KAPITULO 5
¿Kʼusi xuʼ jpastik yoʼ mu teuk jkʼoplaltik li ta balumile?
«Li voʼoxuke maʼuk te akʼoplalik ta balumil» (JUAN 15:19).
1. ¿Kʼu yuʼun la svul yoʼonton li Jesuse?
KʼALAL jun xa ox akʼobal skʼan xcham li Jesuse, la svul yoʼonton ta skoj li kʼusitik tsnuptanik ta tsʼakal li yajchankʼoptake, jech xtok snaʼoj ti jutuk xa ox skʼan xiktaan komele. Xi laj yalbe li yajchankʼoptake: «Li voʼoxuke maʼuk te akʼoplalik ta balumil» (Juan 15:19). Kʼalal echʼ kʼuk sjalile, lik spas orasion ta stojolal li yajchankʼoptake, xi laj yalbe li Stote: «Muʼyuk te skʼoplalik ta balumil jech kʼuchaʼal muʼyuk te jkʼoplal ta balumil eke» (Juan 17:15, 16). ¿Kʼusi smelolal li kʼusi laj yal Jesuse?
2. ¿Kʼusi jaʼ li «balumil» laj yalbe skʼoplal Jesuse?
2 Kʼalal «balumil» xi li Jesuse, jaʼ laj yalbe skʼoplal li krixchanoetik ti muʼyuk chtunik ta stojolal Diose xchiʼuk ti jaʼ ventainbilik yuʼun li Satanase (Juan 14:30; Efesios 2:2; Santiago 4:4; 1 Juan 5:19). ¿Kʼusi xuʼ jpastik yoʼ mu teuk jkʼoplaltik li ta balumile? Baʼyel, jaʼ ti tukʼ-o xkakʼ jbatik ta stojolal li Ajvalilal yuʼun Diose xchiʼuk ti mu jtikʼ jbatik ta politikae. Xchibal, ti jpʼajtik li snopben li krixchanoetik ta balumile. Yoxibal, ti oyuk noʼox smelolal ti kʼu yelan ta jlap jkʼuʼ jpokʼtik xchiʼuk ta jmeltsan jbatike. Xchanibal, ti maʼukuk xbat ta koʼontontik li takʼine. Xchiʼuk svoʼobal, ti jlap li kabtejebtik ti lek tsʼakal yakʼojbutik Diose. Li voʼtos taje jaʼ ta jchanbetik skʼoplal li ta kapitulo liʼe (kʼelo nota 16, muʼyuk tstikʼ sba ta politika).
TUKʼ XKAKʼ JBATIK TA STOJOLAL LI AJVALILAL YUʼUN DIOSE
3. ¿Kʼu yelan laj yil politika li Jesuse?
3 Kʼalal liʼ toʼox ta balumil li Jesuse, laj yil ti toj echʼ xa noʼox svokol li krixchanoetike xchiʼuk ti mu kʼunuk li xkuxlejalike. La skʼel kʼusi xuʼ spas, yuʼun oy ta yoʼonton tskoltaan. ¿Kʼusi la spas un? Muʼyuk la saʼ yabtel ta bankilal politiko. Yuʼun snaʼoj ti kʼusi chtun yuʼunik ta melel li krixchanoetike jaʼ li Ajvalilal yuʼun Diose, jech oxal jaʼ mas laj yalbe skʼoplal kʼalal la xchol mantale. Jech xtok, snaʼoj ti jaʼ ch-och ta ajvalil li ta Ajvalilal taje (Daniel 7:13, 14; Lukas 4:43; 17:20, 21). Muʼyuk bu la stikʼ sba ta politika, pe mi jaʼuk la skontrain xtok. Kʼalal jaʼo te vaʼanat ta stojolal li Ponsio Pilato ti jaʼ ajvalil ta Romae, xi laj yalbee: «Maʼuk sventa balumil li Ajvalilal kuʼune» (Juan 18:36). ¿Kʼusi la spasik li yajchankʼoptak eke? Muʼyuk bu la stikʼ sbaik ta jujujot li ta politikae. Taje jaʼ jech chal jlik livro ti chalbe skʼoplal kʼusitik kʼot ta pasel ta voʼnee, xi chale: «Li yajtsʼaklomtak Kristoe mi jsetʼ bu la xchʼamik jtosuk yabtelik ta sventa politika». ¿Kʼusi ta jpastik li avi eke? Jaʼ ta jchanbetik li stalelalike. Jpʼel koʼontontik jaʼ noʼox kakʼoj jbatik ta stojolal li Ajvalilal yuʼun Diose xchiʼuk muʼyuk bu ta jtikʼ jbatik li ta politikae, pe muʼyuk bu ta jkontraintik xtok (Mateo 24:14).
