Kʼalal skʼan to xavakʼ estudioe

1. 1. Chapano aba lek. Kak xa noʼox xanop kʼu yelan xkuxlejal li buchʼu chachanubtase, li kʼusitik xchʼunoje xchiʼuk li kʼusitik xuʼ xkoltaat sventa xchʼi-o batel ta mantale. Vaʼun, nopo mi oy van jtosuk chanubtasel ta Vivlia ti xuʼ van vokol chaʼibe smelolale o ti tsots chaʼi yakʼel ta xkuxlejale. Kʼelo li mantaletik xchiʼuk videoetik ti te talem li ta rekuadro «Xuʼ to xakʼel liʼe». Vaʼun, nopo mi oy junuk mantal o junuk video ti xuʼ xkoltaat li avaj-estudioe. Laj une, kʼalal jaʼo yakal chachanubtase, mi laj avakʼ venta ti oy kʼusi chtun yuʼune, anaʼoj xa me bu junukal xuʼ xatunes.

Kʼalal yakal chavakʼ estudioe

1. 2. Mi muʼyuk chopol chaʼi li buchʼu chavakʼbe estudioe, likeso xchiʼuk tsutseso ta orasion.

2. 3. Mu toj epuk xakʼopoj, jaʼuk mas xkʼopoj li avaj-estudioe xchiʼuk jaʼ noʼox xavalbe skʼoplal li kʼusi talem ta xchanobile.

3. 4. Kʼalal chlik akʼelik li sbavokʼal, xchaʼvokʼal, yoxvokʼal xchiʼuk xchanvokʼale, kʼelo li bu chal «Li kʼusi ta jchantike», laje albo sbi junantik xchanobil ti te talem li ta jvokʼ bu chalikesike.

4. 5. Mi tsuts avuʼunik xchanel ti jayib xchanobil yichʼoj tal ta jujuvokʼe, vulesbo ta sjol avaj-estudio li kʼusi la achanike, jaʼ tuneso li sjakʼobiltak ti te talem li ta svulesobil ta joltike.

5. 6. Kʼalal yakal chakʼelik junuk xchanobil xchiʼuk li avaj-estudioe:

   1. Jmojuk xakʼelik ti jayib parafoetik talem ta baʼyel partee.

   2. Kʼelik skotol li tekstoetik ti bu chal ti skʼan kʼelele.

   3. Xuʼ me xakʼelik li yan tekstoetik ti te talem ta xchanobil mi sta-o chavile.

   4. Mi stakʼ chavile, kʼelik skotol li videoetik ti bu chal ti skʼan kʼelele.

   5. Jakʼbo avaj-estudio skotol li sjakʼobiltak te talem ta xchanobile.

   6. Loʼiltaik skotol li lokʼoletik ti te talem yoʼ bu «Jchantik to batel mas» xie.

   7. Li rekuadro yoʼ bu chal «Paso liʼe» xie xuʼ xatunes sventa xakʼ venta avaj-estudio ti kʼusi pasem xa yuʼune. Xuʼ xatijbe yoʼonton sventa spas li kʼusi chal li rekuadroe o xuʼ yan kʼusi xakʼ ta yoʼonton spasel.

   8. Ta sventa li rekuadro «Xuʼ to xakʼel liʼe» xie xuʼ xi xajakʼbee: «¿Mi oy junuk video o jtosuk mantal ti lek laj avil kʼalal la achapan abae?».

   9. Akʼo persa ti stsuts sjunul xchanobil ta jujukoj chavakʼbe estudioe.

Kʼalal mi laj xa ox avakʼ estudioe

1. 7. Teuk-o ta ajol li avaj-estudioe. Kʼalal atuk xa ox oyote, albo Jeova ti akʼo skolta avaj-estudio sventa xchʼi-o batel ta mantale xchiʼuk ti xakʼbot apʼijil sventa xanaʼ kʼuxi xuʼ xakoltae.