KʼUXI XUʼ XALIKES ALOʼIL
XCHANOBIL 4
Bikʼit xavakʼ aba
Beiltasel ta Vivlia: «Bikʼit xavakʼ abaik, jaʼ masuk tsots skʼoplal xavilik li yantike» (Filip. 2:3).
¿Kʼuxi laj yakʼ ta ilel li Pabloe?
1. Kʼelo li VIDEOE o kʼelo Echos 26:2 xchiʼuk 3. Laje, nopbo skʼoplal liʼe:
-
¿Kʼuxi laj yakʼ ta ilel Pablo ti bikʼit laj yakʼ sba ti kʼu yelan la skʼopon li ajvalil Agripae?
-
¿Kʼuxi laj yakʼ ta ilel Pablo ti mas tsots skʼoplal li Jeovae xchiʼuk li Chʼul Tsʼibetike, ti maʼuk li stuke? (Kʼelo Echos 26:22).
¿Kʼusi chakʼ jchantik li kʼusi la spas Pabloe?
2. Mas me tstsʼet chikintaik kʼusi chkalbetik li krixchanoetik mi chij-ichʼvan ta mukʼ xchiʼuk mi bikʼit chkakʼ jbatike.
Paso li kʼusi la spas Pabloe
3. Mu xavakʼ ta aʼiel ti mas pʼij chavaʼi abae. Mu me xavakʼbe ta aʼiel li buchʼu yakal chachiʼin ta loʼil ti lek chanemot li voʼote ti jaʼ mu kʼusi snaʼ li stuke. Skotoluk ora ichʼvanan ta mukʼ kʼalal chakʼopone.
4. Jamal xavakʼ ta ilel ti ta Vivlia chalokʼes li kʼusi chavale. Li kʼusi chal Skʼop Diose xuʼ xkʼot ta yoʼonton li krixchanoetike. Kʼalal ta jtunestike, ta jkoltatik sventa jaʼuk xchʼunik li kʼusi chal Vivliae.
5. Manxoukot me. Maʼuk me xavakʼ ta avoʼonton yakʼel ta ilel ti voʼot oy arasone, yuʼun mu jkʼan jlikestik kʼop. Mi bikʼit chavakʼ abae, tskoltaot sventa mu xakap ta anil xchiʼuk ti xavakʼ venta ti jaʼ lek ti xatuchʼ komel aloʼile (Prov. 17:14; Tito 3:2). Mi ta slekil avoʼonton chatakʼav xchiʼuk chavakʼ ta ilel ti manxoote, xuʼ van tskʼan chchikinta mantal ta yan velta li krixchanoe.