¿Mi x-albe avuʼun smelolal kʼu yuʼun ti jaʼ noʼox avakʼoj aba ta stojolal li Ajvalilal yuʼun Diose?
4. ¿Kʼuxi chkakʼtik ta ilel ti jaʼ kakʼoj jbatik ta stojolal li Ajvalilal yuʼun Diose?
4 Li yajtsʼaklomtak Kristo ti tʼujbil chbatik ta vinajele xkoʼolajik ta yajkʼopojel junuk lum (embajador). Xi albatik yuʼun li jtakbol Pabloe: «Kʼotemunkutik ta xkʼexol Kristo, voʼon yajkʼopojelunkutik» (2 Korintios 5:20). ¿Kʼuxi taje? Li yajkʼopojel jun lume jaʼ tsvaʼan sba ta kʼopojel ta stojolal li ajvalil ta slumale xchiʼuk muʼyuk tstikʼ sba ta politika li ta lum bu chbat abtejuke. Yoʼ to liʼ oyik ta balumil li buchʼutik tʼujbil chbatik ta vinajele, jaʼ tsvaʼan sbaik ta kʼopojel ta stojolal li Ajvalilal yuʼun Diose xchiʼuk spatoj yoʼontonik ti jmoj ch-ajvalilajik xchiʼuk Kristo ta vinajele. Jaʼ yuʼun, muʼyuk bu tstikʼ sbaik ta politika mi jaʼuk tskap sbaik spasel li kʼusitik tspas ajvaliletik ta balumile (Filipenses 3:20). Li kʼusi yakʼoj ta yoʼontonik spasele jaʼ ti xakʼbeik xchan ta sventa Ajvalilal yuʼun Dios ta smiyonal xa noʼox krixchanoetike. Li yan chijetik eke ti jaʼ li buchʼutik spatoj yoʼonton chkuxiik ta sbatel osil li ta achʼ balumil yuʼun Diose yakʼoj ta yoʼontonik skoltael li buchʼutik chbatik ta vinajele xchiʼuk muʼyuk tstikʼ sbaik ta politika (Juan 10:16; Mateo 25:31-40). Jaʼ jech, li melel yajtsʼaklomutik Kristoe mi jsetʼuk bu ta jkap jbatik li ta politika yuʼun li balumil liʼe (kʼelo Isaias 2:2-4).
5. Albo smelolal kʼu yuʼun ti muʼyuk chijbat ta paskʼope.
5 Li melel yajtsʼaklomutik Kristoe muʼyuk bu chijbat ta paskʼop. ¿Kʼu yuʼun? Yuʼun jaʼ kutsʼ kalal chkiltik li jchiʼiltaktik ta chʼunolajele. Lek jmoj tsobolutik akʼo mi jelajtik bu likemutik talel (1 Korintios 1:10). Kaltik noʼox ti chijbat ta paskʼope, jaʼ chbat jtsaktik ta kʼop li kutsʼ kalaltik ti jaʼ jchiʼiltaktik ta chʼunolajel ti skʼan jkʼantik laj yal Jesuse (Juan 13:34, 35; 1 Juan 3:10-12). Jech xtok, li Jesuse laj yal ti skʼan jkʼantik ek li kajkontrataktike (Mateo 5:44; 26:52).
6. ¿Kʼu yelan chkiltik li ajvaliletike?
