XCHANOBIL 11
¿Kʼuxi xuʼ xatabe lek sbalil li xchanel Vivliae?
¿Mi oy ox kʼusi anopoj chapas ti toj vokol laj avaʼie? Sventa mu toj vokoluk van la avaʼie, ta kʼunkʼun la apas. Xuʼ van jaʼ jech vokol chavaʼi xchanel li Avivlia eke. Jaʼ yuʼun, xuʼ van xi chajakʼbe abae: «¿Kʼuxi xuʼ jlikes skʼelel un chaʼa?». Li ta xchanobil liʼe, ta jkʼeltik batel kʼusi xuʼ xapas sventa xakʼupin xchanel li Avivliae.
1. ¿Kʼu yuʼun skʼan jkʼeltik jujun kʼakʼal li Vivliae?
Li buchʼu tskʼel jujun kʼakʼal «li smantal Jeovae» xmuyubaj noʼox xchiʼuk «lek chkʼot ta pasel yuʼun skotol li kʼusi tspase» (kʼelo Salmo 1:1-3). Sventa xlik akʼel li Vivliae, kʼuchaʼal mu xachʼakbe yorail jayibuk minuto ta kʼakʼal. Mi la achan Avivliae, chavaʼibe smelolal xchiʼuk mas to chlik akʼupin xchanel.
2. ¿Kʼusi xuʼ skoltaot sventa xatabe sbalil mi la achan Avivliae?
Sventa jtabetik sbalil xchanel li Vivliae, skʼan jchotan jbatik lek ta snopbel skʼoplal, maʼuk noʼox ti ta jkʼeltike (Josue 1:8). Kʼalal yakal chachan li Vivliae, xi xajakʼbe abae: «¿Kʼusi chchanubtasun ta sventa Jeova li versikuloetik liʼe? ¿Kʼuxi xuʼ xkakʼ ta jkuxlejal? ¿Kʼuxi xuʼ jtunes yoʼ jkolta-o li yantike?».
3. ¿Kʼusi ora xuʼ xachʼakbe yorail xchanel li Avivliae?
¿Mi vokol chavaʼi xchʼakbel yorail xchanel li Vivliae? Mu atukuk ti jech chavaʼi abae. Akʼo persa ti lekuk xatunes li jujun kʼakʼal chjelav avuʼune (Efesios 5:16). Sventa spas avuʼune, sabo lek yorail jujun kʼakʼal yoʼ xakʼel li Avivliae. Junantike ta sob tskʼelik, yane ta mal kʼakʼal, pe li jlome jaʼo tskʼelik kʼalal chveʼike, yantike jaʼo kʼalal skʼan to xvayike. Li voʼote, ¿kʼusi van ora xuʼ xachan li Avivlia eke?
JCHANTIK TO BATEL MAS
Jkʼeltik batel kʼusi xuʼ jpastik sventa jkʼupintik xchanel li Vivliae. Ta jkʼeltik batel xtok kʼuxi xuʼ jchapan jbatik lek xchiʼuk ti kʼuxi xuʼ jtabetik lek sbalil xchanel li livro liʼe.
Jech kʼuchaʼal xuʼ xlik jkʼupintik slajesel jtosuk veʼlile jaʼ jech li xchanel Vivlia eke
4. Kʼupino xchanel li Avivliae
Xuʼ van mu kʼunuk chkaʼitik ti xlik jchantik li Vivliae. Xuʼ jkoʼoltastik ta jtosuk veʼlil ti muʼyuk jpasojtik-o prevae, pe xuʼ jkʼupintik mi lik jlajestike. Jaʼ jech li xchanel Vivlia eke. Kʼelik 1 Pedro 2:2 xchiʼuk albeik skʼoplal li sjakʼobil liʼe:
-
Mi lik achan jujun kʼakʼal li Vivliae, ¿mi mu jechuk ti chlik akʼupin xchiʼuk ti mu xa x-iktaj avuʼun chavaʼie?
Sventa xavojtikin junantik kerem tsebetik ti lik skʼupinik xchanel li Vivliae, kʼelik li VIDEOE. Mi laje, albeik skʼoplal li sjakʼobiltak liʼe:
-
Li ta videoe, ¿kʼusi vokoliletik la snuptanik li kerem tsebetik sventa skʼel li Svivliaike?
-
¿Kʼusi koltaatik sventa jechuk-o skʼelike?
-
¿Kʼusi la spasik sventa skʼupinik xchanel li Svivliaike?
