XCHANOBIL 06
¿Kʼuxi lik tal skotol li kʼusitike?
Dios, «te oy ta atojolal li snioʼal kuxlejale» (Salmo 36:9). ¿Mi xachʼun yaʼeluk taje? Jlom krixchanoetike xchʼunojik ti ta jech noʼox lik tal li kuxlejale, ti muʼyuk buchʼu la spase. Mi ta jech noʼox lijtale, ¿kʼu yuʼun ti kuxulutik un bi? Li Jeovae maʼuk ta jech noʼox la spas li kʼusitike, oy lek srasonal yuʼun. a Kʼelo avil kʼusi chal Vivlia ta sventa ti kʼuxi lik talel li kuxlejale xchiʼuk ti kʼu yuʼun xuʼ jchʼuntik li kʼusi chale.
1. ¿Buchʼu la spas li vinajel xchiʼuk balumile?
Xi chal li Vivliae: «Li ta slikebale, li Diose la spas vinajel xchiʼuk balumil» (Jenesis 1:1). Jutuk mu skotoluk li sientifikoetike o li pʼijil viniketike xchʼunojik ti oy slikeb li vinajel xchiʼuk balumile. ¿Kʼuxi la spas vinajel xchiʼuk balumil li Diose? Jaʼ la stunes li sjuʼele, jaʼ xkaltik, li xchʼul espiritu sventa spas skotol li kʼusitik oy ta vinajele: li jujutsop kʼanaletike xchiʼuk li planetaetike (Jenesis 1:2).
2. ¿Kʼu yuʼun la spas balumil li Diose?
Li Jeovae mu jecheʼuk noʼox la smeltsan li balumile la smeltsan sventa xichʼ naklebinel (Isaias 45:18). Li Diose kʼupil sba la spas li balumile xchiʼuk ti stakʼuk naklebinele. Vaʼun, ti xuʼuk te xkuxi sbatel osil li krixchanoetike (kʼelo Isaias 40:28 xchiʼuk 42:5). Li sientifikoetike chalik ti stuk xa noʼox jech pasbil li jbalumiltike, yuʼun muʼyuk staojik yan planeta ti stakʼ naklebinele.
3. ¿Kʼusi jelelutik-o xchiʼuk li chonbolometike?
Kʼalal laj xa ox spas balumil li Jeovae, oy kʼusitik te la spas. Baʼyel, la snojes ta chonbolometik, ta teʼetik xchiʼuk ta tsʼiʼleletik. Laj une, «li Diose la spas li krixchano jech kʼuchaʼal slokʼol stuke» (kʼelo Jenesis 1:27). ¿Kʼusi ti jelelutik-o xchiʼuk li chonbolometike? Ta skoj ti jaʼ slokʼol la spasutik li Diose, xuʼ jchanbetik stalelaltak. Jaʼ yuʼun, xuʼ xijkʼanvan xchiʼuk ti tukʼuk kʼusi jpastike. Toj lek ti kʼu yelan la spasutik xtoke, yuʼun xuʼ jchantik yan kʼop, ti jkʼeltik li slekil yutsilal li kʼusitik pasbile xchiʼuk ti jkʼupintik xchikintael sonetike. Yan xtok ti kʼusi jelelutik-o xchiʼuk li chonbolometike, jaʼ ti xuʼ xkichʼtik ta mukʼ li Jpasvanej kuʼuntike.
JCHANTIK TO BATEL MAS
Jkʼelbetik sprevailtak ti chakʼ ta ilel ti jaʼ la spas Dios skotol li kʼusitik kuxajtike xchiʼuk ti xuʼ jchʼuntik li kʼusi chal Vivlia ta sventa li kʼusitik pasbile. Jkʼeltik to batel xtok kʼusi chakʼ jchantik ta stojolal Dios li lekil talelaletik chkakʼtik ta ilele.
4. Oy buchʼu spasoj skotol li kʼusi kuxajtike
Li krixchanoetike chichʼik-o toybel skʼoplalik ta skoj li kʼusitik tspasik ti jaʼ te chchanik lokʼel li ta spasbentak Diose. Pe ¿buchʼu van sta-o toybel skʼoplal? Kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼusitik te xchanojik lokʼel ta spasbentak Dios li krixchanoetike?
Skotol li naetike oy buchʼu la snop lek kʼu yelan chichʼ vaʼanel. Pe ¿buchʼu van la snop lek kʼu yelan chichʼ pasel skotol li kʼusitik x-ayan ta balumile? Kʼelik Ebreos 3:4 xchiʼuk albeik skʼoplal li sjakʼobiltak liʼe:
-
¿Kʼusi labal sba chavil ta sventa li kʼusitik spasoj Diose?
-
¿Mi oy van lek sprevail sventa jchʼuntik ti oy buchʼu la spas skotol li kʼusitik oye? ¿Kʼu yuʼun ti jech chavale?
¿Mi chakʼan to chachan mas?