6 Akʼo mi muʼyuk ta jtikʼ jbatik ta politika li yajtsʼaklomutik Kristoe, chkakʼtik persa ti lekuk jtalelaltik li ta jlumaltike. Chkichʼtik ta mukʼ li ajvaliletike, jech oxal ta jchʼunbetik li smantaltake xchiʼuk muʼyuk bu ta jalan jbatik ta stojel li jpatantike. Pe jaʼ onoʼox chkakʼbetik Dios «li kʼusitik jaʼ yuʼun Diose» (Markos 12:17; Romanos 13:1-7; 1 Korintios 6:19, 20). ¿Kʼusitik ti jaʼ yuʼun Diose? Jaʼ ti jkʼantike, ti jchʼunbetik skotol li smantaltake xchiʼuk ti xkichʼtik ta mukʼe. Jpʼel ta koʼonton ta jchʼunbetik smantal akʼo mi te xijcham-o (Lukas 4:8; 10:27; kʼelo Echos 5:29; Romanos 14:8).
JPʼAJTIK «LI SNOPBEN KRIXCHANOETIKE»
7, 8. 1) ¿Kʼusi skʼan jpastik yoʼ jchʼak jbatik ta stojolal li krixchanoetik ta balumile? 2) ¿Kʼu yelan li snopben krixchanoetike?
7 Li krixchanoetik ta sbalumil Satanase mi jsetʼ skʼan xtunik ta stojolal li Jeovae xchiʼuk jaʼ jech snopbenik kʼuchaʼal tskʼan yoʼonton li Satanase. ¿Kʼusi skʼan jpastik yoʼ jbey jbatik o jchʼak jbatik ta stojolal li krixchanoetik taje? Skʼan xkakʼtik tajek persa yoʼ mu jchanbetik ti kʼu yelan snopbenike. Jech ta jpastik kʼuchaʼal laj yal li Pabloe: «Li voʼotike maʼuk laj kichʼbetik li snopben krixchanoetike, moʼoj, jaʼ laj kichʼtik li chʼul espiritu ti likem tal ta stojolal Diose» (1 Korintios 2:12; Efesios 2:2, 3. Kʼelo nota 17, snopben krixchanoetik).
8 ¿Kʼu yelan li snopben krixchanoetike? Jaʼ xa xlaj-o yuʼunik saʼel li kʼusi tskʼan yoʼonton stukike, xtoyet xa chaʼi sbaik xchiʼuk mu skʼanik pasel ta mantal. Chalik ti mu persauk xchʼunbeik smantal li Diose. ¿Kʼusi oy ta yoʼonton li Satanas eke? Jaʼ ti mu stsakik ta venta krixchanoetik li kʼusi xuʼ snuptanik ta skoj li kʼusi tspasike xchiʼuk ti jaʼuk mas tsots 1 Juan 2:16; 1 Timoteo 6:9, 10). Pe li kʼusi mas oy ta yoʼonton li Diabloe jaʼ ti sloʼlautik ek sventa koʼoluk jnopbentik kʼuchaʼal stuke (Juan 8:44; Echos 13:10; 1 Juan 3:8).
skʼoplal xilik saʼel «li kʼusi tskʼan jbekʼtaltike [xchiʼuk] li kʼusi tskʼan jsatike» (9. ¿Kʼu yelan xuʼ sokes jtalelaltik li snopben krixchanoetike?
9 ¿Kʼu yelan xuʼ sokes jtalelaltik li snopben krixchanoetike? Mi te noʼox kabinoj jbatik xchiʼuk mi muʼyuk chkakʼ kiptik ta spʼajele, ta me sokes li jtalelaltike (kʼelo Proverbios 4:23). Yuʼun li snopben krixchanoetike xkoʼolaj ta ikʼ ti buyuk noʼox oye. Xuʼ van jnoptik ti mu kʼusi tspasbutike, vaʼun lek xa xkaʼitik xchanbel ti kʼu yelan snopbenik o li kʼusitik tspasik li buchʼutik muʼyuk chtunik ta stojolal li Jeovae (Proverbios 13:20; 1 Korintios 15:33). Jech xtok, xuʼ me jaʼ sokes jtalelaltik li jvalopatinej mantaletike, li tsalbail ta tajimole o li pornografiae (lokʼoletik o videoetik ti bu tʼanal xvinaj krixchanoetike o ti yakal chmulivajike). (Kʼelo nota 18, jvalopatinej mantal).
