¿Kʼuxi laj yakʼ ta ilel li Jesuse?

¿Kʼusi chakʼ jchantik li kʼusi la spas Jesuse?

2. Mas van oy ta yoʼonton chchikintabutik krixchanoetik mi jaʼ lik kalbetik skʼoplal li kʼusi oy ta yoʼontonike.

 Paso li kʼusi la spas Jesuse

3. Jelo li kʼusi chavale. Kʼalal chalikes aloʼile, maʼuk xavalbe skʼoplal li kʼusi lek chavaʼi atuke, jaʼuk xavalbe skʼoplal li kʼusi oy ta yoʼonton li buchʼu chachiʼin ta loʼile. Sventa spas avuʼune, nopbo skʼoplal liʼe:

1.    «¿Kʼusi yakal chalbeik skʼoplal li ta notisiae?».

2.   «¿Kʼusi chalbeik skʼoplal li jlakʼnatake, li jchiʼiltak ta abtele o li jchiʼiltak ta chanune?».

4. Teuk noʼox asat. Nopbo skʼoplal liʼe:

1.    «¿Kʼusi yakal tspas li buchʼu ta jkʼan ta jchiʼin ta loʼile? ¿Kʼusi van yakal tsnopbe skʼoplal?».

2.   «¿Mi chakʼ ta ilel kʼusi xchʼunoj o bu slumal ta skoj li skʼuʼ spokʼ slapoje, li spat xokone o ti kʼu yelan snae?».

3.   «¿Mi xokol van ti jchiʼin ta loʼile?».

5. Xanaʼuk xachikinta.

1.    Mu toj epuk xakʼopoj.

2.   Akʼo yal kʼusi oy ta yoʼonton, mu xamakbe ta be sloʼil. Mi sta-o chavile, oyuk kʼusitik xajakʼbe.