Li ta jw.org ti bu chal: «¿Mi oy van buchʼu la spas?» xchiʼuk «Li k’usi tsnopik ti k’u yelan lik tal li kuxlejale», xuʼ te xata yan mantaletik xchiʼuk videoetik ta sventa li kʼusitik pasbile.
«Ta melel, oy buchʼu svaʼanoj li jujupʼej nae, pe jaʼ spasoj Dios skotol li kʼusitik oye»
5. Stakʼ chʼunel li kʼusitik chal Vivlia ta sventa li kʼusitik pasbile
Li ta Jenesis kapitulo 1, li Vivliae chal kʼuxi lik talel li balumile xchiʼuk skotol li kʼusi x-ayan teye. ¿Mi melel van taje o jecheʼ noʼox loʼil? Kʼelik li VIDEOE xchiʼuk albeik skʼoplal li sjakʼobiltak liʼe:
-
¿Mi chal Vivlia ti ta vakib noʼox kʼakʼal laj yichʼ pasel li balumile xchiʼuk li kʼusitik x-ayan tee?
-
¿Mi stakʼ chʼunel chavaʼi kʼusi chal Vivlia ta sventa li kʼusitik pasbile? ¿Kʼu yuʼun ti jech chavale?
Kʼelik Jenesis 1:1 xchiʼuk albeik skʼoplal li sjakʼobil liʼe:
-
Jutuk mu skotoluk li sientifikoetike chalik ti oy slikeb li vinajel xchiʼuk balumile. Li kʼusi chal Vivliae, ¿mi koʼol la avil xchiʼuk li kʼusi chal sientifikoetike?
Junantik krixchanoetike xi tsjakʼbe sbaike: «Kʼalal la spas kʼusitik kuxajtik li Diose, ¿mi laj yakʼ ti kʼunkʼun xkʼataj talele?». Kʼelik Jenesis 1:21, 25, 27 xchiʼuk albeik skʼoplal li sjakʼobil liʼe:
-
Kʼalal la spas skotol kʼusitik kuxajtik li Diose, ¿mi chal Vivlia ti kʼunkʼun xa kʼataj talel ta choy, ta chonbolometik xchiʼuk ta krixchanoetik o mi jeltos onoʼox li kʼusitik la spase? b
6. Stuk noʼox jech ti kʼu yelan la spasutik li Diose
Jelelutik tajek kʼuchaʼal li chonbolometike. Kʼelik Jenesis 1:26 xchiʼuk albeik skʼoplal li sjakʼobil liʼe:
-
Ta skoj ti jaʼ slokʼol la spasutik li Diose, xuʼ xijkʼanvan xchiʼuk xkakʼtik ta ilel xkʼuxul koʼontontik. ¿Kʼu yelan stalelal chavil li Jeovae?
JUNANTIKE XI CHALIKE: «Li kʼusitik chal Vivlia ta sventa li kʼusitik pasbile jecheʼ noʼox loʼil».
-
¿Mi jech chanop taj eke? ¿Kʼu yuʼun ti jech chavale?
¿KʼUSI LA ACHAN?
Li Jeovae jaʼ la spas li vinajel balumile xchiʼuk skotol li kʼusi x-ayane.
Svulesobil ta joltik
-
¿Kʼusi chal Vivlia ta sventa ti kʼuxi lik talel li vinajel xchiʼuk balumile?
-
Kʼalal oy kʼusi la spas li Diose, ¿mi laj yakʼ ti ta kʼunkʼun xa xkʼataj talel ta jeltos kuxlejaletike o mi jeltos onoʼox kʼusitik la spas?
-
¿Kʼu yuʼun stuk noʼox jech ti kʼu yelan pasbilutike?
XUʼ TO XAKʼEL LIʼE
Kʼelbo avil skʼoplal junantik kʼusitik pasbil ti chakʼ ta ilel ti oy buchʼu la spase.
«¿Kʼusi chakʼ jchantik li kʼusitik pasbile?» (¡Vikʼiluk me jsatik!, septiembre 2006)
Kʼelavil kʼuxi tskolta xkʼox kerem jun totil yoʼ xalbe kʼuxi laj yichʼ pasel li vinajel xchiʼuk balumile.
Kʼelavil mi jech chal Vivlia ti kʼunkʼun kʼataj talel li kuxlejale.
«¿Mi ta jech no’ox la skʼatajes tal Dios li kʼusitik kuxajtike?» (Xu’ te xata ta jw.org)
Kʼelavil mi chakʼ ta ilel ti oy jun Jpasvanej o mi ta jech noʼox lik tal li kuxlejal ta sventa li voʼneal baketik staojik xchiʼuk li kʼusitik xchanojbeik skʼoplal li sientifikoetike.
Voʼob sjakʼobil ta sventa ti kʼuxi lik talel li kuxlejale (foyeto)
a Li ta xchanobil 25, te chal kʼu yuʼun la spas krixchanoetik li Diose.
b Kʼalal jeltos xi li Vivliae, jaʼ chalbe skʼoplal skotol li kʼusitik kuxajtike.
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
