XCHANOBIL 22
¿Kʼuxi xuʼ xlik achol mantal?
Kʼalal la achan li kʼusitik melel chchanubtasvan li Vivliae, xuʼ van xi la anope: «¡Persa skʼan xaʼiik skotol krixchanoetik maʼ taje!». Oy arason ti jech chavale, yuʼun skʼan onoʼox xaʼiik. Pe xuʼ van chaxiʼ jutuk sventa xavalbe yantik li kʼusi yakal chachane. Jkʼeltik avil kʼusi xuʼ xapas sventa mu xaxiʼe xchiʼuk ti xakʼupin yalbel yantik li lekil aʼyej chal Vivliae.
1. ¿Kʼuxi xuʼ xavalbe yantik li kʼusi yakal chachane?
Xi laj yal li yajchankʼoptak Jesuse: «Li voʼonkutike mu xuʼ xkikta jbakutik ta yalel li kʼusi kilojkutik xchiʼuk li kʼusi kaʼiojkutike» (Echos 4:20). Toj lek laj yaʼiik li kʼusi laj yakʼ ta chanel Jesuse, jaʼ yuʼun tskʼan chalbeik li yantik eke. ¿Mi jaʼ jech chavaʼi aba ek? Mi jeche, akʼo persa yalbel avutsʼ avalal xchiʼuk avamigotak li kʼusi yakal chachane (kʼelo Kolosenses 4:6).
Junantik li kʼusitik xuʼ xapase
-
Kʼalal chachiʼin ta loʼil avutsʼ avalale, xuʼ xi xlik avalbe skʼoplal li Vivliae: «Oy kʼusi tsots skʼoplal la jchan li xemana liʼe».
-
Mi oy junuk avamigo ti ip chaʼi o ti chat yoʼontone, akʼbo yil junuk teksto ti xuʼ xpatbat yoʼontone.
-
Kʼalal mi la sjakʼbot achiʼil ta abtel kʼu avelane, loʼiltabo li kʼusi la achan ta Vivliae o li kʼusi la achan ta tsobajele.
-
Akʼbo yil avamigotak li pajina ta internet jw.org.
-
Xuʼ oy buchʼu xavikʼ batel kʼalal jaʼo chavichʼ estudioe o akʼbo yil kʼuxi ta kʼanel junuk chanubtasel ta jw.org.
2. ¿Kʼu yuʼun tsots skʼoplal ti xachol mantal xchiʼuk li ermanoetike?
Li yajchankʼoptak Jesuse maʼuk noʼox la xcholbeik mantal li buchʼutik xojtikinike. Li Jesuse «ta chaʼchaʼvoʼ la stak jelavel ta skotol jteklumetik» sventa te xcholik mantal (Lukas 10:1). Ti kʼu yelan la xcholik mantale jaʼ sventa xkʼot ta xchikin krixchanoetik li lekil aʼyejetike. Jech xtok, li yajchankʼoptak Jesuse la skʼupinik tajek ti koʼol la xcholik mantale (Lukas 10:17). ¿Mi xuʼ avuʼun xlik achol mantal xchiʼuk li ermanoetike?
JCHANTIK TO BATEL MAS
Jkʼeltik kʼusi xuʼ xapas sventa mu xaxiʼ tajek xchiʼuk ti xamuyubajuk noʼox xaval batel li lekil aʼyejetike.
3. Jaʼ tskoltaot li Jeovae
Junantik krixchanoetik ti tskʼan chcholik mantale tsvul˗o yoʼontonik ti kʼu yelan ch˗ilatik yuʼun li krixchanoetike.
-
¿Mi chaxiʼ kʼalal chacholbe mantal li yantike? ¿Kʼu yuʼun?
Kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼuxi chʼay yuʼunik xiʼel li kerem tsebetik ta videoe?
Kʼelik Isaias 41:10 xchiʼuk albeik skʼoplal li sjakʼobil liʼe:
-
¿Kʼu yuʼun skʼan xapas orasion mi chaxiʼ ta xcholel mantale?
¿Mi chakʼan to chachan mas?
Ep stestigotak Jeovae laj toʼox snopik ti mu xchol yuʼunik mantale. Jun skʼelobile jaʼ li Sergeye, muʼyuk toʼox sbalil chaʼi sba xchiʼuk vokol chaʼi xchiʼinel ta loʼil li yan krixchanoetike. Pe lik xchan li Vivliae. Xi chal sloʼile: «Akʼo mi chixiʼ tajek, laj kakʼ persa yalbel yantik li kʼusi yakal ta jchane. Jaʼ to laj kakʼ ventae la skoltaun sventa oyuk jbalil xkaʼi jba xchiʼuk kʼot ta koʼonton li kʼusi chakʼ ta chanel Vivliae».