10. ¿Kʼusi xuʼ jpastik yoʼ mu spasutik ta mantal li snopben krixchanoetike?
10 Vaʼun chaʼa, ¿kʼusi xuʼ jpastik yoʼ mu spasutik ta mantal li snopben krixchanoetike? Skʼan me teuk nochʼolutik-o ta stojolal li Jeovae xchiʼuk ti xkakʼ jbatik ta beiltasel li ta tukʼil tojobtasel yuʼune. Skʼan mu xkikta jbatik ta skʼanbel li xchʼul espiritue xchiʼuk mu xijchoti ta spasbel li yabtele. Li Jeovae jaʼ noʼox stuk toj echʼem sjuʼel, jaʼ yuʼun jpʼel ta koʼontontik ti tskoltautik ta spʼajel li snopben krixchanoetike (1 Juan 4:4).
YICHʼUK-O ICHʼEL TA MUKʼ DIOS TA SKOJ LI JKʼUʼ JPOKʼTIKE
11. ¿Kʼu yelan tslap skʼuʼ spokʼik xchiʼuk tsmeltsan sbaik li epal krixchanoetike?
11 ¿Kʼuxi yan xuʼ xkakʼtik ta ilel ti mu teuk jkʼoplaltik ta balumile? Jaʼ ta sventa li jkʼuʼ jpokʼtike xchiʼuk ti kʼu yelan
ta jmeltsan jbatike. Epal krixchanoetike tskʼanik ti labaluk xa sba xichʼik ilel ta skoj li skʼuʼ spokʼike, ti oyuk buchʼu xpichʼajesbeik yoʼonton ta mulivajele, yantike chakʼik ta ilel ta skʼuʼ spokʼik ti mu skʼanik pasel ta mantal yuʼun li slumalike o jaʼ jech chakʼik ta ilel ti pakalik lek ta takʼine. Jaʼuk li yantik xtoke mu sventauk sbaik, jaʼ lek chaʼiik ti mu smeltsan sbaike xchiʼuk ti ikʼpitsʼan o ikʼtsitsan skʼuʼ spokʼike. Pe mu xkakʼ sokes jtalelaltik li krixchanoetik taje, ti jech xa chlik jlap jkʼuʼ jpokʼtik o jech xa chlik jmeltsan jbatik eke.¿Mi chichʼ-o ichʼel ta mukʼ Jeova ta skoj li jkʼuʼ jpokʼtike?
12, 13. ¿Kʼusi beiltaseletik xuʼ skoltautik yoʼ lekuk jtʼujtik li jkʼuʼ jpokʼtike?
12 Li yajtunelutik Jeovae chkakʼtik persa ti lekuk jmeltsan jbatike, ti sakuk li jkʼuʼ jpokʼtike, ti lekuk noʼox ta kʼelele xchiʼuk ti stauk-o ti bu chijbate. Oy noʼox smelolal li jkʼuʼ jpokʼ ta jlaptike xchiʼuk chkichʼ jpʼijiltik ti kʼu yelan ta jmeltsan jbatike, yuʼun jech chkakʼtik ta ilel ti kichʼojtik ta mukʼ li Diose (13 Jech xtok, xuʼ me lek o chopol kʼusi snopik ta stojolal Jeova xchiʼuk ta stojolal yajtuneltak ta skoj ti kʼu yelan ta jmeltsan jbatike. Pe jaʼ ta jkʼantik ti xichʼ «mukʼibtasbel skʼoplal Dios» ta skotol li kʼusi ta jpastike (1 Korintios 10:31). Mi bikʼit chkakʼ jbatike, ta me jtsaktik ta venta ti kʼu yelan chaʼi sba kuʼuntik li yantike o li kʼusi tsnopik ta sventa li jkʼuʼ jpokʼtike. Jaʼ yuʼun, kʼalal ta jnoptik kʼu yelan ta jmeltsan jbatike, skʼan me teuk ta joltik ti xuʼ lek o chopol kʼusi tsnopike (1 Korintios 4:9; 2 Korintios 6:3, 4; 7:1).
