Li krixchanoetik ti oy ta yoʼontonik mantale chakʼik venta mi melel li kʼusi ch-akʼbat xchanike, yuʼun jech onoʼox laj yal li Jesuse (Juan 10:​4, 27). Jaʼ yuʼun, oy ta koʼontontik ti xkakʼbetik yilik jtosuk chanubtasel ta Vivliae. Xuʼ xi xalikes aloʼile: «¿Mi anaʼoj ti…?» o «¿Mi oy avaʼioj ti. . . ?», vaʼun xuʼ jaʼo xavalbe skʼoplal jtosuk chanubtasel ta Vivlia xchiʼuk xuʼ xakʼelbe junuk teksto ti tsjambe smelolale. Kʼalal oy buchʼu chkalbetik jtosuk chanubtasel ta Vivliae, xkoʼolaj ti ta jtsʼunbetik ta yoʼonton li mantale. Vaʼun, li Diose ta xakʼ chʼiuk ta yoʼonton li mantale (1 Kor. 3:​6, 7).

•  Li kʼusi chkʼot ta pasel ta jelavele

•  Li utsʼ alalile

•  Li Diose

•  Li orasione

•  Li Jesuse

•  Li Ajvalilal yuʼun Diose

•  Li vokolile

•  Li lajelale

•  Li relijione

 LI KʼUSI CHKʼOT TA PASEL TA JELAVELE

1. 1. Chakʼ ta ilel ti poʼot xa xichʼ lajesel choplejal li kʼusitik yakal chkʼot ta pasel avie xchiʼuk ti kʼu xa yelan stalelal li krixchanoetike (Mat. 24:​3, 7, 8; Luk. 21:​10, 11; 2 Tim. 3:​1-5).

2. 2. Muʼyuk chichʼ lajesel li balumile (Sal. 104:5; Ekl. 1:4).

3. 3. Ta xlekub yan velta li balumile; chkʼataj ta nichimaltik (Is. 35:​1, 2; Apok. 11:18).

4. 4. Muʼyuk xa buchʼu ch-ipaj li ta jelavele (Is. 33:24; 35:​5, 6).

5. 5. Xuʼ xakuxi sbatel osil li ta balumile (Sal. 37:29; Mat. 5:5).

 LI UTSʼ ALALILE

1. 6. Skʼan ti skʼanojuk yajnil jech kʼuchaʼal skʼanoj sba stuk li malalile (Efes. 5:33; Kol. 3:19).

2. 7. Skʼan ti xichʼ lek ta mukʼ smalal li ajnilale (Efes. 5:33; Kol. 3:18).

3. 8. Skʼan ti mu smukul sati sbaik li buchʼutik nupunemike (Mal. 2:16; Mat. 19:​4-6, 9; Ebr. 13:4).

4. 9. Lek chbat xkuxlejalik li alab nichʼnabiletik ti chchʼunbeik smantal stot smeʼike (Prov. 1:​8, 9; Efes. 6:​1-3).

 LI DIOSE

1. 10. Oy sbi li Diose (Sal. 83:18; Jer. 10:10).

2. 11. Oy kʼusi tsots skʼoplal tskʼan chalbutik li Diose (2 Tim. 3:​16, 17; 2 Ped. 1:​20, 21).

3. 12. Tukʼ li Diose xchiʼuk mu snaʼ xtʼujvan (Deut. 10:17; Ech. 10:​34, 35).

4. 13. Tskʼan tskoltautik li Diose (Sal. 46:1; 145:​18, 19).

  LI ORASIONE

1. 14. Tskʼan ti jpastik orasion li Diose (Sal. 62:8; 65:2; 1 Ped. 5:7).

2. 15. Chal kʼuxi xuʼ jpastik orasion li Vivliae (Mat. 6:​7-13; Luk. 11:​1-4).

3. 16. Skʼan ti nopajtikuk noʼox jpastik orasione (Mat. 7:​7, 8; 1 Tes. 5:17).

 LI JESUSE

1. 17. Toj lek chanubtasvan li Jesuse xchiʼuk jtunel-o kuʼuntik li kʼusi laj yakʼ ta chanele (Mat. 6:​14, 15, 34; 7:12).

2. 18. Laj xa onoʼox yal Jesus li kʼusi yakal chkʼot ta pasel avie (Mat. 24:​3, 7, 8, 14; Luk. 21:​10, 11).

3. 19. Jaʼ Xnichʼon Dios li Jesuse (Mat. 16:16; Juan 3:16; 1 Juan 4:15).

4. 20. Maʼuk li Dios ti skotol xuʼ yuʼun li Jesuse (Juan 14:28; 1 Kor. 11:3).

 LI AJVALILAL YUʼUN DIOSE

1. 21. Yakal xa tspas mantal ta vinajel li Ajvalilal yuʼun Diose (Dan. 2:44; 7:​13, 14; Mat. 6:​9, 10; Apok. 11:15).

2. 22. Tslajesbe skʼoplal ajvaliletik ta balumil li Ajvalilal yuʼun Diose, vaʼun jaʼ xa noʼox stuk ch-ajvalilaj (Sal. 2:​7-9; Dan. 2:44).

3. 23. Jaʼ noʼox xuʼ xchʼaybe skʼoplal jvokoltik li Ajvalilal yuʼun Diose (Sal. 37:​10, 11; 46:9; Is. 65:​21-23).

 LI VOKOLILE

1. 24. Maʼuk ta smul Dios ti oy jvokoltike (Deut. 32:4; Sant. 1:13).

2. 25. Jaʼ sventainoj balumil li Satanase (Luk. 4:​5, 6; 1 Juan 5:19).

3. 26. Yiloj avokol li Diose xchiʼuk tskʼan tskoltaot (Sal. 34:​17-19; Is. 41:​10, 13).

4. 27. Poʼot xa slajesbe skʼoplal vokolil li Diose (Is. 65:17; Apok. 21:​3, 4).

 LI LAJELALE

1. 28. Muʼyuk kʼusi chaʼiik xchiʼuk muʼyuk yakal chil svokolik li animaetike (Ekl. 9:5; Juan 11:​11-14).

2. 29. Mu xuʼ skoltautik li animaetike xchiʼuk muʼyuk kʼusi chopol xuʼ spasbutik (Sal. 146:4; Ekl. 9:​6, 10).

3. 30. Ta xchaʼkuxiik tal li buchʼutik chamem kuʼuntike (Job 14:​13-15; Juan 5:​28, 29; Ech. 24:15).

4. 31. Chlaj skʼoplal li lajelale (Is. 25:8; Apok. 21:​3, 4).

 LI RELIJIONE

1. 32. Mu skotoluk relijion lek chil li Diose (Jer. 7:11; Mat. 7:​13, 14, 21-23).

2. 33. Muʼyuk lek chil Dios mi muʼyuk chkakʼ ta jkuxlejaltik li kʼusi ta jchantike (Is. 29:13; Mik. 3:11; Mar. 7:​6-8).

3. 34. Chvinaj buchʼutik oyik ta melel relijion mi skʼanoj sbaike (Mik. 4:3; Juan 13:​34, 35).