junantik kʼinetike?
23 Yikʼaluk muʼyuk xa chatikʼ aba ta spasel kʼinetik ti spʼajoj Jeovae, jech oxal li avutsʼ avalal ti maʼuk yajtunel Jeovae xuʼ van snopik ti muʼyuk xa akʼanojan o Proverbios 11:25; Eklesiastes 3:12, 13).
ti mu xa xakʼan xachiʼine. Yikʼaluk snopik ti jaʼ noʼox ta jujun kʼin xuʼ jmoj tsobol ch-echʼ avuʼunike. Pe xuʼ jeltos kʼu yelan chavakʼbe ta ilel ti akʼanojane xchiʼuk ti oyik ta avoʼontone. Xuʼ van xatak ta ikʼel sventa oyuk kʼusi jmoj xapasik (24 Mi oy ta yoʼonton tsnaʼ avutsʼ avalal kʼu yuʼun muʼyuk chapas junantik kʼinetike, xuʼ te xata koltael ta vunetik ti slokʼesoj s-organisasion Jeova xchiʼuk li ta jpajinatik ta Internet jw.org. Mu xavakʼbe yil avutsʼ avalal ti voʼot oy arason o ti chakʼan ti jechuk tsnopik eke. Jaʼ mas lek ti xakolta sventa xilik ti jaʼ jech kʼot ta nopel avuʼun atuke xchiʼuk ti lek la akʼelbe smelolale. Oyuk smalael avuʼun xchiʼuk skotoluk me ora oyuk lek smuil li akʼopojele, oyuk me lek yatsʼamil (Kolosenses 4:6).
25, 26. Li totil meʼiletike, ¿kuxi xuʼ skolta yalab xnichʼnabik sventa skʼanik li smantaltak Jeovae?
25 Tsots skʼoplal ti xkaʼibetik smelolal kʼu yuʼun muʼyuk ta jtikʼ jbatik ta spasel junantik kʼinetike (Ebreos 5:14). Jaʼ oy ta koʼontontik smuyubtael li Jeovae, jaʼ yuʼun mi oy kalab jnichʼnabtike, xuʼ jchʼakbetik yorail sventa jkoltatik ta yaʼibel smelolal li beiltaseletik ta Vivlia sventa xlik skʼanike. Vaʼun, mi lik spat yoʼontonik ta stojolal li Jeovae, chlokʼ ta yoʼonton stukik smuyubtael (Isaias 48:17, 18; 1 Pedro 3:15).
26 Li Jeovae xmuyubaj kʼalal chil ti chkakʼbetik yipal smuyubtael jech kʼuchaʼal oy ta yoʼontone xchiʼuk ti chkichʼtik ta mukʼ ta melele (Juan 4:23). Ep buchʼutik tsnopik ti mu xuʼ tukʼ xa tajek kʼusi jpastik avi ti toj chopol xa li krixchanoetike. Pe ¿mi jech ta melel? Jkʼelbetik skʼoplal li ta yan kapituloe.
^ par. 3 Mi chakʼanbe to mas yaʼyejal junuk kʼine, xuʼ xakʼel li Saʼobil sventa xchanik mas li stestigotak Jeovae o ta jw.org.