KʼUXI XUʼ XALIKES ALOʼIL
XCHANOBIL 2
Mu ta aniluk xavalbe skʼoplal Vivlia
Beiltasel ta Vivlia: «¡Toj lek kʼalal oy kʼusi chichʼ alel ti ta yorail noʼoxe!» (Prov. 15:23).
¿Kʼuxi laj yakʼ ta ilel li Felipee?
1. Kʼelo li VIDEOE o kʼelo Echos 8:30 xchiʼuk 31. Laje, nopbo skʼoplal liʼe:
¿Kʼusi chakʼ jchantik li kʼusi la spas Felipee?
2. Mi muʼyuk lik kalbetik skʼoplal ta anil li Vivliae, mas van ta sjunul yoʼonton chchikintabutik li jun krixchanoe.
Paso li kʼusi la spas Felipee
3. Teuk noʼox asat. Li buchʼu ta jkʼan ta jchiʼintik ta loʼile, ¿mi xvinaj ti oy ta yoʼonton chloʼilaj ta skoj ti kʼu yelan tspas sate xchiʼuk ti kʼu yelan oye? Jtos ti kʼuxi xuʼ xlik avalbe skʼoplal Vivliae jaʼ mi xi la ajakʼbee: «¿Mi anaʼoj ti…?». Pe mi mu skʼan xloʼilaje, mu me xasuj.
4. Oyuk smalael avuʼun. Mu ta aniluk xlik avalbe skʼoplal li Vivliae, nopo kʼuxi xuʼ xlik avalbe skʼoplal Vivlia kʼalal likem xa ox aloʼilike. Xuʼ me mu xavalbe skʼoplal Vivlia li ta sba velta chaloʼilajike.
5. Jelo li kʼusi chavale. Akʼo mi oy xa ox kʼusi anopoj chaval ta sventa li Vivliae, pe mi yan-o kʼusi chlik sloʼilta li buchʼu yakal chachiʼin ta loʼile, jaʼ lek jelo li kʼusi chavale xchiʼuk jaʼuk xaloʼiltabe li kʼusi oy ta yoʼontone.