Li kʼusi xuʼ xlik apase:
-
Tʼujo jlikuk Vivlia ti lek tukʼ jelubtasbile xchiʼuk ti kʼun ta aʼiele. Xuʼ xakʼel li Xchʼul Kʼop Dios sventa Achʼ Balumil mi oy ta akʼope.
-
Jaʼ lik chano li kʼusi mas chakʼupin ta Vivliae. Li ta rekuadro «Chano Avivlia jujun kʼakʼal» xuʼ te xata li kʼusitik xuʼ xlik akʼele.
-
Tsako ta vun li kʼusi chachane. Tuneso li rekuadro ti bu chal: «Ti bu xa xilokʼ ta xchanel Jvivliae», ti liʼ talem ta livroe.
-
Tuneso li aplikasion JW Library®. Mi la ayales ta aselular o ta atavletae, xuʼ te xakʼel xchiʼuk xachikinta li Vivliae mu ventauk bu oyot.
-
Tuneso li apendise xchiʼuk yan kʼusitik ti talem li ta Xchʼul Kʼop Dios sventa Achʼ Balumile. Te chata mapaetik, rekuadroetik xchiʼuk jun glosario ti tskoltaot sventa xakʼupin xchanel mas li Vivliae.
5. Chapano aba jujukoj kʼalal chachanik li livroe
Kʼelik Salmo 119:34 xchiʼuk albeik skʼoplal li sjakʼobil liʼe:
-
¿Kʼu yuʼun skʼan baʼyel xapas orasion kʼalal chachan Avivlia o kʼalal chachapan alivroe?
¿Kʼuxi xuʼ xatabe lek sbalil li chanubtasel chavichʼe? Kʼalal chachapan abae, xuʼ xapas liʼe:
-
Chano li parafoetik ti te talem ta slikebal jujun xchanobile.
-
Chano skotol li tekstoetik te taleme xchiʼuk kʼelo kʼuxi snitojbe sba skʼoplal li kʼusi chal ta jujun xchanobile.
-
Bono ti bu mas tsotsik skʼoplal ti jaʼ te tstakʼ li kʼusi chichʼ jakʼele. Taje tskoltaot kʼalal mi lik achanik xchiʼuk li buchʼu chakʼbot chanubtasele.
¿Mi chak’an to chachan mas?
Li stestigounkutik Jeovae jtunesojkutik jeltos traduksionetik, pe jaʼ ta jkʼupinkutik skʼelel li Xchʼul Kʼop Dios sventa Achʼ Balumile, yuʼun lek tukʼ jelubtasbil xchiʼuk kʼun ta aʼiel. Jech xtok, te talem li sbi Diose (kʼelo ta jw.org li mantal liʼe: «¿Mi oy Svivlia stukik li stestigotak Jeovae?»).
JUNANTIKE XI CHALIKE: «Mu xixokob xchanel li Vivliae. Lubemun noʼox».
-
¿Mi jech chanop taj eke?
¿KʼUSI LA ACHAN?
Sventa xatabe sbalil li kʼusi chachan ta Vivliae, sabo yorail sventa xakʼel. Jech xtok, kʼanbo koltael Dios sventa xavaʼibe smelolal li kʼusi chakʼele xchiʼuk baʼyel chapano li alivroe.
Svulesobil ta joltik
-
¿Kʼusi xuʼ skoltaot sventa xatabe lek sbalil kʼalal mi la achan li Avivliae?
-
¿Kʼusi ora xuʼ xachʼakbe yorail sventa xachan atuk li Vivliae?
-
¿Kʼusi sbalil chatabe mi baʼyel la achapan li alivroe?
XUʼ TO XAKʼEL LIʼE
Kʼelavil kʼusi xuʼ xapas sventa xatabe lek sbalil li xchanel Vivliae.
«Kʼupino skʼelel li Vivliae» (Li Jkʼel-osil ta toyole, num. 1 2017)
Kʼelavil oxtos kʼuxi xuʼ xachan li Avivliae.
Kʼelavil kʼuxi xuʼ xakʼupin xchanel li Avivliae.
«¿Kʼuxi xuʼ skoltaun li Vivliae? Xchaʼvokʼal: Kʼupino xchanel li Vivliae» (Xuʼ te xata ta jw.org)
Kʼelavil kʼusi chalik junantik krixchanoetik ti oy xa kʼuk sjalil chchan Svivliaike.
¿Kʼuxi xuʼ jtabetik sbalil kʼalal ta jchan Jvivliatike? (2:06)
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