14. ¿Kʼusi skʼan jnopbetik skʼoplal kʼalal ta jmeltsan jbatik batel ta tsobajel o ta cholmantale?
14 Jnopbetik skʼoplal ti kʼu yelan ta jmeltsan jbatik kʼalal chijbat ta jtsobajeltik o ta cholmantale. ¿Mi ta jkʼantik ti labaluk xa sba xilutik li yantike? ¿Mi chkʼexav-o kuʼuntik li yantike o mu xa junuk yoʼontonik? Mi xi van chkaltik xtoke: «Pe mu buchʼu sventauk-o ti kʼu yelan ta jmeltsan jbae, kuʼun jtuk», ¿mi xijchi van? (Filipenses 4:5; 1 Pedro 5:6). Veno, jkotoltik onoʼox ta jkʼantik ti lekuk kʼupil jba xijvinaje. Pe li kʼusi mas alakʼ-o jbatik yuʼun ta melele jaʼ li jlekil talelaltike. Taje jaʼ tskʼel li Jeovae, «toj ep sbalil ta sat» li jlekil talelaltike, yuʼun jaʼ chakʼ ta ilel ti kʼu kelantik ta melele, jaʼ xkaltik, li kʼusi oy ta yutil koʼontontike (1 Pedro 3:3, 4).
15. ¿Kʼu yuʼun muʼyuk bu xcholet xa chalbutik Jeova ti kʼu yelan skʼan jmeltsan jbatike?
15 Li Jeovae yakʼojbutik beiltaseletik yoʼ lekuk kʼusi xkʼot ta nopel kuʼuntik (Ebreos 5:14). Muʼyuk bu yakʼojbutik slistail ti kʼu yelan skʼan jmeltsan jbatike. Moʼoj, mu jechuk spasoj. ¿Kʼu yuʼun? Yuʼun tskʼan ti xkakʼbetik yil ti solel jkʼanojtik xchiʼuk ti jkʼanojtik yantik ta sventa li kʼusitik ta jpastike (kʼelo Markos 12:30, 31). Li yajtunelutik Jeova ta spʼejel balumile jeltos tajek ti kʼu yelan ta jlap jkʼuʼ jpokʼtike, yuʼun jaʼ jech jkʼuʼ jpokʼtik ti bu likemutik tale o ti kʼu yelan lek chkiltik ta jujuntale. Taje toj kʼupil sba ta kʼelel.
MU ME JAʼUK XBAT TA KOʼONTONTIK LI TAKʼINE
16. 1) ¿Kʼusi tsnopik ta sventa takʼin li krixchanoetike? 2) Pe ¿kʼusi laj yal li Jesuse? 3) ¿Kʼusitik skʼan jakʼbe jbatik?
16 Li Satanase chakʼbe xchʼun krixchanoetik ti jaʼ xmuyubajik-o mi pakalik lek ta takʼine xchiʼuk mi ep kʼusitik Lukas 12:15). Maʼuk chakʼ xkuxetel koʼontontik ta melel li takʼine. Muʼyuk ta jta lek kamigotik mi jaʼuk jun koʼontontik yuʼun xchiʼuk maʼuk chakʼ jkuxlejaltik ta sbatel osil. Melel onoʼox ti skʼan oyuk jutuk kʼusi x-ayan kuʼuntike xchiʼuk ta jkʼan ta jkʼupin li jkuxlejaltike. Pe li Jesuse laj yal ti jaʼ noʼox xuʼ xijmuyubaj ta melel mi lek xkil jbatik xchiʼuk li Jeovae xchiʼuk mi jaʼ kakʼoj ta koʼontontik yichʼel ta mukʼe (Mateo 5:3; 6:22). Jaʼ yuʼun, xi jakʼbe jbatike: «¿Mi jaʼ xa jechun kʼuchaʼal li krixchanoetik ta balumil ti jaʼ batem ta yoʼontonik li takʼine? ¿Mi jaʼ xa ta jnopilan-o o mi jaʼ xa sbel ke?» (Lukas 6:45; 21:34-36; 2 Juan 6).