4. Ichʼvanan ta mukʼ
Mi oy buchʼu chacholbe mantale, tsots skʼoplal ti xanop kʼusi chavalbee xchiʼuk ti kʼu yelan chakʼopone. Kʼelik 2 Timoteo 2:24 xchiʼuk 1 Pedro 3:15 xchiʼuk albeik skʼoplal li sjakʼobiltak liʼe:
-
Li kʼusi chal li tekstoetik liʼe, ¿kʼuxi xuʼ jechuk xavakʼ ta ilel kʼalal chacholbe mantal yantike?
-
Xuʼ van oy avutsʼ avalal o avamigotak ti jelel kʼusi tsnopik ta sventa li kʼusi chavale. ¿Kʼusi van xuʼ xapas? Xchiʼuk ¿kʼusitik ti mu stakʼ xapase?
-
¿Mi mas van lek xanaʼ ti xavalbe kʼusi skʼan xchʼun li jun krixchanoe? ¿Kʼu yuʼun mas lek ti ta slekiluk avoʼonton xachiʼin ta loʼil sventa xkʼot ta yoʼonton li mantale?
5. Chakʼ jmuyubajeltik kʼalal chkaltik batel lekil aʼyejetike
Li Jeovae laj yakʼbe ta skʼob Jesus ti xchol batel li lekil aʼyejetike. ¿Kʼu yelan laj yil Jesus li abtelal taje? Kʼelik Juan 4:34 xchiʼuk albeik skʼoplal li sjakʼobiltak liʼe:
-
Jaʼ kuxulutik˗o kʼalal lekik li kʼusi ta jlajestike xchiʼuk xijmuyubaj noʼox. ¿Kʼu yuʼun laj yal Jesus ti xkoʼolaj ta lekil veʼlil li spasbel yabtel Dios ti te tsakal skʼoplal li cholmantale?
-
¿Kʼusitik sbalil chatabe mi chachol batel li lekil aʼyejetike?
Li kʼusi xuʼ xapase
-
Mi labat li ta tsobajel ta xokol kʼakʼale, kʼelo kʼuxi xuʼ xlik achiʼin ta loʼil li yantike.
-
Albo li buchʼu chchanubtasot sventa xaloʼiltaik kʼusitik xuʼ xapas sventa xavetʼes aparte li ta tsobajeletik ch˗echʼ ta xokol kʼakʼale. Li aparte chatae jaʼ tskoltaot sventa masuk lek chapalot yoʼ xavalbe yantik li kʼusi yakal chachane.
-
Li ta rekuadro ti bu chal: «Junantike xi chalike» xchiʼuk «Junantike xi tsjakʼike», tskoltaot sventa xanaʼ kʼuxi chatakʼbe li buchʼutik jech chalike.
JUNANTIKE XI TSJAKʼIKE: «¿Liʼote? ¿Kʼu avelan taj une?».
-
Kʼalal jech chavichʼ albele, ¿kʼuxi xuʼ xlik avalbe skʼoplal li kʼusi yakal chachan ta Vivliae?
¿KʼUSI LA ACHAN?
Chakʼ˗o jmuyubajeltik kʼalal chkaltik batel lekil aʼyejetike xchiʼuk mu toj vokoluk ta pasel jech kʼuchaʼal anopoj toʼoxe.
Svulesobil ta joltik
-
¿Kʼusi van xuʼ stij avoʼonton sventa xlik achol mantale?
-
¿Kʼuxi xuʼ xa˗ichʼvan ta mukʼ kʼalal chachol mantale?
-
¿Kʼusi xuʼ xapas sventa xchʼay avuʼun li xiʼele?
XUʼ TO XAKʼEL LIʼE
Kʼelavil chantos ti kʼuxi xuʼ xachol-o mantal xchiʼuk li tarjeta ti chalbe skʼoplal li jw.org.
Kʼuxi xuʼ xkakʼtik li tarjeta ti chalbe skʼoplal li jw.org (1:43)
Kʼelavil chantos kʼusi xuʼ skoltaot sventa xaval batel li lekil aʼyejetike.
«¿Mi oy ta avoʼonton chasaʼ krixchanoetik?» (Li Jkʼel˗osil ta toyole, septiembre ta 2020)
Kʼelavil jun loʼil ta Vivlia ti tskoltautik sventa mu xijxiʼ ta xcholel mantal akʼo mi kʼoxutik to.
Kʼelavil kʼuxi xuʼ xachiʼin ta loʼil avutsʼ avalal ti mu to xojtikinik Jeova sventa xavalbe skʼoplal li Vivliae.
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
