KOLTAO SVENTA X-OCH TA MANTAL
XCHANOBIL 10
Akʼo-o ta avoʼonton xakolta
Beiltasel ta Vivlia: «Ximuyubajkutik la jcholbotkutik avaʼiik li lekil aʼyejetike, pe maʼuk noʼox taje, yuʼun laj kakʼ jkuxlejalkutik xtok ta skoj ti kʼanbiloxuk kuʼunkutike» (1 Tes. 2:8).
¿Kʼuxi laj yakʼ ta ilel li Jesuse?
1. Kʼelo li VIDEOE o kʼelo Juan 3:1 xchiʼuk 2. Laje, nopbo skʼoplal liʼe:
-
Li Nikodemoe, ¿kʼu van yuʼun ta ikʼ osil la xchiʼin ta loʼil li Jesuse? (Kʼelo Juan 12:42, 43).
-
¿Kʼuxi laj yakʼ ta ilel Jesus ti yakʼoj ta yoʼonton ti xojtikinik mantal li krixchanoetike?
¿Kʼusi chakʼ jchantik li kʼusi la spas Jesuse?
2. Ta skoj ti jkʼanojtik li krixchanoetike, kakʼoj ta koʼontontik skoltaelik sventa x-ochik ta mantal.
Paso li kʼusi la spas Jesuse
3. Te xachanunajik ti bu tskʼane xchiʼuk ti jayib ora tskʼane. ¿Kʼusi kʼakʼalil o jayib ora mas lek chaʼi li avaj-estudioe? ¿Mi mas van jun yoʼonton chaʼi ti te xachanubtas li ta yabtele, li ta snae o mi oy bu yan? Ti bu kʼalal stakʼe jaʼuk jech ora xakʼot ti bu laj yalbot li avaj-estudioe.
4. Akʼo persa ti skotoluk xemana xichʼ s-estudioe. Mi muʼyuk xokolot jkojuke, mu xavalbe ti muʼyuk chachanubtase. Xuʼ me xapas liʼe:
5. Kʼanbo koltael Jeova. Kʼano ta orasion ti oyuk-o ta avoʼonton skoltael li avaj-estudioe. Mas to me tsots skʼoplal ti jech xapas mi mu skotoluk velta xuʼ yuʼune o mi vokol chaʼi yakʼel ta xkuxlejal li kʼusi chchane (Filip. 2:13). Albo Jeova ti skoltaot sventa jaʼuk xavakʼ ta avoʼonton li slekil talelal avaj-estudioe. Te chavakʼ venta ti ep kʼusi lek tspase.