x-ayan yuʼunike. Pe li yajtunelutik Diose jnaʼojtik ti jaʼ loʼlael taje. Jchʼunojtik lek li kʼusi laj yal Jesus liʼe: «Kʼalal ep kʼusitik oy yuʼun li jun krixchanoe, maʼuk tsta-o xkuxlejal li kʼusitik oy yuʼune» (17. ¿Kʼusi sbalil ta jtatik mi la jpʼajtik li kʼusi tsnop krixchanoetik ta sventa li takʼine?
17 Mi jaʼ laj kakʼ ta koʼontontik chijtun ta stojolal li Jeovae xchiʼuk mi la jpʼajtik li kʼusi tsnop krixchanoetik ta sventa li takʼine, ta me jta xkuxetel koʼontontik ta melel (Mateo 11:29, 30). Xijmuyubaj-o ti kʼu yepal oy kuʼuntike xchiʼuk jun noʼox me koʼontontik (Mateo 6:31, 32; Romanos 15:13). Muʼyuk me mas ta jvul koʼontontik ta saʼel li takʼine o li kʼusitik x-ayan ta balumile (kʼelo 1 Timoteo 6:9, 10). Jech xtok, xijmuyubaj ta skoj ti xijtʼolbaj noʼoxe o ti oy slekil koʼontontike (Echos 20:35). Mas me xokolutik sventa jmoj kʼusitik jpastik xchiʼuk li kutsʼ kalaltik o li kamigotaktike. Jech xtok, muʼyuk me kʼusi tstij jvayeltik (Eklesiastes 5:12).
JLAPTIK LI KABTEJEBTIK TI LEK TSʼAKALE
18. ¿Kʼusi yakʼoj persa spasel li Satanase?
18 Li Satanase xjoyet tajek skʼelel kʼusi xuʼ spas yoʼ mu xa lekuk xkil jbatik xchiʼuk li Jeovae, jech oxal skʼan jpastik ti Efesios 6:12). Li Satanas xchiʼuk li spukujtake mu skʼanik ti xijmuyubaje xchiʼuk ti xijkuxi sbatel osile (1 Pedro 5:8). ¿Mi chkuch van kuʼuntik li paskʼop ti tsots tajek sjuʼel li kajkontratike? Chkuch, yuʼun jaʼ tskoltautik li Jeovae.
bu kʼalal xuʼ kuʼuntik sventa mu jechuk xkʼot ta pasele. Yakal ta jpastik kʼop xchiʼuk ‹li pukujetik ti toj chopolike› (19. Albo skʼoplal li kabtejebtik chal ta Efesios 6:14 kʼalal ta 18.
19 Li soltaroetik ta voʼnee tslap toʼox lek smakik o yabtejebik kʼalal chbatik ta paskʼope. Jaʼ jech skʼan jpastik ek, sventa jchabi jbatik ta stojolal li kajkontratike, skʼan jlaptik «li abtejebal» yakʼojbutik Jeovae (Efesios 6:13). Li ta Efesios 6:14 kʼalal ta 18, chalbe skʼoplal li kabtejebtik ta mantale, xi chale: «Tsotsanik-o me, teuk me lek chukul ta achʼutik jech kʼuchaʼal jun chukil li kʼusi melele, lapik me li tukʼilal ti xkoʼolaj ta smak oʼontonale xchiʼuk lapik me li axonobike sventa lek chapaloxuk ta yalel batel li lekil aʼyejetik sventa jun oʼontonale. Pe maʼuk noʼox, tsakik me li xchʼunel avoʼontonik jech kʼuchaʼal junuk mukʼta eskudo sventa xtupʼ avuʼunik skotol sflecha li Satanas ti tsanajtik skʼakʼal tsjip tale. Jech xtok, xojik me ta ajolik kʼuchaʼal smak jolil li kolebale xchiʼuk tsakik me li espada chakʼ chʼul espiritue, jaʼ xkaltik, li skʼop Diose, jech xtok, pasik orasion skotol ora jech kʼuchaʼal tskʼan chʼul espiritue, kʼusiuk noʼox xakʼanik ta orasion xchiʼuk kʼusiuk noʼox xavokolajetik-o».
20. ¿Kʼusi skʼan jpastik mi ta jkʼan chchabiutik li kabtejebtike?
20 Mi oy junuk soltaro chchʼay ta sjol slapel jtosuk yabtejebe, jamal chkom jsetʼuk li sbekʼtale, vaʼun jaʼ te chchʼikbat talel yuʼun li yajkontrae. Mi mu jkʼan xijlaj yuʼun li kajkontratik eke, skʼan me mu xchʼay ta joltik jtosuk li kabtejebtike. Skʼan jkʼeltik xtok ti mu xkuxin kuʼuntik xkaltike o ti soke xchiʼuk skʼan teuk-o jlapojtik skotol ora. Jech-o me ta jpastik kʼop jaʼ to mi yichʼ lajesel li sbalumil Satanase xchiʼuk mi laj yichʼik jipel lokʼel ta balumil xchiʼuk Apokalipsis 12:17; 20:1-3). Mi yakal chapas kʼop xchiʼuk li kʼusi chopol tskʼan avoʼontone, mu xachibaj, akʼbo-o yipal (1 Korintios 9:27).
li spukujtake (21. ¿Kʼuxi xuʼ jpastik ta kanal li Diabloe?
21 Li Diabloe mas to tsots xuʼ yuʼun kʼuchaʼal li voʼotike. Pe kʼuk onoʼox xi, xuʼ jpastik ta kanal, yuʼun jaʼ tskoltautik li Jeovae. Sventa jechuk-o tukʼ xkakʼ jbatik ta stojolal li Diose, skʼan jkʼopontik, jchanbetik li Skʼope xchiʼuk jtsob jbatik xchiʼuk li kermanotaktike (Ebreos 10:24, 25). Taje jaʼ tskoltautik sventa tukʼuk-o xkakʼ jbatik ta stojolal li Jeovae xchiʼuk jech me chapalutik ta spakbel skʼoplal li kʼusi jchʼunojtike.
CHAPALUKUTIK TA SPAKBEL SKʼOPLAL LI KʼUSI JCHʼUNOJTIKE
22, 23. 1) ¿Kʼusi tskoltautik yoʼ chapalukutik ta spakbel skʼoplal li kʼusi jchʼunojtike? 2) ¿Kʼusi ta jkʼeltik li ta yan kapituloe?
22 Skʼan chapalukutik skotol ora sventa jpakbetik skʼoplal li kʼusi jchʼunojtike (Juan 15:19). Bateltike, li stestigoutik Jeovae jelel kʼusitik ta jnoptik o ta jpastik kʼuchaʼal li yan krixchanoetike. Jaʼ yuʼun, lek ti xiuk jakʼbe jbatike: «¿Mi xkaʼibe lek smelolal kʼu yuʼun ti jech ta jpaskutik o ta jnopkutik ta sventa liʼe? ¿Mi jchʼunoj ta melel ti jaʼ lek li kʼusi chakʼ ta chanel li Vivliae xchiʼuk li tukʼil xchiʼuk pʼijil mosoile?» (Mateo 24:45; Juan 17:17). «¿Mi ximuyubaj ti jaʼun stestigo Jeovae?» (Salmo 34:2; Mateo 10:32, 33). «¿Mi x-albe kuʼun lek smelolal li kʼusitik jchanoje?» (kʼelo 1 Pedro 3:15).
23 Ep ta veltae, lek jamal xkiltik li kʼusitik skʼan jpastik yoʼ mu jkap jbatik xchiʼuk li balumile. Pe bateltike, jecheʼ te xijchʼayet chijkom. Li Satanase ep ta tos petsʼ tstunes sventa stautik ta yakel. Jtose jaʼ li chʼayob oʼontonale. Li ta yan kapituloe, jaʼ ta jkʼelbetik skʼoplal kʼusi skʼan jpastik sventa lekuk xbat ta tʼujel kuʼuntik li kʼusi ta jchʼay-o koʼontontike.